1 KORINTUS 15:17 - Tanou Moonsoi Timugon

¹⁷ Amon ru i Kristus kalo binayag saguli', pangintapatan mino kolondo' onong, am niayuk akau lakat ayuk poyo kuasaan ru tula.

1 KORINTUS 15:17 ပူးပေါင်းရင်းမြစ်များ

ROMA 4:25

Ginio ra i Jisus no pinataak ra potoyon sabap ra tula takau, am binayag Io saguli' koson itakau mobonsoi saguli' ri Aki Kapuuno'.

1 PITRUS 1:3

Paringkuanang takau no ri Aki Kapuuno', Ama' ru Tuhan takau i Jisus Kristus! Sabap ra intor ra asi' Nano ondo' maayo kaga', nangani' Io ritakau ra kaayagan nakabagu am Io namayag saguli' ri Jisus Kristus intor ra kapatayan. Gitio noyo mangani' ritakau ra kalansanan maayo ondo' mantilayun.

1 KORINTUS 15:14

Amon ru i Kristus kalo binayag saguli' intor ra kapatayan, kolondo' rondo' pana potonowon mai, am niayuk kolondo' rondo' pana intopoton min.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.

ROMA 5:10

Galing i mantutula' takau ri Aki Kapuuno', kaa' itakau pinobonsoi saguli' Riso mansail ra pinatayan ru Anak Nano. Raino, ra itakau rangan ri Aki Kapuuno', maaru' bayagon takau sabap ri Kristus maayag.

1 KORINTUS 15:2

Amon ru mangintopot kau toojo ra Tanou Moonsoi ondo' pinasaboi kutu, ginio noyo mamayag ramuyun; ondo' ayuk amon ru kalo naratian min toojo.

RINALATAN 5:31

Pinainsawat Io ri Aki Kapuuno' ra tampilon pamiris Nano, ioginio intok makakuasa', koson masauk ra Tingganai am Mamamayag, maa' raginio bansa' ru Israil ti makatalikur intor ra tula nilo am maampun ilo.

YEHEZKIEL 33:10

Indagu Tuhan raki', “Okou ulun mapandai matoi, rulio' noyo ragu-ragu ru ulun ru Israil risilo, ‘Nangkagas akai sabap ra nansaan akai ra bagat ru tula am kasalaan mai. Ati kulaan akai maayag?’

1 KORINTUS 15:16

Sabap ra amon ru ulun minatoi kalo bayagon saguli', i Kristus pana kalo niayuk binayag saguli'.