1 KORINTUS 14:20 - Tanou Moonsoi Timugon

²⁰ Pabukat kau ngaangai', pai' kau pangkara' koson ra lalaing, kaa' musiti' kau makapaliso koson ra ulun nasukor, ondo' ayuk am ralalom baal kalaatan, tilu kano ra lalagang.

1 KORINTUS 14:20 ပူးပေါင်းရင်းမြစ်များ

1 PITRUS 2:2

Mogondo' ra sangulun lalagang ondo' kakaanak ra masalok maguyum ayuk ra gatas, akau pana musiti' masalok maguyum ayuk ondo' mampaikang ra pangintapatan min. Maa' raginio mapiot pangintapatan min am bayagon kau.

ROMA 16:19

Napandayan noyo ru ngaangai' ulun ra nampagagayaan mino ra Tanou Moonsoi, am intor raginio maansukan aku ramuyun. Masaga' aku ra makatutun kau ra atan ayuk moonsoi am kalo noyo maindalom ra atan ayuk kalaatan.

1 KORINTUS 13:11

Paat aku lakat ayuk poyo lalaing, ragu kuno, pamalimanan kuno am pamaguangan kuno koson ra lalaing. Kaa' raino aku nasukor, paliso koson ra lalaing i linilianan ku boo.

MATIUS 18:3

Indagu boo i Jisus, “Karaa' min! Amon ru kalo kumulau am sumauk kau koson ra lalaing ti, kalo masauk kau ra ulun ri Aki Kapuuno'.

1 KORINTUS 2:6

Kabalu' pana koson raginio, koson ra ulun ondo' nakaintutun noyo toojo ra kaayagan Kristian, motopot mindagu aku risilo ra kapintaran. Kaa' kapintaran ti sala' ka intor ra tana' ti kapoam intor ra mangunguasa' ondo' mamarinta ra tana' ti, sabap ra pamarintaan koson raginio mapuso.

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.

PILIPI 1:9

Gitio noyo pakiasian kuno ri Aki Kapuuno' ra gama' ru mulu' poyo togom mino ri Aki Kapuuno', mogondo' niayuk ra mulu' poyo kapandayan min ra katapatan am kaintutunan no.

MARKUS 10:15

Balain takamin! Sotopot no Osoi kalo mangapu ra pamarintaan ri Aki Kapuuno' koson ra sangulun lalaing, ulun raginio kalo masauk ra ulun ri Aki Kapuuno'.”

PILIPI 3:15

Ginio ra itakau ondo' maikang pangintapatan, moonsoi makapangkaraan takau koson raginio. Kaa' amon ru sala' poyo pamaguangan min, makaalap kau niayuk ra papaintalangan ri Aki Kapuuno' ra ginuang min raginio.

MATIUS 11:25

Paat ragili indagu i Jisus; “Ama', Tuhan ru limbowon am tana'! Paringkuanangan Ku Rirun sabap ra pinakito Mu ngaangai' raginio ra ulun kolondo' kapandayan, am pinasibuni Mu intor ra ulun mapintar am nakaigigila'.

JISAYA 11:3

Masaga' io gumagaya' ra Tuhan. Kalo mangakim io ra ulun ra igondo' ilong kapoam sumugut ra ragu ru ulun.

MAZMUR 119:99

Kapintaran kuno nakasail poyo intor ra ngaangai' mangingila' raki', sabap ra panusuban Muno karaan kuno.

MATIUS 19:4

Taam i Jisus, “Kalo kia nakabasa' kau ra Buuk Kitab ra Io ondo' nambaal ra ngaangai' ulun ti, intor poyo ra talimpuun ru tana' ti, nampasauk risilo ra ungkuyon am ruandu'?

JIRIMIA 4:22

Indagu Tuhan, “Sasambungon ulun Kuno; kalo makaulig ilo Raki'. Koson ilo ra lalaing sasambungon, kolondo' karatian nilo. Mapandai ilo toojo mambaal ra malaat, kaa' mailo mambaal ra moonsoi.”

MATIUS 19:14

Indagu i Jisus ra maamaya'-maamaya' Nano, “Polosoo' min lalaing-lalaing no muma' Raki'! Pai' min ingai' ilo sabap ra ulun koson ragitio noyo masauk ra ulun ri Aki Kapuuno'.”

LUKAS 18:17

Karaa' min gitio! Osoi kalo mangapu ra pamarintaan ri Aki Kapuuno' koson ra sangulun lalaing, ulun no kalo masauk ra ulun ri Aki Kapuuno'.”

ROMA 1:13

Pabukat kau ngaangai', masaga' aku makapandai kau ra ingkula' noyo aku pangatang mongoi ramuyun, kaa' masalok mokoondo' ayuk mongompong raki'. Moogot aku magibit ra ulun ra intok mino mangintopot ri Kristus, mogondo' ra ulun sala' ka Jaudi ra intok ra bokon.

1 KORINTUS 14:19

Kaa' paat ra aku mangila' ra pasimpungan ulun Kristian, moonsoi poyo ru mindagu aku limo ragu ayuk pana ondo' maratian ru ulun intor ra kukula' ngaribu ragu ralalom ragu imuagan.

IPISUS 4:13

Koson raginio ra pangintapatan am kapandayan takau ngaangai' ra Anak ri Aki Kapuuno' no mogondo' ayuk. Masauk takau ra ulun maikang pangintapatan, ondo' buoi-kabuoi, makatilu ra paliso ri Kristus.

NIGIMIA 4:13

Ginio ra inukapan ku mamagun ra ilang, tutura' am panah. Pinaayan ku ilo maya' ra bansa' ru sigagama' giu' ra talikuron ru timbok, iono giu' ra intok-intok ondo' kalo poyo pinuna'.