1 KORINTUS 2:10 - Tanou Moonsoi Timugon

¹⁰ Kaa' ondo' kalo igondo' pinabala' raginio pinabala' noyo ri Aki Kapuuno' ritakau ralalom ru Ambiluo Nano. Ngaangai' imumuyin toojo ru Ambiluo ri Aki Kapuuno', suku' ra kasagaan ru guang ri Aki Kapuuno' ondo' nabuni toojo no pana.

1 KORINTUS 2:10 ပူးပေါင်းရင်းမြစ်များ

JUANIS 14:26

Kaa' Ambiluo ri Aki Kapuuno', Io no Mangingindangan ondo' susubon ri Ama' ralalom ru inggalan Kuno, Io noyo mangila' ramuyun ra ngaangai' no am mampakara' ramuyun ra ngaangai' ondo' rinagu Ku noyo.

IPISUS 3:5

Gili gitio kalo igondo' pinabala' ra ulun, kaa' raino pinaintalang noyo ri Aki Kapuuno' mansail ra Ambiluo Nano ra rasul-rasul am nabi-nabi ondo' matulai.

LUKAS 10:21

Paat ragili niayuk naansukan i Jisus ra kinuasa' Io ru Ambiluo ri Aki Kapuuno', indagu Io, “Ama', Tuhan ru limbowon am tana'! Paringkuanangan Kuno Rirun sabap ra pinakito Mu noyo ra ulun kolondo' kapandayan ondo' pinasibuni Muno intor ra ulun mapintar. Ama', ginio noyo kasagaan Muno.

IPISUS 3:3

Ioginio ati kulaan i Aki Kapuuno' nampaintalang raki' ra inatang No ra kalo igondo' pinabala' i, koson tinulisan ku noyo gini kariwaa'.

GALATIA 1:12

Kalo inapu ku ginio intor ra ulun. Kolondo' sangulun pana nangila' raki' ra Tanou Moonsoi no, kaa' i Jisus Kristus galama' ondo' nampaintalang raki' raginio.

MATIUS 16:17

“Pakaansuk no Simon, anak ri Juanis!” kon ri Jisus, “sabap ra katapatan ragitio sala' ka intor ra ulun, kaa' gitio pinabala' rirun ri Ama' Kuno giu' ra suruga'.

MATIUS 13:11

Taam i Jisus, “Binalaan kano ondo' kalo igondo' pinabala' ra ati kulaan i Aki Kapuuno' mamarinta, kaa' ulun masuang no kalo.

JUANIS 16:13

Kaa' paat ra Ambiluo ri Aki Kapuuno' no matong, mambala' Io ra katapatan ri Aki Kapuuno' am mampaintutun Io ramuyun ra ngaangai' ru katapatan. Kalo mambala' Io sumugut ra kuasa' Nano galama', kaa' mambala' Io ra atan ondo' morongog Nano am atan ondo' masauk ra tauli no.

1 PITRUS 1:12

Pinaintalang noyo ra nabi-nabi ra atan ondo' kinandoi nilai i, sala' ka kaatangan nilo galama' ayuk, kaa' sotopot no akau. Am ondo' pinabala' nilo ragili, mogondo' niayuk ra atan ondo' pinabala' toojo ramuyun ra raino ti ru ilo ondo' mampasaboi ra Tanou Moonsoi intor ri Jisus Kristus. Kandoi nilo ragitio mansail ra kuasa' ru Ambiluo ri Aki Kapuuno' ondo' inataran intor ra suruga'. Am malaikat-malaikat pana mompogogot niayuk toojo mintutun ra baal-baal ragitio.

1 JUANIS 2:27

Kaa' akau galama', inanian noyo ri Jisus Kristus ra Ambiluo Nali. Am buoi ru Ambiluo no soroi ramuyun, kalo pana ilaan kau ru ulun. Ambiluo no mangila' ramuyun ra atan-atan ayuk am pangilaan Nano motopot, sala' ka magabau. Ginio boo ra akau musiti' gumagaya' ra pangilaan ru Ambiluo no, am maayag kau sumimpung ri Jisus Kristus.

1 KORINTUS 2:11

Koson ra guang ru sasangulun, io galama' ayuk makapandai ra guangon nano. Nogondo' niayuk ri Aki Kapuuno', Ambiluo Nano galama' ayuk makapandai ra ngaangai' ru guangon Nano.

AMOS 3:7

Tuhan Raja' kalo igondo' nambaal ra rondo' pana ra kalo nambala' galing ra inatangan Nano ra nabi-nabi, ulipon-ulipon Nano.

AYUP 12:22

Nampatawang io ra intok-intok molondom, am nampasinda ra intok-intok molondom kaga'.

1 JUANIS 2:20

Kaa' nakaapu kano ra Ambiluo ri Aki Kapuuno' ondo' pinataak ri Jisus Kristus. Ginio sabap ra akau nakaulig toojo ra pangilaan ri Aki Kapuuno' ondo' motopot.

1 KORINTUS 14:30

Kaa' paat ra sambayang, amon ru mokoondo' bala' intor ri Aki Kapuuno' aniin ra ulun bokon, ulun ondo' lakat ayuk poyo mampasaboi no, musiti' lumonggo'.

LUKAS 2:26

am binalaan io ru Ambiluo ri Aki Kapuuno' no ra kalo poyo matoi io ru kalo makakito io ra Mamamayag ondo' sinusub ru Tuhan.

DANIL 2:22

Io mampatutun ra ondo' nakasibuni ondo' malandom kaga'; Nakapandai Io ra baal ondo' nakasibuni ralalom kalandaman, linibungan Io ru sinda.

JISAYA 48:16

Ratong inggaar no Raki' am rongogo' ragu Kuno. Intor ra galing i kalo opoton ku ragu Kuno, am moonong ragu Kuno motopot.” Ragino Tuhan Raja' manusub raki' am manaak raki' ra kuasa' Nano.

PINAINTALANG 1:1

Gitio noyo ondo' pinaintalang ri Jisus ra baal ondo' masauk no. Ioginio, tinaakan ri Aki Kapuuno' ralalom inggalan ri Jisus koson mampakito ra ulun pinili' Nano ra atan ondo' saukon Nano kalo boo mabuoi tumalimpuun. Nambala' i Kristus ra baal ragitio ra ulipon Nali i Juanis, pinabala' galing ra sangulun malaikat ondo' sinusub Nano,

JISAYA 59:21

Mambaal Aku ra nabantuan ramuyun: Aniin Takamin ra kuasa' Kuno am pangilaan Kuno ra sabuoi-buoi no. Ilaa' noyo anak-anak mino maa' raginio ilo pana makapangila' raginio saboi papag ka pagag ragino am saboi ra sabuoi-buoi no.”

1 TIMOTIUS 4:1

Mindagu Ambiluo ri Aki Kapuuno' ra totopot paat orou ra tauli, mokoondo' ulun tumalikur intor ra pangintapatan ri Jisus Kristus; sumugut ilo ra ambiluo ondo' mampakalayau am maya' ra pangilaan ru riwato.

PINAINTALANG 2:24

“Kaa' akau ondo' bokon no ra bandar Tiatira, ondo' kalo minaya' ra pangilaan malaat no am kalo mila' ra kapandayan ru Tingganai ru riwato, balain takamin: kalo boo ruangin Ku kapaganan maagat min.