1 KORINTUS 16:1 - Tanou Moonsoi Timugon

¹ Raino, intor ra ruit paindanganon min ra ulun ri Aki Kapuuno' giu' ra Judia. Bayaa' min ayuk atan ondo' nanusuban kuno ra pasimpungan ulun Kristian giu' ra pagun Galatia.

1 KORINTUS 16:1 ပူးပေါင်းရင်းမြစ်များ

RINALATAN 11:28

Sangulun intor risilo i makainggalan ri Agabus. Bigor io am mansail ra kuasa' ru Ambiluo ri Aki Kapuuno' nanala' io ra matong rondo' bitilan maaja' ra titikop ru tana' ti. (Bitilan ragitio nasauk niayuk paat ri Kaisar Klaudius namarinta.)

RINALATAN 11:30

Kopongo ilo ayuk nangani' ra indanganan nilo, susubo' nilo i Barnabas am i Saulus mongoi pangator ra ruit i ra tingganai ru pasimpungan ulun Kristian ra giu' i.

RINALATAN 16:6

Tungguli' boo i Paulus am i Silas pangkiralanan nilai mansail ra pagun Prigia am Galatia sabap ra Ambiluo ri Aki Kapuuno' kalo nangiou risilo mampasaboi ra tanou ri Aki Kapuuno' giu' ra Asia.

RINALATAN 18:23

Kopongo ra kukula' buoi io minayan ra Antiokia, ongoi io boo ra pamagunan Galatia am Prigia, koson mampaikang poyo ra pangintapatan ru ulun Kristian ra giu' i.

RINALATAN 24:17

Kukula' ngambilor kalio aku ra Jirusalim am bagu siminaguli' aku. Inangayan ku ra giu' i koson magibit ra ruit paindanganon ra bansa' kuno galama' am poyo mangani' ra taak ri Aki Kapuuno'.

RINALATAN 9:13

Kaa' taam i Ananias, “Tuhan, nokorongog aku no intor ra ulun masuang ra kalaatan ondo' binaal ru ulun ti ra ulun Muno giu' ra Jirusalim.

RINALATAN 9:41

Guuto' ri Pitrus longon nali am indangano' no bigor. Piawo' no boo ulun ondo' nangintopot am niayuk napuor-napuor, koson nampakito risilo ra naayag io poyo saguli'.

ROMA 12:13

Pangani' kano ra rapu' mino ra ulun Kristian ondo' musikin, am pai' kano karara' tambuluyon ru pabukat ra Kristian ondo' kalo nauligan min.

1 KORINTUS 11:34

Osoi maitilan, musiti' io mangakan galing giu' ra baloi, maa' raginio kalo ukumin kau ri Aki Kapuuno' sabap ra pasimpungan mino. Ondo' kapaganan ra bokon, balain takamin ayuk paat ra aku sumaguli' poyo ramuyun.

1 KORINTUS 16:15

Rondo' poyo bilin ku ramuyun: nakaulig kano ri Stipanus sambaloi. Ilo noyo ulun kasaa' ondo' nasauk ra Kristian giu' ra pagun Akaya, am mapirot ilo toojo mangindangan ra ulun ri Aki Kapuuno'.

1 KORINTUS 4:17

Ginio kuayan ra mompoongoi aku ri Timotius ramuyun. Koson sangulun Kristian, io ti anak kuno ondo' tagamin kuno am malansanan. Io mampakara' ramuyun ra ati kulaan kaayagan kuno koson ra sangulun ondo' mangintopot ri Kristus. Ginio noyo pangilaan kuno ra ngaangai' pasimpungan ulun Kristian ra ati ayuk intok.

GALATIA 1:2

Aku am ngaangai' pabukat ra Kristian ragiti mampasaboi ra kaansayan mai ra pasimpungan ulun Kristian giu' ra Galatia.

GALATIA 2:10

Rondo' ayuk kinitaak nilai, ra akai musiti' mangindangan ra ulun musikin ra Jirusalim. Gitio noyo ondo' piroton kuno toojo baalo' ra buoi ti.

PILIMON 1:5

Sabap ra mokoondo' noyo naining kuno intor ra pangintapatan muno ra Tuhan Jisus Kristus am poyo togom muno ra ngaangai' ulun ri Aki Kapuuno'.

PILIMON 1:7

Pilimon, pabukat ku ra Kristian, togom muno raginio noyo ondo' nampakaansuk toojo raki' am niayuk nampaikang ra guang kutu! Sabap ra nampakaansuk kou no ra guang ru ngaangai' ulun ri Aki Kapuuno'.

IBRANI 6:10

Io mabanis guang am kalo malilianan No ati koson nangandoi kau Riso, monogom kau Riso am nangindangan kau ra ulun Kristian ragili suku' raino.

1 JUANIS 3:17

Amon ru sangulun langkaya' makakito ra pabukat musikin nano, kaa' maagat guang nano mangindangan, ati kulaan motogom io rokoon ri Aki Kapuuno'?