1 KORINTUS 14:18 - Tanou Moonsoi Timugon

¹⁸ Maringkuanang aku ri Aki Kapuuno' sabap ra aku poyo mapandai makiasi' ra ragu imuagan ka akau ngai'.

1 KORINTUS 14:18 ပူးပေါင်းရင်းမြစ်များ

1 KORINTUS 4:7

Osoi kia nampasauk ramuyun maatang intor ra ulun bokon? Sala' ka kia i Aki Kapuuno' nangani' ramuyun ra ngaangai' ondo' naapu mino? Kua guat lumimbau kau, koson atan ondo' soroi ramuyun sala' ka tinaakan?

1 KORINTUS 14:2

Ulun ondo' inanian ra kapandayan mindagu ra ragu imuagan, kalo makimansunur ra ulun bokon, kaa' ri Aki Kapuuno', sabap ra ulun kalo makarati' ra ragu raginio. Mindagu io ralalom kuasa' ru Ambiluo ri Aki Kapuuno' intor ra baal ondo' kalo igondo' pinabala'.

1 KORINTUS 14:4

Ulun ondo' inanian ra kapandayan mindagu ra ragu imuagan, migikang io galama' ayuk, kaa' ulun ondo' mampasaboi ra bala' intor ri Aki Kapuuno', mampaikang ra pasimpungan ulun Kristian.

1 KORINTUS 14:5

Mapara' bonsoi no ru akau ngaangai' makakapandayan mindagu ra ragu imuagan no. Kaa' mulu' poyo bonsoi no amon ru makapampasaboi kau ra bala' intor ri Aki Kapuuno'. Sabap ra ulun ondo' mampasaboi raginio, makaampos toojo ka ulun ondo' inanian ra kapandayan mindagu ra ragu imuagan. Kaa' ondo' ayuk am amon ru ulun no makapambala' ra arati' ru rinagu nano, maa' raginio pasimpungan ulun Kristian maindangan no.

1 KORINTUS 14:17

Kabalu' pana kiasi' paringkuanangan mino moonsoi toojo, kaa' ginio kolondo' onong ra ulun bokon.

1 KORINTUS 14:19

Kaa' paat ra aku mangila' ra pasimpungan ulun Kristian, moonsoi poyo ru mindagu aku limo ragu ayuk pana ondo' maratian ru ulun intor ra kukula' ngaribu ragu ralalom ragu imuagan.