1 KORINTUS 2:11 - Tanou Moonsoi Timugon

¹¹ Koson ra guang ru sasangulun, io galama' ayuk makapandai ra guangon nano. Nogondo' niayuk ri Aki Kapuuno', Ambiluo Nano galama' ayuk makapandai ra ngaangai' ru guangon Nano.

1 KORINTUS 2:11 ပူးပေါင်းရင်းမြစ်များ

AYUP 15:8

Nokorongog kou kia ra inatangan ondo' binaal ri Aki Kapuuno'? Okou ayuk kia ondo' mokoondo' ra kapintaran ru ulun?

AMSAL 14:10

Moonsoi kapoam malaat ru sasangulun mailian ayuk ru guang nano galama', kolondo' sangulun pana maya' makaili'.

AMSAL 20:27

Inanian takau ru Tuhan ra utok am guang; ginio ra kalo makapagabau takau ra inan galama'.

AMSAL 20:5

Pangkaraan ru ulun koson ra timug ru tulubong ondo' malandom, kaa' ulun mapintar makapansagou.

JIRIMIA 17:9

Guang ru ulun kalo maratian ru osoi pana; guang ru ulun mapintar toojo intor ra ngaangai' no, am maruol nano maingor kaga'.

1 KORINTUS 12:8

Ambiluo no mangani' ra sangulun ra taak mindagu ra mapintar toojo. Ulun ra bokon inanian poyo ru Ambiluo raginio ra taak mambala' ra kapandayan intor ri Aki Kapuuno'.

1 KORINTUS 2:10

Kaa' ondo' kalo igondo' pinabala' raginio pinabala' noyo ri Aki Kapuuno' ritakau ralalom ru Ambiluo Nano. Ngaangai' imumuyin toojo ru Ambiluo ri Aki Kapuuno', suku' ra kasagaan ru guang ri Aki Kapuuno' ondo' nabuni toojo no pana.