1 KORINTUS 15:14 - Tanou Moonsoi Timugon

¹⁴ Amon ru i Kristus kalo binayag saguli' intor ra kapatayan, kolondo' rondo' pana potonowon mai, am niayuk kolondo' rondo' pana intopoton min.

1 KORINTUS 15:14 ပူးပေါင်းရင်းမြစ်များ

KASAUKAN 8:8

Liliwa' raginio, palabuso' ri Nuu sanginan susuit asang koson makapandai ru miniit noyo timug.

MAZMUR 73:13

Papalo ku ayuk sumorot guang koson sumauk ra matulai, kolondo' onong aku minggalur ra tula.

JISAYA 49:4

Kaa' mindagu aku, “Bagui kuno kolondo' ampos; kinai' ku ikang kuno ra namuta' ayuk!” Kaa' mangintopot aku ra saungon aku ru Tuhan; balasin aku ri Aki Kapuuno' sumugut ra binaal kuno.

MATIUS 15:9

Kolondo' onong sumamba ilo Raki', sabap ra ilo mangila' ra susuban ru ulun ayuk, sala' ka pangilaan ri Aki Kapuuno'.’ ”

RINALATAN 17:31

Sabap ra inaru' No noyo rondo' orou koson mangukum ra ngaangai' ulun ru tana' ti ra matanda'. Ginio saukon No ralalom ru sangulun ondo' inaru' noyo Riso, am gitio noyo tatandu' no ra ngaangai' ulun; Ulun no binayag saguli' ri Aki Kapuuno' intor ra kapatayan.”

1 KORINTUS 15:13

Amon ru motopot ra ulun kalo boo bayagon saguli', arati' no i Kristus pana kalo binayag saguli'.

1 KORINTUS 15:17

Amon ru i Kristus kalo binayag saguli', pangintapatan mino kolondo' onong, am niayuk akau lakat ayuk poyo kuasaan ru tula.

1 KORINTUS 15:2

Amon ru mangintopot kau toojo ra Tanou Moonsoi ondo' pinasaboi kutu, ginio noyo mamayag ramuyun; ondo' ayuk amon ru kalo naratian min toojo.

GALATIA 2:2

Minongoi aku ra Jirusalim maya' ra nanusuban ondo' pinatalang ri Aki Kapuuno' no raki'. Ralalom pagugumaan mai ra tingganai ru Kristian ayuk, pinabala' ku toojo risilo Tanou Moonsoi ondo' pinasaboi kuno ra ulun sala' ka Jaudi. Marara' aku ra ondo' pinasaboi ku noyo kapoam ondo' posoboyon kutu malubat ayuk.

1 TISALONIKA 4:14

Mangintopot takau ri Jisus minatoi am naayag saguli'. Mangintopot takau niayuk ra bayagon saguli' ri Aki Kapuuno' ulun namagatoi ondo' nangintopot ri Jisus, koson masisimpung ilo Riso.

JAKUBUS 1:26

Amon ru mokoondo' sasangulun mangkara' ra io ti noyo manginsugut toojo ri Aki Kapuuno', kaa' kalo panantulangon rila' ra io mindagu, io galama' ayuk miruruung am panginsugutan nati pana kolondo' onong.

JAKUBUS 2:20

Bungas kou nai toojo! Makitulu' kou piboo kia ra kolondo' noyo onong ru pangintapatan, amon ru kolondo' baal ra moonsoi?