1 KORINTUS 15:32 - Tanou Moonsoi Timugon

³² Kolondo' onong aku gumula' ra ulun malaat giti ra bandar Ipisus, amon ru ampos no kaayagan ru tana' ti ayuk. Amon ru ulun minatoi kalo bayagon saguli', moonsoi maya' takau ra abig ragitio; “Ibok! Akan, inum am rumamai takau, sabap ra susuab matoi takano.”

1 KORINTUS 15:32 ပူးပေါင်းရင်းမြစ်များ

JISAYA 22:13

Kaa' sala' boo maansukan kau am maantak. Nanimbalui kau ra domba am sapi', mangakan ra kual, am manginum ra wain, liliwa' mindagu, “Ibok pangakan am panginum takau sabap susuab no matoi takano.”

LUKAS 12:19

Kopongo raginio bagu mampaguang aku, pakaansuk no! Masuang toojo kuliamos kuno ondo' sama' saboi kukula' ngambilor. Matasu' aku boo! Pangakan, panginum, am pakaansuk no!’

JISAYA 56:12

Mindagu ilo gagaukon no, ‘Pagiginum takau ra wain ra kasuang-suang! Susuab no moonsoi poyo ka raiti'.’ ”

2 PITRUS 2:12

Kaa' ulun-ulun migigiangku ra mangingila' no kolondo' guang. Ilo ti koson ayuk ra bibiag mangasigo ondo' rokopon am potoyon ayuk. Magasab ilo ayuk ra atan ondo' kalo naratian nilai no. Gitio boo kinibit ra ilo ti pusoon.

RINALATAN 18:19

Pakasaboi ayuk ra bandar Ipisus, tatango' boo ri Paulus i Prisila am i Akwila. Ongoi io ra baloi sambayangan am pakimansunur io ra ulun ru Jaudi ra giu' i.

JUDAS 1:10

Kaa' ulun koson raginio magasab ra ngaangai' ondo' kalo napandayan nilono. Ilo ti koson ayuk ra bibiag masigo ondo' maya' ayuk ra kinibit ru pamalimanan nilai no. Paliso ragitio noyo mangkinibit risilo ra kapusaan.

GALATIA 3:15

Pabukat kau ngaangai', moonsoi alapon ku ra popogondoon atan ondo' nailian takau ra moonong orou. Amon ru mokoondo' ruo ngaulun nangiou ra rondo' baal koson nanulis ra rondo' surat nabantuan, kolondo' sangulun pana makapampalulu' kapoam makapamparuang ra atan ayuk ondo' binantu' raginio.

ROMA 6:19

Alapon ku tiluan ru ulipon ti sabap ra mangailo kau mangarati'. Ra galing i pinoloso noyo kaayagan mino galama' sumauk ra ulipon ru baal majamol koson mambaal ra malaat. Koson niayuk raino, polosoo' noyo kaayagan mino galama' sumauk ra ulipon ru kasagaan ri Aki Kapuuno' koson akau galama' patimpokon Riso.

RINALATAN 19:1

Paat ri Apolos soroi ra Korintus, i Paulus nangkiralan mongoi ra intok nakaujok ra pagun ti am pupus i nakasuku' io ra Ipisus. Giu' i nakatuum io ra kukula' ngaulun ondo' nangintopot ri Jisus.

LUKAS 9:25

Atan onong ru sasangulun no amon ru makaalap io ngaangai' rapu' ru tana' ti, kaa' maluusan am mapusaan io ra kaayagan nano? Maaru' kolondo' onong.

MAMPATANOU 11:9

Ulun mamulok kau ngai', sia' no ra paat mamulok mino. Pakaansuk no paat ra akau lakat poyo mamulok. Baalo' noyo kasagaan min, am baya' no ra kasagaan ru guang min. Kaa' karaa' noyo ra ngaangai' binaal min akimin ri Aki Kapuuno'.

MAMPATANOU 2:24

Atan ayuk ondo' nabaal ru ulun io ginio maangkan, manginum, am sumia' ra ampos ru kandoi nilo. Kaa' nalimanan ku ra ngaangai' ragitio tinaakan ri Aki Kapuuno' niayuk.

MAZMUR 73:13

Papalo ku ayuk sumorot guang koson sumauk ra matulai, kolondo' onong aku minggalur ra tula.

AYUP 35:3

kapoam mindagu ri Aki Kapuuno', ‘Atan sonor ru tula kuno Rirun? Kolondo' ampos maalap kuno kabalu' pana kolondo' tula kuno.’

RINALATAN 18:21

Indagu io, “Amon ru iowon aku ri Aki Kapuuno', sumaguli' aku po ra giti.” Io pana nasundoi boo intor ra Ipisus ti.

ROMA 3:5

Kaa' amon ru kalaatan takati mampainono' ra i Aki Kapuuno' mabanis guang, atan taaman takau? Makasala kia i Aki Kapuuno' amon ru mangukum Io ritakau? (Ragu kutu maya' ra pangkaraan ru ulun ayuk.)

1 KORINTUS 16:8

Kaa' liliwa' raginio sumoroi aku poyo giti ra bandar Ipisus saboi orou Pentekosta.