1 KORINTUS 13:5 - Tanou Moonsoi Timugon

⁵ Kalo makuliga' io, kalo maguyum ra kaatangan galama', kalo mataki' angitan am kalo malikokot io ra ulun.

1 KORINTUS 13:5 ပူးပေါင်းရင်းမြစ်များ

2 SAMUIL 10:3

kon ru tingganai-tingganai ru Amon ra raja' nilo, “Pai' no pangkara' ra Raja' Daut nangator ra ulun-ulun sinusub no koson mampasaboi ra ragu mangiluk sabap ra masaga' io mangurumat ra ama' muli! Nangator Raja' Daut ra ngaangai' ulun ragiti koson ra pansigo koson tumutun ra bandar ragitio, maa' raginio makuasa' no itakau.”

AYUP 21:27

Nakapandai aku atan karaan min, am kalaatan raki' ondo' inatang min.

AMSAL 14:17

Ulun ondo' mataki' sumangit namatasan nano sasambungon; ulun mapintar masalok kalinuos ayuk.

JISAYA 3:5

Moonong ulun mangimpai ra ulun bokon. Ulun mamulok kalo boo mangurumat ra ulun matutuo, am ulun kolondo' pangkat kalo boo mangurumat ra ulun makapangkat.

JIRIMIA 11:19

Koson aku ra domba ra kalo manantam ondo' inibit mongoi ra intok pamatayan. Kalo nakapandai aku ra aku noyo nasauk ra sonsolon ru paguguuman nilo. Konilo, “Ibok no ongoyo' takau tagaro' puun tataun no ra malabung ayuk poyo; ibok no potoyo' takau io maa' raginio inggalan nano malilianan ru ulun.”

UNTABAN 12:3

I Musa ti sangulun ondo' minggana' guang, minggana' guang poyo intor ra osoi pana ra tana' ti.

UNTABAN 16:15

Siminangit toojo i Musa am indagu ra Tuhan, “Pai' noyo apuo' atan-atan taak intor risilo. Kalo igondo' aku pambaal ra sala risilo; am sanginan kaladai pana kalo igondo' ku alapo' intor risilo.”

UNTABAN 32:6

Taam i Musa, “Masaga' kau kia mayan ragiti, am ondo' boo ulun rondo' bansa' ramuyun mongoi pangayou?

MATIUS 5:22

Kaa' raino ti balain takamin: Osoi ayuk pana sumangit ra pabukat nano, io ti ibiton ra saang ru akim; am osoi ayuk pana magulas ra pabukat nano, io ti ibiton ra Majlis Ugama; am osoi ayuk pana mampiau ra pabukat nano ra ‘malaat’, io ti pasubolon ra naraka.

MATIUS 9:4

Napandayan ri Jisus atan guangon nilono, Io pana mindagu, “Kua ramuyun ti mangkara' ayuk ra baal ondo' malaat no?

MARKUS 3:5

Mongoror Io risilo sabap ra maruol guang Nano, kaa' mangiluk Io ra mokotog ulu nilo. Indagu Io boo ra ulun no, “Patutuyo' noyo longon muno!” Patutuyo' ru ulun no longon nano, am kapali' boo.

LUKAS 7:39

Kakito ru ulun ru Parisi no baal raginio, kon ru guang nali, “Amon ru sangulun nabi Io, kua polosoo' no ruandu' koson ragitio kumambong Riso. Maaru' nakapandai Io ra sotopot no ruandu' ti kauligan ra makatula!”

1 KORINTUS 10:24

Pai' sangulun pana maguyum ra kaatangan ru kaayagan nano galama' ayuk, kaa' karaa' niayuk kaatangan ru ulun ra bokon.

1 KORINTUS 10:33

Tilu kano raki'. Koson ra atan ayuk pana baalon kuno, mangkinam aku mapabansuk ra guang ru ngaangai' ulun. Kalo niayuk maguyum aku ra kaatangan kuno, kaa' makara' ku ulun ra bokon, maa' raginio bayagon ilo.

1 KORINTUS 11:18

Kasaa' i, nokorongog aku ra paat ru pasimpungan mino, mokoondo' mansusuai am mansasangor ra rondo' am bokon. Am mangintopot aku niayuk ra tanou raginio.

1 KORINTUS 12:25

Koson raginio ra inan no kalo boo matatayar, kaa' moonong tayar no motogom am magalung ra rondo' am bokon.

1 KORINTUS 7:36

Koson ra ilo santamung ayuk poyo: amon ru ungkuyon ti masaga' sumimpung ra tamung nano sabap ra kalo moorot no laai ru guang nano galama', ginio poyo moonsoi polosoon ilo ayuk maguot maya' ra kasagaan no. Pai' ru makatula ginio.

2 KORINTUS 5:19

Gitio noyo tanou posoboyon mai; ralalom ri Kristus i Aki Kapuuno' nopobonsoi ra ngaangai' ulun Riso am kalo boo karaan No tula nilai. Am tanou raginio pinakandayan Nano ramon.

GALATIA 5:13

Kaa' koson ramuyun, pabukat kau ngaangai', napiau kano masauk ra ulun nakalabus. Kaa' pai' min polosoo' kaluagan raginio mangkinibit ramuyun makatula, koson mampagagaya' kau ayuk ra kasagaan ru guang min. Ondo' ayuk am gitio; kotogom am koonsoi kano ra rondo' am bokon.

PILIPI 2:21

Kaa' bokon no sala' ka maguyum ra kaatangan ri Jisus Kristus, kaa' maguyum ayuk ra kasingkatan nilo galama'.

PILIPI 4:8

Pabukat kau, koson bilin ku ra pamupusan ti, guango' noyo ondo' moonsoi am moompor: ioginio ondo' motopot, ondo' matulai, mabanis guang, paliso moonsoi, koson mokoondo' ra togom am poyo ragu ra moonsoi rongogon.

2 TISALONIKA 3:7

Akau galama' nakapandai noyo ra musiti' kau tumilu ramon, sabap ra paat ra akai soroi ramuyun ragili, pai' ru mangatiar akai.

2 TIMOTIUS 2:10

Ginio sabap ra tumaan aku ra ngaangai' ti koson ra kaatangan ru ilo ondo' pinili' noyo ri Aki Kapuuno', maa' raginio ilo pana mokoowot ra pamayagan ondo' taakin ralalom inggalan ri Jisus Kristus am ondo' mabaya' ra urumat mantilayun.

2 TIMOTIUS 4:16

Paat ra aku binisara' ra kasaa' i, kolondo' sangulun kon pana nangindangan raki'. Ngaangai' boo nangiruan raki'. Gama' ru i Aki Kapuuno' kalo noyo mampakasala risilo ra baal ragitio.

JAKUBUS 1:19

Pabukat kau ngai' ondo' tagamin ku, karaa' min toojo gitio! Moonsoi ru makapaliso kau ra maluoi mangkirongog, kaa' kalo mataki' manulu' ra bokon am poyo kalo mataki' malasu' guang.