1 KORINTUS 15:10 - Tanou Moonsoi Timugon

¹⁰ Kaa' kataawan ri Aki Kapuuno' niayuk ondo' nampasauk raki' ra osoi aku raino ti. Am kataawan Nano kalo niayuk nalubat. Kaa' sotopot no aku ondo' nangandoi toojo ka ngaangai' rasul ra bokon. Kaa' ginio noyo sala' ka aku galama', kaa' kataawan ri Aki Kapuuno' ondo' nangandoi nabaya' raki'.

1 KORINTUS 15:10 ပူးပေါင်းရင်းမြစ်များ

MATIUS 10:20

Sabap ra ragu ondo' raguon mino sala' ka intor ra guang mino galama', kaa' io no matong intor ra Ambiluo ri Aki Kapuuno', ondo' sabiton ra Ama' min. Io noyo mangindangan ramuyun.

MATIUS 25:16

Ulipon ondo' inanian ra limo ngaribu ruit mas ti parayus ongoi palaburo' ruit ra tinaakan riso, am pakaalap limo ngaribu poyo.

ROMA 11:1

Ginio ra mangkuot aku poyo: Inimpayan kia ri Aki Kapuuno' ulun pinili' Nano? Maaru' kalo! Aku galama' pana ulun ru Israil, papag ri Abragam tayar ri Binjamin.

ROMA 12:3

Sabap ra asi' ri Aki Kapuuno' raki', mindagu aku ra moonong ramuyun: Pai' kano minsawat guang, ioginio majanjayan intor ra ondo' sotopot no. Kaa' moonsoi ra akau minggana' guang am karaa' kaayagan mino maya' ra kapandayan ondo' tinaakan ri Aki Kapuuno' ramuyun sigagama' sabap ra mangintopot akau ri Jisus.

1 KORINTUS 15:11

Ginio sabap – ra intor raki' kia kapoam rasul ra bokon nangapuan min ra Tanou Moonsoi no – ginio kalo maatang, ondo' ayuk am atan pinasaboi mai raginio inintopot min.

1 KORINTUS 15:2

Amon ru mangintopot kau toojo ra Tanou Moonsoi ondo' pinasaboi kutu, ginio noyo mamayag ramuyun; ondo' ayuk amon ru kalo naratian min toojo.

1 KORINTUS 3:10

Maya' ra kapintaran ondo' pinataak ri Aki Kapuuno' raki', aku noyo nambaal ra turungan ru lugu' am ulun boo ra bokon manunggul panambaloi. Kaa' musiti' pagilalain ru moonong ulun ati kulaan io manunggul ra kandoi ti.

1 KORINTUS 3:6

Aku mantanom am i Apolos manguas, kaa' i Aki Kapuuno' galama' mapatuu' ra tatanom no.

1 KORINTUS 4:7

Osoi kia nampasauk ramuyun maatang intor ra ulun bokon? Sala' ka kia i Aki Kapuuno' nangani' ramuyun ra ngaangai' ondo' naapu mino? Kua guat lumimbau kau, koson atan ondo' soroi ramuyun sala' ka tinaakan?

2 KORINTUS 12:11

Akau no nangkinibit raki' mindagu koson ra sasambungon. Akau ondo' sotopot no musiti' mongompor raki'. Kabalu' pana aku ti kolondo' kon onong, kaa' kalo noyo nakatauli aku intor ra “rasul-rasul” ondo' kinaatang mino.

2 KORINTUS 3:5

Kolondo' kon atan pana ramon ondo' mangiou ra akai maaya' mambaal ra kandoi ti. Kaa' pangiawan maino intor noyo ri Aki Kapuuno'.

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

GALATIA 2:8

Sabap ra kuasa' ri Aki Kapuuno', sinauk aku ra rasul tayar ru ulun sala' ka Jaudi, koson ri Pitrus niayuk sinauk ra rasul tayar ru ulun ru Jaudi.

PILIPI 2:13

Sabap ri Aki Kapuuno' no galama' magibit ra guang mino mangiou am poyo magagaya' min niayuk atan ondo' kasagaan Nano toojo.

PILIPI 4:13

Am ngaangai' maalap ku kabaal ralalom ri Kristus ondo' mangani' raki' ra kaikangan.

1 TISALONIKA 5:12

Pabukat ku ngai', makitaak akai ra urumaton min noyo ilo ondo' mirot mangandoi koson ra kaatangan min, sabap ra pinili' ilo no ru Tuhan koson maningganai am magalung ramuyun.

1 TIMOTIUS 4:10

Gitio nai puun ru bagui am kandoi takau: malansan takau toojo ri Aki Kapuuno' ondo' Maayag; Io Mamamayag ru ngaangai' ulun, mulu' poyo ilo ondo' mangintopot Riso.