1 KORINTUS 14:4 - Tanou Moonsoi Timugon

⁴ Ulun ondo' inanian ra kapandayan mindagu ra ragu imuagan, migikang io galama' ayuk, kaa' ulun ondo' mampasaboi ra bala' intor ri Aki Kapuuno', mampaikang ra pasimpungan ulun Kristian.

1 KORINTUS 14:4 ပူးပေါင်းရင်းမြစ်များ

MARKUS 16:17

Tatandu' ragitio sumumbaya' ra ulun ondo' mangintopot: Mampagiru' ilo ra riwato ralalom inggalan Kuno, mansusunur ilo ra ragu kalo maratian nilo.

ROMA 14:19

Intor raginio, kasalok takano mirot maayag ra rondo' guang am magigikang ra pangintapatan.

1 KORINTUS 12:10

Ambiluo raginio noyo mangani' ra sangulun ra kuasa' mambaal ra kaimuagan, am ulun ra bokon inanian no ra kapandayan mampasaboi ra bala' intor ri Aki Kapuuno'. Ulun ra bokon poyo inanian ru Ambiluo no ra kapandayan magilong ra ati ka rondo' intor ra Tuhan am ati sala'. Mokoondo' inanian ra kapandayan mindagu ra nansalinut ragu imuagan, am mokoondo' poyo inanian ra kapandayan mambala' ra arati' ru ragu imuagan no.

1 KORINTUS 12:28

Ralalom pasimpungan ulun Kristian, nangaru' i Aki Kapuuno' ritakau ra tayar sigagama'; kasaa' am rasul; karuo am nabi-nabi; katalu am mangingila'; am ilo ondo' mambaal ra kaimuagan, am niayuk ilo ondo' inanian ra kapandayan mamabas ra ulun, mangindangan ra ulun, maningganai ra ulun, kapoam mindagu ra nansalinut ragu imuagan.

1 KORINTUS 13:1

Kabalu' pana mapandai aku mindagu ra nansalinut ragu ru ulun, am niayuk ragu ru malaikat, kaa' amon kalo motogom aku ra ulun bokon, ragu kuno nogondo' ayuk ra bolos ru agung kapoam lunsing ondo' makausoso.

1 KORINTUS 13:2

Kabalu' pana mapandai aku mampasaboi ra tanou intor ri Aki Kapuuno', kapoam makarati' ra katapatan ri Aki Kapuuno' ondo' kalo igondo' pinabala', am makapandai ra ngaangai' am poyo pangintapatan ku ri Aki Kapuuno' maikang kaga', saboi gunung no pana maalap ku pakabanding, kaa' amon kalo motogom aku ra ulun bokon, kolondo' noyo onong kuti.

1 KORINTUS 14:12

Makapandai aku ra mompogogot kau ra kapandayan intor ra Ambiluo ri Aki Kapuuno' no. Kaa' ondo' maatang toojo, musiti' mompogogot kau ra kapandayan ondo' mampaikang ra pasimpungan ulun Kristian.

1 KORINTUS 14:22

Ginio boo ra kapandayan mindagu ra ragu imuagan, ginio rondo' tatandu' intor ri Aki Kapuuno' ra ulun ondo' kalo mangintopot no, am sala' ka ra ulun mangintopot ri Kristus. Kaa' kapandayan mampasaboi ra bala' intor ri Aki Kapuuno', io no tatandu' ra ulun mangintopot ri Kristus, sala' ka risilo no ondo' kalo mangintopot.

1 KORINTUS 14:26

Pabukat kau ngaangai', kon kutu am paat ra akau tumimung sumambayang, mokoondo' marimbai, mokoondo' mangila' am niayuk mampasaboi ra bala' intor ri Aki Kapuuno'. Mokoondo' poyo mindagu ra ragu imuagan am mokoondo' mambala' ra arati' ru ragu raginio. Kaa' ngaangai' ti musiti' mangindangan ra pasimpungan ulun Kristian.

1 KORINTUS 14:3

Kaa' ulun ondo' mampasaboi ra bala' intor ri Aki Kapuuno', potonowon no ginio ra ulun koson mampasingkot, mampaikang am mampabansuk risilo.

1 KORINTUS 14:5

Mapara' bonsoi no ru akau ngaangai' makakapandayan mindagu ra ragu imuagan no. Kaa' mulu' poyo bonsoi no amon ru makapampasaboi kau ra bala' intor ri Aki Kapuuno'. Sabap ra ulun ondo' mampasaboi raginio, makaampos toojo ka ulun ondo' inanian ra kapandayan mindagu ra ragu imuagan. Kaa' ondo' ayuk am amon ru ulun no makapambala' ra arati' ru rinagu nano, maa' raginio pasimpungan ulun Kristian maindangan no.