1 KORINTUS 16:6 - Tanou Moonsoi Timugon

⁶ Ati lair mabubuoi aku sumoroi ramuyun, saboi mopongo musim masimu' no. Maa' raginio makapangindangan kau raki' manunggul ra pangkiralanan kutu.

1 KORINTUS 16:6 ပူးပေါင်းရင်းမြစ်များ

RINALATAN 15:3

Ginio ra ulun Kristian ra Antiokia nompoongoi noyo risilo ra Jirusalim. Minapit ilo poyo ra Pinisia am Samaria. Pakasuku' ilo ra giu' i, pantunung ilo ra ati kulaan ulun sala' ka Jaudi nangintopot noyo ri Aki Kapuuno'. Tanou ragitio nampakaansuk toojo ra guang ru ulun Kristian ondo' soroi ra giu' i.

RINALATAN 17:15

Kaatari' nilo i Paulus saboi ra bandar Atina, saguli' boo ulun-ulun no ra Biria am nagibit ra bilin intor ri Paulus ra pasunuon no i Silas am i Timotius ra mataki'.

RINALATAN 20:38

Mangiluk guang nilo ra i Paulus ti nambala' risilo ra kalo boo makapantuum ilo. Atari' nilo boo io ra kapal.

RINALATAN 21:5

Kaa' nasuku' noyo orou ugaran mai, ugar akai ayuk manunggul ra pangkiralanan mai ti. Ngaangai' ilo nabaya' ra andu' am anak nilai pana nangator ramon polos ra liwar ru bandar. Giu' ra nagas ru raat i, igulatur akai ngaangai' am pakiasi'.

RINALATAN 27:12

Sotopot no kalo moonsoi muog ra intok raginio amon ru musim masimu'. Ginio ra kasuangan ru mangngandoi ra kapal no mangiou ra marayus ayuk masundoi am kuminam sumuku' ra Piniks am muog ra giu' i saboi musim masimu' ti makai'. Piniks ti rondo' raralan ru kapal ra pulu' Krita ondo' tumuma' ra kait am pamiris ru kalasaan.

RINALATAN 28:11

Talu ngambulan buoi mai ra giu' i, am iruani' mai pulu' i am sakoi ra rondo' kapal ondo' minapit ra pulu' ti buoi ru bulintok masimu'. Kapal raginio intor ra Aliksandria am giu' ra saang no mokoondo' ruo tuhan sinungkalalaing ondo' ininggalanan niayuk ra “Dewa Magapir”.

ROMA 15:24

Paat ra aku mangkiralan mongoi ra pagun Sipanyol, masaga' aku niayuk mapit tumuum ramuyun. Makapanambalui aku ramuyun ra kukula' buoi, malansan aku mangani' kau raki' ra lutuon mongoi ra giu' no.

1 KORINTUS 16:11

Pai' kau pangkara' ra io sangulun kalo maatang, kaa' akau musiti' mangindangan riso manunggul ra pangkiralanan no mabaya' ra kaansayan. Maa' raginio makasaguli' io raki', sabap ra maginaa aku riso mabaya' ra pabukat Kristian ra bokon no.

2 KORINTUS 1:16

Nampaguang aku no tumuum ramuyun ralalom pangkiralanan kuno mongoi ra Makidonia, am mapit aku po saguli' ramuyun paat ra aku sumaguli', maa' raginio maindangan min aku manunggul ra pangkiralanan kuno mongoi ra Judia.

TITUS 3:12

Paat ra poongoyon ku i Artimas kapoam i Tikikus rirun, kinam ongoi uma' raki' ra bandar Nikopolis. Sabap ra ginuang ku noyo ra bulintok ra masimu', masaga' aku mayan ra giu' no.