1 KORINTUS 13:4 - Tanou Moonsoi Timugon

⁴ Ulun ondo' motogom ra ulun bokon no mataan guang am maluoi makaasi'. Ulun no kalo maingot kapoam lumimbau, am poyo kalo masumbung.

1 KORINTUS 13:4 ပူးပေါင်းရင်းမြစ်များ

KASAUKAN 30:1

Kaa' lakat poyo kolondo' anak ri Ragil. Maingot io boo ra maayo nano, am indagu ri Jakub, “Anii' aku ga ra anak, amon ru kalo matoi aku.”

KASAUKAN 37:11

Mangusolon pagaka'-pagaka' ri Jusup riso, kaa' magail ama' nano mampaguang ra ngaangai' no.

NIGIMIA 9:17

Marara' ilo gumagaya'; nalilianan nilo ngaangai' binaal Muno, am ngaangai' kaimuagan ondo' binaal Muno. Nabaya' ra limbau ilo nampili' sangulun tingganai, koson magibit risilo ra Misir, am nasauk saguli' ra ulipon. Kaa' Okou i Aki Kapuuno' ondo' mangampun; orot Muno maawar, makaasi' am motogom; asi' Muno maayo, am kalo nangiruan Kou risilo.

MAZMUR 10:5

Ngaangai' ampos ru kalaatan maalap kogogot ru ulun malaat. Kalo makarati' ilo ra pangakiman ri Aki Kapuuno'; am mataman ilo ra ngaangai' pantula' nilono.

AMSAL 10:12

Kasisangan mangkinibit ra pansasangaran; togom mangampun ra ngaangai' kasalaan.

AMSAL 13:10

Limbau magibit ra kapaganan; ulun mapintar mangapu ra pangilaan.

AMSAL 17:14

Talimpuun ru pansangaran koson ra sansag lumata'; ampangi' min pansangaran ra kalo poyo makatalimpuun.

AMSAL 17:9

Amon ru kasagain ru ulun, ampuno' noyo kasalaan binaal nilo. Mapasingkual ra kasalaan makaukat ra pangkubayawan.

AMSAL 19:22

Kalansanan ra sasangulun ioginio gumagaya'. Moonsoi poyo masauk ra ulun musikin ka masauk ra magabau.

AMSAL 31:20

Mataau io ra ulun musikin am mapagon.

AMSAL 31:26

Mapintar ra io mindagu am molomoi.

MAMPATANOU 10:4

Amon siminangit panguasa' i ramuyun, pai' longgo' ra kandoi; kasalaan ondo' maayo maampun amon tumaan guang min.

MATIUS 27:18

Napandayan noyo ru gabenor ti ra mangusolon panguasa'-panguasa' ru ulun ru Jaudi am ginio sabap ra nampataak ilo ri Jisus riso.

RINALATAN 7:9

“Kaa' nangusolon boo kinamatuaan ru bansa' takali ri Jusup i. Ginio ra talano' nilo io ra pagun ru Misir koson saukon ra ulipon. Kaa' inindangan io ri Aki Kapuuno',

ROMA 1:29

Guang nilono napanu' ra kalaatan, mapuka', magingkaut ilo, mampalaat ra rondo' am bokon: mangusolon ilo, makimampatoi, mansasangor, mamparuung, malikokot. Mansunur ilo ra ulun bokon,

ROMA 13:13

Kaayag takano ra matanda' koson ra kaindalaman ru ulun paat ra matawang. Pai' kano rumamai ra jajajou kapoam mangagauk. Pai' kano pansawa' kapoam mambaal ra makauyuyu'. Pai' kano pansangor am pai' pangusolon.

1 KORINTUS 3:3

Sabap ra paliso mino lakat ayuk poyo koson ra ulun ru tana' ti. Mangusolon am mansasangor kau ra rondo' am bokon. Sala' kia ka gitio mampakito ra kaayagan min lakat ayuk poyo sumugut ra paliso ru ulun ondo' kalo makaulig ri Aki Kapuuno'?

1 KORINTUS 4:18

Kaa' mokoondo' kukula' ngaulun intor ramuyun masumbung nai boo, sabap ra indos nilo kalo boo mongoi aku pagilong ramuyun.

1 KORINTUS 4:6

Pabukat kau ngaangai', aku am i Apolos nampagagaya' noyo ra ngaangai' ni. Akai galama' alapon min ra tiluan, maa' raginio makaigigila' kau ra atan arati' ru ragu ragitio; “Gagayaa' min noyo aturan ra motopot.” Koson raginio noyo ra kolondo' sangulun pana ramuyun mongompor ra sasangulun kapoam magasab ra bokon.

1 KORINTUS 5:2

Kabalu' pana koson raginio, lakat kau ayuk poyo masumbung. Sotopot no akau musiti' mangiluk guang, am ulun ondo' mansawa' no, pasuayo' min intor ra pasimpungan mino.

1 KORINTUS 8:1

Raino manaam aku ra pangkuatan min poyo ra bokon intor ra akanon ondo' pinampakan ra sinungkalalaing. Motopot ragu ru ulun ra, “Itakau ngaangai' makakapandayan.” Kaa' kapandayan no mangkinibit ra ulun masauk masumbung; kaa' togom mompokoonsoi ra paliso ru ulun.

