1 KORINTUS 16:9 - Tanou Moonsoi Timugon

⁹ Sabap ra masuang kaluagan moonsoi kuno mangandoi ra Tuhan ragiti, kabalu' pana masuang niayuk manggal raki'.

1 KORINTUS 16:9 ပူးပေါင်းရင်းမြစ်များ

RINALATAN 14:27

Paat ra ilo nakasaboi ra Antiokia, timungo' nilo pasimpungan ulun Kristian am tunungo' nilo atan ondo' sinauk ri Aki Kapuuno' pinasumbaya' risilo. Tinunung nilo niayuk ra ati kulaan i Aki Kapuuno' nangukab ra ralan koson ulun ondo' sala' ka Jaudi pana mangintopot ri Jisus.

1 KORINTUS 15:32

Kolondo' onong aku gumula' ra ulun malaat giti ra bandar Ipisus, amon ru ampos no kaayagan ru tana' ti ayuk. Amon ru ulun minatoi kalo bayagon saguli', moonsoi maya' takau ra abig ragitio; “Ibok! Akan, inum am rumamai takau, sabap ra susuab matoi takano.”

2 KORINTUS 1:6

Mapaat ra akai maimbolo', ginio mangindangan am mampakaayag ramuyun. Amon ru indanganon akai, akau pana indanganon am aniin ra kuasa' mongorot ra kaimbalaan koson ramon.

2 KORINTUS 2:12

Paat ra aku nakasaboi ra bandar Troas koson mampabala' ra Tanou Moonsoi ri Kristus i, ilain ku ra pinongo noyo kalalair ru Tuhan ralan kuno mangandoi ra giu' i.

PILIPI 3:18

Sabap ra koson masalok aku no nakapambala' ramuyun am raino sagulion ku poyo mabaya' ra tangi', ra mokoondo' masuang niayuk ulun mansang ra pangilaan ra i Kristus minatoi ra salip.

KOLOSI 4:3

Karaa' min niayuk akai ralalom ru pakiasian min, maa' raginio i Aki Kapuuno' mangani' ramon ra kaluagan mampasaboi ra tanou ri Kristus ondo' kalo igondo' pinabala'. Sabap ra kinibit ru kandoi ragitio noyo ra aku pinasubol ra pangaputan ti.

JAKUBUS 5:16

Sabap raginio, pabalaa' noyo ra rondo' am bokon tula ra binaal min am pakiasi' noyo ra Tuhan ra rondo' am bokon, maa' raginio maalap kau kababas. Pakiasian ru sangulun motopot, maayo kaga' kuasa' nano.