1 KORINTUS 13:2 - Tanou Moonsoi Timugon

² Kabalu' pana mapandai aku mampasaboi ra tanou intor ri Aki Kapuuno', kapoam makarati' ra katapatan ri Aki Kapuuno' ondo' kalo igondo' pinabala', am makapandai ra ngaangai' am poyo pangintapatan ku ri Aki Kapuuno' maikang kaga', saboi gunung no pana maalap ku pakabanding, kaa' amon kalo motogom aku ra ulun bokon, kolondo' noyo onong kuti.

1 KORINTUS 13:2 ပူးပေါင်းရင်းမြစ်များ

MATIUS 13:11

Taam i Jisus, “Binalaan kano ondo' kalo igondo' pinabala' ra ati kulaan i Aki Kapuuno' mamarinta, kaa' ulun masuang no kalo.

MATIUS 17:20

Taam i Jisus, “Sabap ra kalo mangintopot kau toojo. Karaa' min! Amon ru makapangintapatan kau koson ra gayo ru sangunor puun mustard, makaindagu kau ra bulur ti, ‘Banding no intor ragiti ongoi ra giu' no!’ am maaru' manding io! Makapambaal kau ra atan ayuk! [

MATIUS 21:19

Kiing ru ralan binayaan nilo mokoondo' sampuun ara timinuu'. Ongoi Io ra puun ru ara i, kaa' rondo' kawa' pana kolondo' nakito nano, raun ru ara ayuk soroi. Pagibot i Jisus ra puun ru ara ni, “Kalo boo mangkawa' kou ra sabuoi-buoi no!” Lonot pamulali' puun ara ni.

MATIUS 21:21

“Karaa' min,” taam ri Jisus, “Amon ru mangintopot kau am kalo pagantangan guang, makabaal kau ra atan ondo' binaal Kuno ra puun ru ara ni. Sala' ka ginio ayuk, kaa' maindaguan min bulur ti, ‘Kakat no am patir no giu' ra raat!’ Baal raginio pana masauk.

RINALATAN 13:1

Ralalom pasimpungan ulun Kristian ra Antiokia, mokoondo' kukula' ngaulun nabi am niayuk mangingila'. Ilo ti am i Barnabas, Simon ondo' sabiton ri Maitom, Lukius intor ra Kirini, i Minaim ondo' tinalanak nabaya' ra gabenor Irodis am niayuk i Saulus.

ROMA 11:25

Pabukat kau ngaangai', mapaintutun aku ramuyun ra katapatan ondo' kalo igondo' pinabala', maa' ra akau makapandai no, kalo boo lumimbau kau. Gitio noyo katapatan i; kalo mantilayun ulun ru Israil mokotog ulu, kaa' polos ayuk ra morontop noyo suang ru ulun sala' ka Jaudi matong ri Aki Kapuuno'.

ROMA 15:14

Pabukat kau ngaangai', mangintopot aku ra moonsoi kau toojo am makapandai kano ra ngaangai' saboi makapangila' ra rondo' am bokon.

ROMA 16:25

Omporo' noyo i Aki Kapuuno'! Makakuasa' Io mampaikang ra pangintapatan mino sumugut ra Tanou Moonsoi intor ri Jisus Kristus ondo' pinabala' kuno ramuyun. Ginio potonowon kuno sumugut ra ondo' pinaintalang noyo ri Aki Kapuuno' raki', ioginio katapatan ondo' kalo igondo' pinabala' intor ra galing i.

1 KORINTUS 11:4

Amon ru sangulun ungkuyon marundung paat ra io makiasi' kapoam mampasaboi ra bala' intor ri Aki Kapuuno' giu' ra baloi sambayangan, arati' no kalo mangurumat io ri Kristus.

1 KORINTUS 12:28

Ralalom pasimpungan ulun Kristian, nangaru' i Aki Kapuuno' ritakau ra tayar sigagama'; kasaa' am rasul; karuo am nabi-nabi; katalu am mangingila'; am ilo ondo' mambaal ra kaimuagan, am niayuk ilo ondo' inanian ra kapandayan mamabas ra ulun, mangindangan ra ulun, maningganai ra ulun, kapoam mindagu ra nansalinut ragu imuagan.

1 KORINTUS 13:1

Kabalu' pana mapandai aku mindagu ra nansalinut ragu ru ulun, am niayuk ragu ru malaikat, kaa' amon kalo motogom aku ra ulun bokon, ragu kuno nogondo' ayuk ra bolos ru agung kapoam lunsing ondo' makausoso.

