1 KORINTUS 15:54 - Tanou Moonsoi Timugon

⁵⁴ Paat ra ondo' mapuso no maaligan ra mantilayun, ioginio ondo' matoi maaligan ra kalo matoi, am masugut boo ragu ru Buuk Kitab ra, “Kapatayan mapuso noyo; namanang noyo i Aki Kapuuno'.”

1 KORINTUS 15:54 ပူးပေါင်းရင်းမြစ်များ

JISAYA 25:8

Pusoon ru Tuhan Raja' no kapatayan ra sabuoi-buoi no! Pusoon No lomou intor ra moonong bulos, am liomon No pagasaban ondo' limanin ru ulun Nano ra titikop ru tana' ti. Tuhan minindagu noyo.

LUKAS 20:36

Ilo ti koson boo ra malaikat; kalo boo matoi ilo. Masauk ilo ra anak ri Aki Kapuuno' sabap ra binayag ilo intor ra kapatayan.

ROMA 1:23

Sala' ka i Aki Kapuuno' ondo' mantilayun sambaan nilo, kaa' sinungkalalaing ondo' tumilu ra ulun mapandai matoi, susuit, bibiag mamuntana' kapoam bibiag manungkama'.

ROMA 2:7

Ilo ondo' masalok mambaal ra moonsoi, ioginio malansan ra katulayan, urumat am kaayagan mantilayun intor ri Aki Kapuuno', ilo noyo aniin No ra kaayagan motopot am mantilayun.

ROMA 6:12

Intor raginio, pai' noyo polosoo' tula manguasa' ra kaayagan mino ondo' mapuso, maa' raginio kalo boo mampagagaya' kau ra kinibit ru guang malaat.

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

2 KORINTUS 4:11

Buoi ra akai maayag, masalok akai makauma' ra baal makapatoi sabap ri Jisus, maa' raginio kaayagan ri Jisus pana makito ra kaayagan mai ti ondo' tauli no mapuso.

2 KORINTUS 5:4

Raino manguang takau sabap ra inan inayanan takau ra tana' ti mantipagon ritakau. Sala' ka masaga' takau manatang ra inan takau ra tana' ti, kaa' mompogogot takau toojo ra inan ru suruga' no, maa' raginio ondo' mapuso makulau ra kaayagan mantilayun.

2 TISALONIKA 1:10

Paat ra Orou ratangan Nano katulayon Io ru ngaangai' ulun Nano, am urumaton Io ru ngaangai' ulun ondo' mangintopot Riso. Akau pana makasimpung risilo, sabap ra nangintopot kano ra tanou ondo' pinasaboi maili.

PINAINTALANG 20:14

Patayan am Nabalu pinatiran ra tasik ru apui. (Tasik ru apui ti ioginio kapatayan ra kainduo.)

PINAINTALANG 21:4

Mampiir Io ra ngaangai' lomou intor ra mato nilono. Kolondo' boo kapatayan, guang mangiluk, pantangian kapoam karualan pana. Ngaangai' baal ondo' nakalair naliom noyo.”