1 KORINTUS 15:13 - Tanou Moonsoi Timugon

¹³ Amon ru motopot ra ulun kalo boo bayagon saguli', arati' no i Kristus pana kalo binayag saguli'.

1 KORINTUS 15:13 ပူးပေါင်းရင်းမြစ်များ

ROMA 8:11

Amon ru Ambiluo ri Aki Kapuuno' ondo' namayag noyo ri Jisus intor ra kapatayan sumimpung ramuyun, Io ondo' namayag ri Kristus intor ra kapatayan mamayag niayuk ra inan mino ondo' mapatoi. Ginio baalon Nano ralalom ru Ambiluo Nano ondo' sumimpung ramuyun.

1 TISALONIKA 4:14

Mangintopot takau ri Jisus minatoi am naayag saguli'. Mangintopot takau niayuk ra bayagon saguli' ri Aki Kapuuno' ulun namagatoi ondo' nangintopot ri Jisus, koson masisimpung ilo Riso.

PINAINTALANG 1:18

Aku noyo kaayagan! Minatoi Aku noyo, kaa' ilai', maayag Aku ra mantilayun. Makakuasa' Aku ra kapatayan am intok ru ulun-ulun namagatoi.

1 PITRUS 1:3

Paringkuanang takau no ri Aki Kapuuno', Ama' ru Tuhan takau i Jisus Kristus! Sabap ra intor ra asi' Nano ondo' maayo kaga', nangani' Io ritakau ra kaayagan nakabagu am Io namayag saguli' ri Jisus Kristus intor ra kapatayan. Gitio noyo mangani' ritakau ra kalansanan maayo ondo' mantilayun.

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

IBRANI 2:14

Sabap ra ilo ondo' sabiton ra pabukat, ioginio ulun, ilo mapandai matoi, ginio ra i Jisus pana nasauk ra ulun toojo mogondo' risilo. Binaal No ginio, maa' raginio mansail ra pinatayan Nano mamuso Io ra kuasa' ru Tingganai ru riwato ondo' makapampatoi ra ulun.

2 TIMOTIUS 4:8

Am raino, taak kamanangan maginaa noyo raki'. Tuhan ondo' mangakim ra motopot, mangani' raki' ra taak ti paat ra Orou Pupus no. Pai' ru aku ayuk ondo' mokoowot raginio, kaa' ngaangai' ulun ondo' magiginaa ra ratangan Nano.

1 KORINTUS 15:20

Kaa' motopot toojo ra i Kristus binayag noyo saguli' intor ra kapatayan. Ginio noyo puun ru kalansanan takau ra ulun ondo' minatoi noyo bayagon saguli'.

ROMA 8:23

Kaa' sala' ka tana' am ngaangai' suang nano ayuk ondo' maguros, kaa' itakau pana. Itakau ondo' inanian noyo ra Ambiluo ri Aki Kapuuno' koson taak Nano ra kasaa', maguros ralalom ru guang liliwa' mangkuliman ra i Aki Kapuuno' mampalabus am mampasauk ritakau ra anak Nano.

RINALATAN 23:8

Sabap ra ulun-ulun ru Saduki ti mangintopot ra ulun matoi kalo bayagon saguli', am poyo ra kolondo' malaikat kapoam ambiluo. Kaa' ulun-ulun ru Parisi mangintopot ra mokoondo' niayuk ra ngaangai' ti.)

1 KORINTUS 15:12

Mampatanou akai no ra i Kristus binayag saguli' intor ra kapatayan. Kaa' kua mokoondo' poyo intor ramuyun no mindagu ra ulun ondo' minatoi noyo kalo boo bayagon saguli'?

1 KORINTUS 15:14

Amon ru i Kristus kalo binayag saguli' intor ra kapatayan, kolondo' rondo' pana potonowon mai, am niayuk kolondo' rondo' pana intopoton min.