1 KORINTUS 13:3

Kabalu' pana pataakin ku ngaangai' atan ondo' raki' ra ulun musikin, am pataakin poyo inan kutu koson solobon, kaa' amon kalo motogom aku ra ulun bokon, ginio kolondo' ampos raki'.

1 KORINTUS 13:8

Ulun musiti' masalok monogom ra bokon. Raino ti mokoondo' ulun mapandai mampasaboi ra bala' intor ri Aki Kapuuno', kaa' ginio kalo mantilayun. Mokoondo' niayuk ulun inanian ra kapandayan mindagu ra ragu imuagan, kaa' ginio pana kalo mantilayun. Mokoondo' poyo ulun makapambala' ra kapandayan intor ri Aki Kapuuno', kaa' kapandayan nilono mapuso niayuk.

1 KORINTUS 14:29

Koson niayuk ra ilo ondo' mampasaboi ra bala' intor ri Aki Kapuuno', moonsoi ru ruo kapoam talu ngaulun ayuk mampasaboi liliwa' bokon no mampaguang toojo ra atan ondo' raguon nilo.

1 KORINTUS 14:39

Pabukat kau ngaangai', gogoto' min noyo mampasaboi ra bala' intor ri Aki Kapuuno', am pai' min inggalari' ulun ondo' masaga' mindagu ra ragu imuagan.

1 KORINTUS 14:4

Ulun ondo' inanian ra kapandayan mindagu ra ragu imuagan, migikang io galama' ayuk, kaa' ulun ondo' mampasaboi ra bala' intor ri Aki Kapuuno', mampaikang ra pasimpungan ulun Kristian.

1 KORINTUS 15:51

Rongogo', balain takamin ondo' kalo igondo' pinabala': Kalo ngaangai' takau matoi, kaa' pulali' kon ayuk itakau kulawon.

1 KORINTUS 16:22

Osoi ayuk kalo motogom ri Tuhan Jisus, ukumin io ri Aki Kapuuno'! Maranata, arati' no ‘O Tuhan mai, ratong no!’

1 KORINTUS 4:1

Karaa' min noyo ra akai ti ulipon ri Kristus. Akai ti noyo inanian ra kandoi mampatanou ra katapatan ri Aki Kapuuno' ondo' kalo igondo' pinabala'.

1 KORINTUS 7:19

Sabap ra makasunat kapoam kalo, ginio kalo maatang ri Aki Kapuuno'. Ondo' ayuk maatang am gumagaya' ra susuban Nano.

1 KORINTUS 8:4

Ondo' pangkuatan min ra mangakan ra akanon ondo' pinairang ra sinungkalalaing: Makapandai takau raginilo sotopot no binaal ayuk ru ulun, sabap ra kolondo' tuhan ra bokon. Nakapandai takau niayuk ra rorondo' ayuk i Aki Kapuuno', am kolondo' boo bokon.

2 KORINTUS 12:11

Akau no nangkinibit raki' mindagu koson ra sasambungon. Akau ondo' sotopot no musiti' mongompor raki'. Kabalu' pana aku ti kolondo' kon onong, kaa' kalo noyo nakatauli aku intor ra “rasul-rasul” ondo' kinaatang mino.

GALATIA 5:16

Gitio noyo kon kutu; Polosoo' ayuk Ambiluo ri Aki Kapuuno' manguasa' ra bayag min, am pai' gagayaa' kalaatan ru guang mino galama'.

GALATIA 5:22

Kaa' gitio noyo ampos amon ru ulun tingganayon ru Ambiluo ri Aki Kapuuno': montotogom ilo, maansukan, maayag ra rondo' guang ra rondo' am bokon, mataan guang, masaga' mangindangan, moonsoi guang, mampagagaya',

GALATIA 6:3

Amon ru sasangulun mangkara' ra io no maatang, am sotopot no kalo, io galama' ayuk miruruung.

IPISUS 3:4

Am amon ru basaan min tinulisan kuni, makarati' kau ra ati kulaan kaintutunan kuno ra sauk ondo' kalo igondo' pinabala', ioginio ondo' binaal ri Kristus.

IPISUS 6:19

Aku pana karaan ra pakiasian min, maa' raginio mangani' i Aki Kapuuno' raki' ra katandaan paat ra aku mindagu. Maa' raginio makakau' aku boo mampabala' ra atan ondo' kalo igondo' pinabala' intor ra Tanou Moonsoi no.

KOLOSI 1:26

Kukula' noyo buoi tanou ti nakasibuni ra ngaangai' ulun, kaa' bagu raino ti pinabala' ra ulun ondo' mangintopot Riso.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

1 JUANIS 4:8

Ulun kalo motogom, kalo makaulig io ri Aki Kapuuno', sabap ra i Aki Kapuuno' noyo togom.