1 KORINTUS 15:2 - Tanou Moonsoi Timugon

² Amon ru mangintopot kau toojo ra Tanou Moonsoi ondo' pinasaboi kutu, ginio noyo mamayag ramuyun; ondo' ayuk amon ru kalo naratian min toojo.

1 KORINTUS 15:2 ပူးပေါင်းရင်းမြစ်များ

AMSAL 23:23

Pangilaan ra motopot, mapintar, ubason, am pangaratian – ngaangai' no sotopot no balion kaa' mologo toojo ra talanon.

AMSAL 3:1

Alii ra anak kuno, pai' liliani' pangilaan kuno. Masalok kou mangkara' ra panusuban kuno,

AMSAL 4:13

Kasalok no mangkara' ra pangilaan ondo' pinataak kuno rirun. Tagami' pangilaan kuno sabap ra pangilaan raginio magibit ra ampos ru kaayagan muno.

LUKAS 8:13

Ondo' naratu' ra tana' makabatu i, io no ulun ondo' mangkirongog ra bala' no am maansukan ilo mangapu. Kaa' bala' no kalo siminoroi ra guang nilai. Sangkinolor ayuk ilo mangintopot. Pakauma' ilo ra pangkinaman kalo boo mangintopot ilo.

RINALATAN 2:47

Mongongompor ilo ri Aki Kapuuno' am kaansayin ilo ru ngaangai' ulun. Moonong orou ruangin ru Tuhan suang nilo ra ulun ondo' bayagon ri Aki Kapuuno'.

RINALATAN 8:13

I Simon galama' pana nangintopot ra Tanou raginio. Kariu' io raiti am baya' io ayuk boo ri Pilipus, am nangimuag io nakakito ra tatandu' am kaimuagan ondo' binaal ri Pilipus.

ROMA 1:16

Ginio ra mangintopot aku toojo ra Tanou Moonsoi ti mampakito ra kuasa' ri Aki Kapuuno' mamayag ra ngaangai' ulun ondo' mangintopot ri Jisus, kasaa' ra ulun ru Jaudi am niayuk ra bansa' ra bokon.

ROMA 11:22

Ginio mapandayan takau ra kataawan am ukum ri Aki Kapuuno'. Moporos ukum Nano risilo ondo' matulaan, kaa' mataau Io ramuyun amon ru rumayus kau lumansan ra kataawan Nano. Kaa' amon ru kalo, akau niayuk indaanin No.

1 KORINTUS 1:18

Tanou ru pinatayan ri Kristus ra salip i koson ayuk ra ragu sasambungon ra ulun makalayau, kaa' ritakau ondo' bayagon, ioginio mampakito ra kuasa' ri Aki Kapuuno'.

1 KORINTUS 1:21

Sumugut ra kapintaran Nano, nangaru' i Aki Kapuuno' ra osoi ayuk kalo makaulig Riso maya' ra kapintaran nano galama'. Kaa' Io no mamayag risilo ondo' mangintopot Riso minumbaya' ra tanou ondo' posoboyon maino, ondo' karaan ru ulun ru tana' ti ra ragu sasambungon.

1 KORINTUS 11:2

Paringkuanangan ku ramuyun sabap ra masalok kau mangkara' ra nangilaan kuli ramuyun am gumagaya' kau niayuk.

1 KORINTUS 15:14

Amon ru i Kristus kalo binayag saguli' intor ra kapatayan, kolondo' rondo' pana potonowon mai, am niayuk kolondo' rondo' pana intopoton min.

2 KORINTUS 2:15

Nga akai ti koson ra kaminyan ra maamis owou ondo' pataakin ri Kristus ri Aki Kapuuno'. Koson ra ulun-ulun ondo' mangaluus no, akai ti mogondo' ra owou mootong, io no kapatayan; kaa' koson ra ulun ondo' bayagon, akai ti mogondo' ra owou maamis, ondo' magibit ra kaayagan. Kaa' raino, osoi kia maaya' mampaugar ra kandoi raginio?

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

GALATIA 3:4

Pangkaraan min kia ra ondo' nailian min i topot-topot kolondo' arati'? Kaa' maaru' ginio mokoondo' ra arati'!

IPISUS 2:8

Sabap ra asi' ri Aki Kapuuno' noyo itakau binayag, ioginio sabap ra pangintapatan takau. Am kaayagan no sala' ka intor ra baal moonsoi takau, kaa' ginio taak intor ri Aki Kapuuno'.

KOLOSI 1:23

Maalap min ginio amon ru gumagaya' kau toojo, koson mampaikang toojo ra pangintapatan min. Pai' min noyo impayi' kalansanan ondo' tinaakan ramuyun paat ra akau nakaining ra Tanou Moonsoi i. Tanou ragitio nakatabual noyo ra ati ayuk ra tana' ti am aku i Paulus masauk ra ulipon koson mampaugar ra kandoi ragitio.

2 TISALONIKA 2:15

Ginio sabap ra, pabukat kau ngai', pirot kano pangintopot am suguto' noyo pangilaan maili ramuyun, iou pana ondo' rinagu kapoam tinulisan mai ra surat.

2 TIMOTIUS 1:9

I Aki Kapuuno' nampakaayag am nampiau ritakau maa' raginio gumagaya' toojo Riso. Am gitio sala' ka intor ra atan ondo' binaal takau ra moonsoi, kaa' sotopot no sabap ra pangatangan am kataawan Nano galama'. Am ginio sinauk Nano sabap ri Jisus Kristus ra kalo poyo tana' ti biningkal,

IBRANI 10:23

Ginio ra pirot takano mampaguut ra kalansanan takau, sabap ra totopot suguton ri Aki Kapuuno' atan ondo' binantu' Nali.

IBRANI 2:1

Sabap ra kuasa' ru Anak Nano maayo intor ra malaikat, mingkotog takau poyo toojo gumuut ra pangilaan ondo' norongog takau noyo, maa' raginio kalo mangiruan takau ra katapatan.

IBRANI 3:14

Itakau ngai' rangan mangangandoi noyo ri Kristus amon ru mirot takau pampaguut ra pangintapatan saboi ra orou pupus, mogondo' ra talimpuun i.

IBRANI 3:6

Kaa' i Kristus gumagaya' koson ra Anak ondo' maningganai ra ngaangai' ulun ri Aki Kapuuno'. Itakau ti noyo ulun Nano amon ru makakau' takau am mangintopot ra makaalap atan ondo' lansanin takau.

IBRANI 4:14

Ginio sabap ra pirot takau poyo gumuut ra pangintapatan ondo' pinatanou takau. Sabap ra mokoondo' takau sangulun Tingganai Maayo Imam ondo' makakuasa' am ondo' nakasuku' noyo ra intok ri Aki Kapuuno', io no i Jisus Kristus, Anak ri Aki Kapuuno'.

JAKUBUS 2:14

Pabukat kau ngai'! Mokoonong kia ulun mindagu ra, “Mangintopot aku no,” amon ru kalo mampakito io raginio ralalom atan ondo' baalon nano? Pangintapatan koson raginio kia makapamayag riso?

JAKUBUS 2:17

Koson niayuk ra pangintapatan: amon ru kalo sumbayanin ra binaal moonsoi, pangintapatan ti kolondo' noyo onong.

JAKUBUS 2:26

Ginio nai ra koson ra ulun mairuan ra painawo matoi ayuk, koson niayuk ra ulun ondo' mangintopot kaa' kalo mambaal ra moonsoi, io ti koson minatoi noyo, ioginio pangintapatan nano kolondo' onong.