1 KORINTUS 13:13 - Tanou Moonsoi Timugon

¹³ Pupus no, ondo' pantilayunon am talu ringai': mangintopot ri Kristus, malansan ri Aki Kapuuno' am motogom ra ulun bokon. Ondo' maatang toojo intor ra katalu-talu, io no motogom ra ulun bokon.

1 KORINTUS 13:13 ပူးပေါင်းရင်းမြစ်များ

MAZMUR 146:5

Pakaansuk noyo ulun ondo' inindangan ri Aki Kapuuno' ri Jakub no, am ondo' lumansan ra Tuhan, i Aki Kapuuno' nano;

MAZMUR 42:11

Mangiluk aku kaga' mangkirongog ra ilo magasab. Magail ilo mangkuot, “Ati kia i Aki Kapuuno' muli?”

MAZMUR 43:5

Kua kia pangiluk guang kuno? Kua kia pagalabo aku? Malansan aku ri Aki Kapuuno', am igondo' poyo aku mongompor Riso, i Aki Kapuuno' kuno am mamamayag raki'.

LUKAS 10:27

Taam ulun i, “ ‘Tagami' noyo Tuhan i Aki Kapuuno' muno, ra ngaangai' ru guang muno, saliguor muno, ikang muno am pangkaraan muno’; am ‘Tagami' noyo ulun ra bokon koson okou niayuk monogom ra kaayagan muno galama'.’ ”

LUKAS 22:32

Kaa' nakiasi' Aku noyo ra pangintapatan muno kalo malawo. Ra okou sumaguli' Raki', okou tupo niayuk mampaikang ra pangintapatan ru pabukat-pabukat muno.”

ROMA 15:13

Gama' ru i Aki Kapuuno', puun ru kalansanan takau, mangani' ramuyun ra kaansukan am katasuan ru guang ralalom ru pangintapatan min Riso. Maa' raginio, ralalom ru kuasa' ru Ambiluo ri Aki Kapuuno', mikang poyo kalansanan mino Riso.

1 KORINTUS 14:1

Pirot kano motogom ra ulun bokon. Gogoto' min niayuk taak intor ra Ambiluo ri Aki Kapuuno', mulu' poyo ra kasagaan koson mampasaboi ra bala' intor ri Aki Kapuuno'.

1 KORINTUS 16:14

Ngaangai' ru baalon mino musiti' mabaya' ra togom.

1 KORINTUS 3:14

Amon ru pangilaan nano tumaan ra pangkinaman ti, ulun ragitio mokoowot ra ampos.

1 KORINTUS 8:1

Raino manaam aku ra pangkuatan min poyo ra bokon intor ra akanon ondo' pinampakan ra sinungkalalaing. Motopot ragu ru ulun ra, “Itakau ngaangai' makakapandayan.” Kaa' kapandayan no mangkinibit ra ulun masauk masumbung; kaa' togom mompokoonsoi ra paliso ru ulun.

1 KORINTUS 8:3

Kaa' ulun ondo' totopot motogom ri Aki Kapuuno', io ti mauligan ri Aki Kapuuno'.

2 KORINTUS 5:10

Sabap ra itakau ngaangai' paumaan niayuk ri Kristus am akimin no. Moonong ulun ruliin boo sumugut ra atan ondo' binaal nali giti ra tana' ti, moonsoi kapoam malaat.

2 KORINTUS 5:15

I Kristus minatoi noyo koson ra alig ru ngaangai' ulun, maa' raginio ngaangai' ulun ondo' maayag kalo boo mampakaatang ra kaayagan nilo galama' ayuk, kaa' mangkara' ayuk boo Riso, ondo' minatoi am binayag saguli' koson kaatangan ilo.

GALATIA 5:6

Paat ra itakau sumimpung ri Kristus, baal ra sunatin kia kapoam kalo, ginio kalo boo maatang. Ondo' maatang toojo, ioginio mangintopot ri Kristus, ondo' makito intor ra motogom takau ra rondo' am bokon.

PILIPI 1:9

Gitio noyo pakiasian kuno ri Aki Kapuuno' ra gama' ru mulu' poyo togom mino ri Aki Kapuuno', mogondo' niayuk ra mulu' poyo kapandayan min ra katapatan am kaintutunan no.

KOLOSI 1:27

Inatang noyo ri Aki Kapuuno' ra pabalaan No ondo' nakasibuni i risilo; ra mumpara' boo bonsoi ru barakat ondo' pataakon Nano ra ngaangai' ulun, ioginio i Jisus Kristus rumondon ra guang min, ondo' arati' no magapu kau ra katulayan ri Aki Kapuuno'.

