1 KORINTUS 13:6 - Tanou Moonsoi Timugon

⁶ Kalo kaansayin no kalaatan, kaa' maansayan io ra baal moonsoi.

1 KORINTUS 13:6 ပူးပေါင်းရင်းမြစ်များ

MAZMUR 10:3

Ulun malaat mamanggo ra kalaatan nilono; ulun mampaluung magibot am mangimpai ra Tuhan.

MAZMUR 119:136

Lomou kuno tumulisan koson ra sungoi, sabap ra ulun kalo gumagaya' ra Ukum Muno.

KAINGKUALAN 18:9

Naansukan i Jitro nakaining ra ngaangai' baal raginio.

AMSAL 14:9

Ulun sasambungon kalo lioon nilo tula nilo inampun kapoam kalo, kaa' ulun moonsoi masaga' ra tula nilono ampunon.

JIRIMIA 13:17

Amon ru marara' kau rumongog Riso, mantangi' aku ra moopot sabap ra kalimbawan min. Mantangi' aku ra mangiluk, lomou kuno tumulisan sabap ra ulun ru Tuhan rinakop ru pantula'.

JIRIMIA 20:10

Mokorongog aku ra ulun mongkonos ra ati ayuk, “Kalaanan gumaai-gaai! Ibok pabalaa' takau riso ondo' makakuasa'!” Niayuk poyo ngaangai' rangan moonsoi kuno maginaa ra karatuan kuno. Konilo, “Maaru' lair ra pamparuungan, makapangala takau riso, maa' raginio itakau makapansuli' riso.”

JIRIMIA 9:1

Mapara' piboo bonsoi no amon ru ulu kutu koson ra tulubong ondo' nototop ra timug, am mato kuno koson ra talagusu' ondo' tumilis ayuk, maa' raginio makatangi' aku ra orou am rondom, manulaboi ra bansa' kutu ondo' pinatoi ru pantula'.

GOSIA 4:8

Masauk kau ra langkaya' sabap ra tula ru ulun Kuno, am ginio ra akau masaga' risilo rumayus makatula.

GOSIA 7:3

Indagu Tuhan, “Ra ruung am binaal malaat, kuminam mamagun mampabansuk ra guang ru raja' am pagawai-pagawai nano.

MIKA 7:8

Pantula' takau kolondo' sasaban koson makaansuk ra naratuan takau. Kabalu' pana maratu' takau, kaa' tumirong takau saguli'. Raino soroi takau ralalom kalandaman, kaa' Tuhan mansilau ritakau.

MATIUS 18:13

Balain takamin: Paat ra nakito no saguli' sanginan ti, maringkuanang io toojo ra sanginan i, intor ra siam ngoopor am siam ondo' kalo timinanggau.

LUKAS 22:5

Naansukan am nangiou ilo koson mangani' ri Judas ra ruit.

ROMA 1:32

Nakapandai ilo ra maya' ra ukum ri Aki Kapuuno' ulun ondo' nambaal koson raginio ukumin ra potoyon. Iou pana koson raginio, rayuson nilo ginio am maansayan ilo poyo ra ulun bokon ondo' mambaal koson niayuk raginio.

ROMA 12:9

Tagami' noyo ulun bokon ra totopot ru guang min. Kasisangi' min baal ra malaat am rayuso' min mambaal ra moonsoi.

PILIPI 1:18

Polosoon noyo ginio, sabap raginio kalo niayuk mantipagon raki'. Mabaya' ra guang nilo ra motopot kapoam malaat kia, pinatanou nilo niayuk pangilaan ri Kristus i; am gitio noyo kaansukan kutu.

PILIPI 1:4

Am moonong aku makiasi' ri Aki Kapuuno' ramuyun, pakiasian kuno mabaya' ra guang makaansuk.

PILIPI 3:18

Sabap ra koson masalok aku no nakapambala' ramuyun am raino sagulion ku poyo mabaya' ra tangi', ra mokoondo' masuang niayuk ulun mansang ra pangilaan ra i Kristus minatoi ra salip.

2 TISALONIKA 2:12

Maa' raginio, ngaangai' ondo' kalo mangintopot ra katapatan intor ri Aki Kapuuno', kaa' maansayan ayuk ra kalaatan, ukumin ilo.

2 JUANIS 1:4

Ina', naansukan aku kaga' naala' ra mokoondo' intor ra anak-anak muno ondo' kaayagan nilo maya' ra ralan motopot, koson ra nanusuban ri Aki Kapuuno' ritakau.