1 KORINTUS 12:9 - Tanou Moonsoi Timugon

⁹ Ambiluo raginio niayuk ondo' mangani' ra sangulun ra pangintapatan, am taak Nano ra ulun bokon poyo ioginio kuasa' mamabas ra ulun marualan.

1 KORINTUS 12:9 ပူးပေါင်းရင်းမြစ်များ

MATIUS 10:8

Babaso' min noyo ulun ondo' marualan; paluato' min noyo ulun ondo' minatoi, babaso' min noyo ulun ondo' makamaruol ra kungkung maaja', am pagiruo' min noyo riwato-riwato. Inanian kau ra kalo kinilagaan am panaak kau pai' min kilagai'!

MATIUS 21:21

“Karaa' min,” taam ri Jisus, “Amon ru mangintopot kau am kalo pagantangan guang, makabaal kau ra atan ondo' binaal Kuno ra puun ru ara ni. Sala' ka ginio ayuk, kaa' maindaguan min bulur ti, ‘Kakat no am patir no giu' ra raat!’ Baal raginio pana masauk.

MARKUS 16:18

Amon ru mampaguut ilo ra kukuo kapoam manginum ilo ra tuwo, kolondo' karaat masauk risilo. Pabantaan nilo kalindu' nilo ra ulun marualan am ulun no mababas.”

MARKUS 6:13

Mapagiru' ilo ra masuang riwato am masuang ulun marualan pipilin nilo ayuk ra umau jaitun am mamabas risilo no.

LUKAS 10:9

Babaso' min ulun marualan ra giu' no am pambala' risilo, ‘Mamaar noyo i Aki Kapuuno' tumalimpuun mamarinta ramuyun.’

LUKAS 9:2

Susubo' No boo ilo mongoi pamabas ra ulun marualan am pampabala' ra ati kulaan i Aki Kapuuno' mamarinta.

RINALATAN 10:38

Nakapandai kau poyo ra i Aki Kapuuno' nampili' noyo ri Jisus, ulun Nasarit i, am inanian No ra Ambiluo ri Aki Kapuuno' am niayuk kuasa'. Minongoi Io ra ati ayuk intok koson mambaal ra moonsoi am mamabas ra ulun masuang ondo' kinuasa' ru Tingganai ru riwato, sabap ra mabaya' i Aki Kapuuno' ri Jisus.

RINALATAN 5:15

Sabap ra kaimuagan ondo' binaal ru rasul-rasul no, ulun mangarualan palanganon ra tilam kapoam apin, am ibiton ilo boo ra ralan koson malansan makatiu' ra babara' ri Pitrus, paat ra io mansail ra giu' i.

1 KORINTUS 12:28

Ralalom pasimpungan ulun Kristian, nangaru' i Aki Kapuuno' ritakau ra tayar sigagama'; kasaa' am rasul; karuo am nabi-nabi; katalu am mangingila'; am ilo ondo' mambaal ra kaimuagan, am niayuk ilo ondo' inanian ra kapandayan mamabas ra ulun, mangindangan ra ulun, maningganai ra ulun, kapoam mindagu ra nansalinut ragu imuagan.

1 KORINTUS 12:30

kapoam mamabas ra ulun, kapoam mindagu ra ragu imuagan, kapoam mambala' ra arati' ru ragu imuagan no.

1 KORINTUS 13:2

Kabalu' pana mapandai aku mampasaboi ra tanou intor ri Aki Kapuuno', kapoam makarati' ra katapatan ri Aki Kapuuno' ondo' kalo igondo' pinabala', am makapandai ra ngaangai' am poyo pangintapatan ku ri Aki Kapuuno' maikang kaga', saboi gunung no pana maalap ku pakabanding, kaa' amon kalo motogom aku ra ulun bokon, kolondo' noyo onong kuti.

2 KORINTUS 4:13

Tinulisan noyo ra Buuk Kitab, “Mindagu aku sabap ra mangintopot aku ri Aki Kapuuno'.” Akai pana makapangintapatan koson raginio, ginio nai ra akai makaindagu.

IPISUS 2:8

Sabap ra asi' ri Aki Kapuuno' noyo itakau binayag, ioginio sabap ra pangintapatan takau. Am kaayagan no sala' ka intor ra baal moonsoi takau, kaa' ginio taak intor ri Aki Kapuuno'.

IBRANI 11:33

Sabap ra pangintapatan noyo kinala nilo pagun-pagun ra bokon am namanang ilo. Nambaal ilo ra motopot am nokoowot ra atan ondo' binantu' ri Aki Kapuuno' risilo. Kinuasa' nilo singa' saboi kalo nansaam risilo.