2 KORINTUS 12:20

Maimamang aku ra paat ra mongoi aku ramuyun, ilain ku sala' kau boo intor ra atan ondo' lansanin kuli, am aku pana sala' boo intor ra atan ondo' lansanin min. Maimamang aku ra akau mansasangor, magugusolon, mansisang, matayar-tayar, magagasab, mangilaat ra ulun, malilimbau am kumuliangi-angi kau.

2 KORINTUS 6:6

Mabaya' ra guang mapasau, kapintaran, guang mataan, guang mataau, indangan ru Ambiluo ri Aki Kapuuno' am togom ra motopot, pinakito mai noyo ra akai ti ulipon ayuk ri Aki Kapuuno'.

GALATIA 5:26

Pai' takau pakiompor, mamparuol ra guang ru bokon, kapoam magusolon ra sangulun am bokon.

IPISUS 4:2

Paingganaa' noyo guang min, kolomoi am kasalok kano mataan guang. Pakitono' noyo kinotogom min ra mangindangan kau ra rondo' am bokon.

IPISUS 4:32

Kaa' kataau am koonsoyo' noyo guang mino ra sangulun am bokon, am ampuno' noyo rondo' am bokon, mogondo' ri Aki Kapuuno' nangampun ramuyun ralalom ri Kristus.

PILIPI 1:15

Iou pana ginio, mokoondo' niayuk ulun mampabala' ra tanou ri Kristus sabap ra tanou ri Kristus mabaya' ra guang motopot.

KOLOSI 1:11

Gama' ru kuasa' ri Aki Kapuuno' ondo' kolondo' pogondo' mampaikang ramuyun saboi mataan kau ra atan ayuk masauk no mabaya' ra kaansayan am kalo malawo guang min.

KOLOSI 2:18

Ginio nai ra pai' polosoo' ra akau ruungon ru ulun ondo' migiangku minggana' guang, am ondo' sumamba ra malaikat. Ulun koson raginio masumbung sabap ra rokoon nilo masuang baal ru suruga' pinakito risilo, kaa' pangkaraan ragitio sumugut ayuk ra paliso malaat nilo galama'.

KOLOSI 3:12

Akau nakasimpung noyo ri Aki Kapuuno', nampili' Io no ramuyun am monogom Io ramuyun. Ginio nai ra pakitono' min noyo togom min, bonsoi ru guang min, inggana' ru guang min, kinolomoi ru guang min am poyo kinataan ru guang mino.

1 TISALONIKA 5:14

Pabukat ku ngai', makitaak akai poyo ramuyun ra sawayo' min noyo ulun ondo' mangatiar, kaikango' min noyo guang ru ulun ondo' malaa', indangano' min noyo ulun ondo' malawo am kataan kano ra ngaangai' ulun.

1 TIMOTIUS 6:4

io noyo ulun masumbung am kolondo' toojo kapandayan. Ulun koson ragitio kalo matanda', magail ayuk mantataam ra arati' ru rorondo' ragu, saboi mampasalula' ra kaingatan, pagagansangan, pangalimutan, panalaan malaat,

2 TIMOTIUS 2:25

Musiti' molomoi ragu nano ra io mampakatanda' ra ulun ondo' maanggal-anggal riso. Sabap ra maaru' lair i Aki Kapuuno' mangani' risilo ra kaluagan tumalikur intor ra tula nilo am makaulig boo ra katapatan.

2 TIMOTIUS 3:10

Kaa' okou nakaintutun noyo ra ati kulaan pangilaan kuno, paliso kuno am kiralan ru kaayagan kuno. Am poyo nakaintutun kou ra togom kuno, pangintapatan kuno am guang mataan kuno am kaaratan kuno pana.

2 TIMOTIUS 4:2

kasalok no makatampos mampabala' ra Tanou Moonsoi ra apuon kia ru ulun kapoam kalo. Painonoo' noyo ulun no, sawayo' amon ru makasala am paikango' ilo po. Ilaa' ilo toojo mabaya' ra kaaratan ru guang muno.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

JAKUBUS 4:5

Kaa' indos min kia ra raragu ayuk ondo' tinulisan ra Buuk Kitab ra, “Pinorondon noyo ri Aki Kapuuno' Ambiluo Nano ra guang takau sigagama', am maayo toojo kasagaan Nati ra Io ayuk tagamin takau.”

1 PITRUS 2:1

Ginio nai patiri' min noyo ngaangai' kalaatan ru guang min; pai' kano pamparuung, pai' pagabau, pai' kaingot am pai' pagasab ra ulun bokon.

1 PITRUS 3:8

Pamupusan raginio: Korondoo' noyo guang min am pakaasi' kano ra rondo' am bokon. Ponogom kano ra rondo' am bokon mogondo' ra akau tumogom ra pabukat min galama'. Am poyo musiti' kau mataau am minggana' guang.

1 PITRUS 4:8

Kaa' kasaa' toojo ti, tagami' noyo toojo rondo' am bokon, sabap ra intor raginio tula mino ra masuang ampunon noyo ri Aki Kapuuno'.

2 PITRUS 1:7

Am kaayagan min kasagain ri Aki Kapuuno' no, ruangin ra guang motogom ra ulun Kristian; am ginio ruangin ra guang motogom ra ngaangai' ulun.

1 JUANIS 4:11

Pabukat kau ngaangai' ondo' tagamin ku! Amon ru motogom toojo i Aki Kapuuno' no ritakau, itakau pana musiti' motogom ra rondo' am bokon.