1 KORINTUS 16:14 - Tanou Moonsoi Timugon

¹⁴ Ngaangai' ru baalon mino musiti' mabaya' ra togom.

1 KORINTUS 16:14 ပူးပေါင်းရင်းမြစ်များ

1 PITRUS 4:8

Kaa' kasaa' toojo ti, tagami' noyo toojo rondo' am bokon, sabap ra intor raginio tula mino ra masuang ampunon noyo ri Aki Kapuuno'.

1 TIMOTIUS 1:5

Manusub aku ragitio koson ra togom min ra ulun bokon sumalula' intor ra guang moonsoi, bolos ru guang mapasau am pangintapatan ra kolondo' abau.

1 KORINTUS 12:31

Ginio nai ra gogoto' min noyo toojo kapandayan ondo' maatang no. Kaa' ralan ondo' moonsoi toojo tiluon min am koson ra sumunu' ti.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

2 PITRUS 1:7

Am kaayagan min kasagain ri Aki Kapuuno' no, ruangin ra guang motogom ra ulun Kristian; am ginio ruangin ra guang motogom ra ngaangai' ulun.

JUANIS 15:17

Gitio noyo panusuban Kutu ramuyun; kotogom kano ra rondo' am bokon.”

IBRANI 13:4

Kaulayan ru paguatan musiti' no urumaton ru ngaangai' ulun, ra moonong ralaki kapoam andu' kalo iowon sumimpung ra bokon. Sabap ra ulun ondo' lumapau kapoam mansawa' pana, ukumin ri Aki Kapuuno'.

ROMA 14:15

Ginio ra amon ru mampakasinduol kou ra pabukat Kristian muno sabap ra atan ondo' akanon muno, ginio kalo boo inimpuun ra togom. Pai' noyo pompoloso ra atan ondo' akanon muno mangkinibit ra sasangulun lumugut, sabap ri Kristus minatoi noyo koson mamayag riso.

2 TISALONIKA 1:3

Pabukat ku ngai', musiti' akai masalok maringkuanang ri Aki Kapuuno' sabap ra akau. Am ginio noyo maaru' baalon mai, sabap ra mulu' poyo boo akau mangintopot ri Kristus am togom maayo min ra ulun bokon.

1 TISALONIKA 3:12

Gama' ru Tuhan mangindangan ramuyun topot-topot motogom ra rondo' am bokon am niayuk ra ngaangai' ulun, saboi kinotogom min rumuang mogondo' ra kinotogom mai ramuyun.

1 TISALONIKA 3:6

Raino siminaguli' noyo i Timotius am nagibit ra tanou moonsoi intor ra pangintapatan am togom mino. Nambala' io ramon ra masalok kau moondom ramon am masaga' kau tumuum ramon, mogondo' ra akai masaga' tumuum ramuyun.

1 KORINTUS 8:1

Raino manaam aku ra pangkuatan min poyo ra bokon intor ra akanon ondo' pinampakan ra sinungkalalaing. Motopot ragu ru ulun ra, “Itakau ngaangai' makakapandayan.” Kaa' kapandayan no mangkinibit ra ulun masauk masumbung; kaa' togom mompokoonsoi ra paliso ru ulun.

1 KORINTUS 14:1

Pirot kano motogom ra ulun bokon. Gogoto' min niayuk taak intor ra Ambiluo ri Aki Kapuuno', mulu' poyo ra kasagaan koson mampasaboi ra bala' intor ri Aki Kapuuno'.

1 KORINTUS 16:15

Rondo' poyo bilin ku ramuyun: nakaulig kano ri Stipanus sambaloi. Ilo noyo ulun kasaa' ondo' nasauk ra Kristian giu' ra pagun Akaya, am mapirot ilo toojo mangindangan ra ulun ri Aki Kapuuno'.