1 KORINTUS 12:2 - Tanou Moonsoi Timugon

² Karaa' min paat ra akau kalo poyo nakaulig ra Tuhan, nakalayau kau siminamba ra sinungkalalaing ondo' kolondo' painawo.

1 KORINTUS 12:2 ပူးပေါင်းရင်းမြစ်များ

MAZMUR 115:5

Sinungkalalaing no makakabang kaa' kalo makaindagu, makamato kaa' kalo makakito,

MAZMUR 115:7

makakalindu' kaa' kalo makapuyai, makakalayam kaa' kalo makaugar; ngaangai' sinungkalalaing no kolondo' bolos.

MAZMUR 135:16

Sinungkalalaing no makakabang kaa' kalo makaindagu, makamato kaa' kalo makakito,

JISAYA 46:7

Sinungkalalaing no pinakuan am pinauli ra intok no, minigor io ra giu' no, kalo makabanding. Amon ru makiasi' ulun riso, kalo tumaam io, am kalo makapamayag ra ulun intor ra kapaganan nano.

JIRIMIA 10:5

Sinungkalalaing no koson ra inulun-ulun giu' ra umo ru baliburan; sinungkalalaing kalo mindagu; sinungkalalaing musiti' kakaton sabap ra kalo mugar. Pai' kalaa' ra sinungkalalaing; sinungkalalaing kalo mampajamar ramuyun, am kalo mamparatong ra moonsoi ramuyun.”

MATIUS 15:14

Pai' no kaimamang risilo. Ilo no tingganai ondo' noolou; am paat ra ulun bolou no mangitang ra ulun bolou, ilo karuo-ruo makasubol ra parit.”

1 KORINTUS 6:11

Ragili mokoondo' kukula' ngaulun intor ramuyun makapaliso koson raginio. Kaa' raino kinapasau kano intor ra tula min am nasauk kano ra ulun ri Aki Kapuuno' galama'. Pinobonsoi kano ri Aki Kapuuno' ralalom inggalan ru Tuhan takau, i Jisus Kristus, am poyo ra kuasa' ru Ambiluo ri Aki Kapuuno' takau.

GALATIA 4:8

Ra galing i, paat ra akau kalo poyo nakaulig ri Aki Kapuuno', akau inulipon ru riwato ondo' karaan ra tuhan, ondo' kuasa' nilo sala' ka intor ri Aki Kapuuno'.

1 TISALONIKA 1:9

Sabap ra ilo galama' mantunung boo ra ati kulaan nangapuan min ramon paat ra akai minongoi ramuyun gili. Mantunung ilo ati kulaan timinalikur kau intor ra sumamba ra sinungkalalaing, am mangandoi boo ri Aki Kapuuno' ondo' maayag am motopot.

TITUS 3:3

Itakau pana galama' ragili sasambungon, maanggal-anggal am makasala. Inulipon takau ru nansalinut kalaayan am kasagaan ru guang saboi kaayagan takali napanu' ra solon am ingot. Ulun nasisang ritakau am itakau pana galama' nasisang niayuk risilo.

1 PITRUS 1:18

Nakapandai kano ra logo ondo' binayaran nampalabus ramuyun intor ra kaulayan ra kolondo' onong ondo' sinugul min intor ra kinamatuaan min i. Pai' ru koson ra pirok kapoam mas ra maalap kalunsai no ondo' nakapampalabus ramuyun;

1 PITRUS 4:3

Paat ragili, kaayagan min koson niayuk ra ulun ondo' kalo poyo makaulig ra Tuhan. Kalo noyo moonsoi kiralan ru kaayagan min: Minaya' kau ra guang mansasawa', mangagauk, magiginum ra majanjayan saboi mokoondo' baal makauyuyu' masauk am poyo siminamba kau ra sinungkalalaing ondo' kasisangin ru Tuhan.