1 KORINTUS 16:2 - Tanou Moonsoi Timugon

² Koson ragitio: moonong orou Minggu', akau ngaangai' musiti' manimung ra ruit sumugut ra maalap ru sigagama'. Timungo' min kalalair ruit no saboi ra aku makaratong, maa' raginio, kalo pana timungon ra aku makasuku'.

1 KORINTUS 16:2 ပူးပေါင်းရင်းမြစ်များ

KASAUKAN 26:12

Pagitanom i Isak ra sampug ra pagun raginio am bilor raginio niayuk nangkumos io ra maatus kinauli' no intor ra tinanom nano, sabap ra binarakat io ru Tuhan.

KASAUKAN 30:27

Indagu i Laban riso, “Raguo' ku poyo galing gitio: Nanala' aku noyo ra nambarakat Tuhan no raki' sabap ra okou.

KASAUKAN 30:30

Paat ra aku kalo poyo nakaratong i, sanganu ayuk rapu' muno, kaa' raino liminangkaya' kou noyo. Nambarakat Tuhan rirun sabap ra aku. Raino nasaboi noyo paat ra aku mangandoi ra tayar ru sasambaloi kuno galama'.”

KASAUKAN 32:10

Kalo maaya' aku mangapu ra ngaangai' togom am gagaya' Muno ondo' pinakito Muno raki', ulipon Mutu. Susukur kutu ayuk inibit ku liminaup ra Sungoi Jordan, kaa' raino siminaguli' aku ra ruo ngampulalayan ti.

KASAUKAN 33:11

Malansan aku ra apuo' noyo taak ondo' inibit kuno rirun. Sabap ra moonsoi kaga' i Aki Kapuuno' raki' am nanaak Io raki' ra ngaangai' no.” Jajali' ri Jakub i Isau saboi nangapu ra taak no.

2 TUNUNG RU BANSA' ISRAIL 31:10

indagu boo Tingganai Maayo Imam Ajaria, papag ri Jadok ra raja', “Intor ra mamagun nagibit ra taak nilo ra Baloi ru Tuhan, akanon ra giu' no naukop, am masuang piboo suwo. Nakaalap akai ra ngaangai' taak ragitio sabap ra Tuhan nambarakat ra ulun Nano.”

MARKUS 14:8

Ruandu' ti nambaal ra atan malulu' no kabaal. Nampabuur io ra umau no ra inan Kutu koson namintor ra pampalabangan Raki'.

LUKAS 16:10

Osoi kalansanin ra baal kalo maatang, kalansanin niayuk ra baal maatang. Kaa' osoi mamparuung ralalom baal kalo maatang, mamparuung io niayuk ralalom baal maatang poyo.

LUKAS 24:1

Ginio ra nokorondom ra orou minggu' ongoi ruandu'-ruandu' ra kalabangan i am pagibit ra tatapis maamis owou ondo' pinongo nilai.

JUANIS 20:19

Orou minggu' ragili niayuk ra io palunggai', maamaya'-maamaya' ri Jisus timinimung ra rondo' baloi am nagaput ilo, sabap ra nangalaa' ilo ra tingganai ru ulun ru Jaudi. Pulusat boo ri Jisus, minigor ra tatanga' nilai am indagu, “Kaansayan ramuyun.”

JUANIS 20:26

Saminggu' boo ragili, maamaya' ri Jisus timinimung poyo ra baloi i, am soroi niayuk i Tomas ra giu' i. Ngaangai' ru kulobon piniot ra kunsi', kaa' pulusat ri Jisus, minigor ra tatanga' nilai am indagu, “Kaansayan ramuyun.”

RINALATAN 20:7

Paat ra orou koonom ra iorondom, timinimung akai mangakan mababaya' ra pabukat Kristian no. Nangila' i Paulus ra ulun ra giu' no, sabap ra mugar io no ra suabon. Kalo liminonggo' io saboi tanga' ru rondom.

2 KORINTUS 8:10

Sumugut ra pamaguangan ku, moonsoi pongoonon min raino ondo' natalimpuunan min ra sambilaran i. Akau kasaa' toojo nampaguang am nakatampos nangani' ra ruit pangindanganan ti.

SAGULION 8:18

Karaa' noyo ra Tuhan i Aki Kapuuno' min raginio noyo ondo' napalangkaya' ramuyun. Nambaal Io ra baal raginio sabap saboi orou raiti', lakat poyo Io nanutun ra nabantuan ondo' binaal Nano ra kinamatuaan mini.

PINAINTALANG 1:10

Paat ra orou sumambayang ra Tuhan, Ambiluo ri Aki Kapuuno' nanguasa' raki'. Pokorongog aku boo ra rondo' bolos ondo' mosongou kaga', koson ra bolos ru bujung ra bakulung kuni.