1 KORINTUS 12:3 - Tanou Moonsoi Timugon

³ Musiti' kau makapandai ra ulun ondo' kinuasa' ru Ambiluo ri Aki Kapuuno' kalo makaindagu ra, “Kaluus i Jisus!” Koson niayuk ra kolondo' sangulun pana makaindagu ra, “I Jisus noyo Tuhan!” amon ru kalo kuasaan ulun no ru Ambiluo ri Aki Kapuuno'.

1 KORINTUS 12:3 ပူးပေါင်းရင်းမြစ်များ

MAZMUR 109:20

Iou Tuhan, pantula' kuno ukumi' koson raginio, ilo ondo' mangilaat raki'.

MATIUS 22:43

“Amon ru koson poyo raginio,” taam ri Jisus, “Kua Ambiluo ri Aki Kapuuno' nampaliman ri Daut ra mampiau Riso ‘Tuhan’? Sabap ra raja' Daut minindagu,

MARKUS 9:39

Kaa' indagu i Jisus, “Pai' min inggalari' io, sabap ra kolondo' sangulun pana mambaal ra kaimuagan ralalom ru inggalan Kuno am sangkinolor raginio magugulas io Raki'.

JUANIS 13:13

Mampiau kau Raki' ra Mangingila' am Tuhan. Motopot noyo pampiawan mino, sabap ra Aku no Mangingila' am Tuhan.

JUANIS 13:14

Amon ru Aku ti noyo Tuhan am Mangingila' min, nambagu' ra kalayam min, akau pana musiti' mambagu' ra kalayam ru rondo' am bokon.

JUANIS 15:26

Porotongon Ku ramuyun Mangingindangan intor ri Ama'. Io no Ambiluo ondo' mambala' ra katapatan ri Aki Kapuuno' am Io niayuk mampaintutun Raki' ramuyun.

RINALATAN 8:37

Indagu i Pilipus, “Mariu' tokou amon ru mangintopot kou toojo.” Taam io, “Mangintopot aku ra i Jisus Kristus i noyo Anak ri Aki Kapuuno'.”]

ROMA 10:9

Amon ru mangakun kau ra i Jisus noyo Tuhan am mangintopot toojo ra Io binayag saguli' ri Aki Kapuuno' intor ra kapatayan, bayagon kau.

ROMA 9:3

mangkara' ra pabukat-pabukat kuno, ioginio bansa' kuno galama'. Gama' ru makapangindangan aku risilo, amon ru kitaakon tumampos aku ukumin ri Aki Kapuuno' am patuliaron intor ri Kristus.

1 KORINTUS 16:22

Osoi ayuk kalo motogom ri Tuhan Jisus, ukumin io ri Aki Kapuuno'! Maranata, arati' no ‘O Tuhan mai, ratong no!’

1 KORINTUS 8:6

kaa' itakau mangintopot ra rondo' ayuk i Aki Kapuuno', i Ama' ondo' namangun ra ngaangai' no, am intor Riso itakau naayag. Am niayuk rondo' ayuk Tuhan takau, ioginio i Jisus Kristus. Ralalom inggalan Nano noyo ngaangai' no nasauk am intor Riso niayuk itakau naayag.

2 KORINTUS 11:4

Nailian takamin ra maluoi kau manguma' ra osoi ayuk matong mampabala' ra i Jisus, kaa' kalo mogondo' ra atan ondo' pinatanou maili. Mangapu kau niayuk ra ambiluo am tanou moonsoi ra bokon ondo' sala' ka toojo Ambiluo ri Aki Kapuuno' am Tanou Moonsoi ondo' inapu min noyo intor ramon.

2 KORINTUS 3:5

Kolondo' kon atan pana ramon ondo' mangiou ra akai maaya' mambaal ra kandoi ti. Kaa' pangiawan maino intor noyo ri Aki Kapuuno'.

GALATIA 3:13

Kaa' i Kristus nampalabus noyo ritakau intor ra usung ondo' kinibit ru Ukum ri Musa ti, ra Io nokoowot ra usung sabap ra itakau. Mokoondo' tinulisan ra Buuk Kitab ra, “Mapara' piboo usung ru ulun ondo' salipon ra tataun.”

SAGULION 21:23

am baangkai no kalo polosoon matair ra giu' no saboi ra suabon no. Baangkai no musiti' lobongon ra orou raginio niayuk, sabap baangkai ondo' polosoon matair ra lugu' maparatong ra ulas intor ri Aki Kapuuno' ra tana' raginio. Lobongo' noyo baangkai ru ulun no maa' raginio kalo jamalin min tana' ondo' pataakon ramuyun ru Tuhan i Aki Kapuuno' min.”

PINAINTALANG 1:10

Paat ra orou sumambayang ra Tuhan, Ambiluo ri Aki Kapuuno' nanguasa' raki'. Pokorongog aku boo ra rondo' bolos ondo' mosongou kaga', koson ra bolos ru bujung ra bakulung kuni.