KOLOSI 1:5

Ra intor noyo ra Tanou Moonsoi ondo' motopot ti kasaa' pinabala' am nakasaboi ramuyun, makakalansanan kano. Mangintopot am motogom kau sabap ra kalansanan makaapu ondo' pinongo noyo ramuyun giu' ra suruga'.

KOLOSI 3:14

Kaa' ondo' maatang intor ra ngaangai' ru gitio io no togom, sabap ra gitio noyo ondo' mampasimpung ramuyun ngaangai' masauk rondo' guang.

1 TISALONIKA 1:3

Makara' mai ralalom pakiasian mai ri Aki Kapuuno', Ama' takau, ati kulaan akau mangintopot ri Kristus, motogom kau ra ulun bokon suku' mapirot toojo mangindangan risilo am poyo maikang lansan mino ra Tuhan takau i Jisus Kristus.

1 TISALONIKA 5:8

Kaa' itakau ti maayag ra matawang, am musiti' masalok takau tumampos. Musiti' takau mangintopot ra Tuhan am motogom ra ulun bokon, ginio koson migampin takau ra bayang basi'. Am poyo kalansanan ra bayagon takau koson migampin takau ra tupi' basi'.

1 TIMOTIUS 1:5

Manusub aku ragitio koson ra togom min ra ulun bokon sumalula' intor ra guang moonsoi, bolos ru guang mapasau am pangintapatan ra kolondo' abau.

2 TIMOTIUS 1:7

Sabap ra pai' ru Ambiluo ri Aki Kapuuno' magibit ra guang takau malaa', kaa' sotopot no mangani' io ritakau ra kaikangan, togom am kinataan ru guang.

IBRANI 10:35

Intor raginio, pai' polosoo' pangintapatan mino lumawo, sabap ra maayo ampos nano.

IBRANI 10:39

Kaa' itakau ti sala' ka ulun ondo' lumugut am makalayau. Itakau ti makapangintapatan am bayagon.

IBRANI 6:11

Maayo guang mai ra akau sigagama' mirot pangindangan saboi ra pupus, suku' moowot min lalansanin mini.

IBRANI 6:19

Koson ra simbatu mampauog ra parau ra kalo maabas, koson niayuk ra kalansanan takau mambaal ritakau kalo minggalur intor ri Aki Kapuuno'. Am koson ra Tingganai imam nakarampus ra tabir ru Intok Matulai Kaga' giu' ra Baloi Tuhan, i Jisus niayuk nakarampus ra suruga'.

1 PITRUS 1:21

Mansail Riso ti noyo makapangintopot kau ri Aki Kapuuno'. Io no ondo' namayag saguli' ri Kristus intor ra kapatayan am nangurumat boo Riso. Ginio ri Aki Kapuuno' ti boo puun ru pangintapatan am kalansanan min.

1 JUANIS 2:10

Ulun ondo' motogom ra pabukat nano, maayag ulun no ralalom ru binusasal. Saboi kolondo' intor riso no mangkinibit ra ulun bokon makatula.

1 JUANIS 2:14

Anak kau ngaangai', tulisin takamin sabap ra nakaulig kau ri Ama', io no i Aki Kapuuno'. Ama' kau ngaangai', tulisin takamin sabap ra nakaulig kau noyo ri Aki Kapuuno' ondo' soroi intor ra talimpuun i. Kamulakan kau ngaangai', tulisin takamin sabap ra akau maikang. Ragu ri Aki Kapuuno' soroi ra ralalom ru guang mino. Am naanggal min noyo Tingganai ru riwato.

1 JUANIS 2:24

Ginio boo ra pambalaan ondo' norongog mini intor ra talimpuun i, musiti' buliin min toojo ra guang. Amon ru gumuut kau ayuk ra pambalaan ondo' norongog mini, akau maayag masisimpung ra Anak am Ama'.

1 JUANIS 3:3

Moonong ulun ondo' malansan ri Kristus, magalung io ra kapasawan ru kaayagan nano mogondo' koson ri Kristus mapasau.

1 JUANIS 3:9

Ulun ondo' nasauk ra anak ri Aki Kapuuno' kalo marayus mambaal ra tula. Paliso ri Aki Kapuuno' soroi riso am ginio ra io ti kalo marayus mambaal ra tula.