1 KORINTUS 11:7 - Tanou Moonsoi Timugon

⁷ Ungkuyon kalo pana marundung, sabap ra io inaru' mampakito ra baal am katulayan ri Aki Kapuuno'. Kaa' ruandu' inaru' mangurumat ra ungkuyon.

1 KORINTUS 11:7 ပူးပေါင်းရင်းမြစ်များ

1 KORINTUS 11:3

Kaa' masaga' aku ra akau makarati' ra i Kristus noyo maningganai ra moonong ungkuyon, ralaki maningganai ra andu', am i Aki Kapuuno' no maningganai ri Kristus.

MAZMUR 8:6

Sinauk Mu ilo saboi mamaar mogondo' Rirun galama'; pinasampak Mu ra ulu nilono katulayan am pangurumatan.

KASAUKAN 9:6

Ulun sinauk nogondo' ra baal Kuno; ginio ra osoi ayuk mamatoi ra ulun, io galama' niayuk potoyon ru ulun.

KASAUKAN 5:1

Gitio noyo papag ri Adam. (Paat ri Aki Kapuuno' napasauk ra ulun, sinauk No ilo koson Riso galama'.

KASAUKAN 3:16

Indagu Tuhan i Aki Kapuuno' ra ruandu' no, “Janjain Ku pagon paat okou maapang am niayuk maruol ra okou maganak. Kabalu' pana raginio, okou lakat ayuk poyo makaguang lumampit ra ralaki muno, kaa' kumuku' kou riso.”

JAKUBUS 3:9

Rila' takati noyo ondo' mongompor ra Tuhan, i Ama' takau, kaa' magasab niayuk poyo ra ulun, ondo' sinauk mansalu ri Aki Kapuuno' galama'.

AMSAL 12:4

Andu' ra moonsoi masauk ra kaansukan ru ralaki nano, kaa' andu' ra mapakauyu' ra ralaki nano koson ayuk ra maruol kinso ondo' mapasauk ra bungul mopopol.

1 KORINTUS 11:6

Sabap ra amon ru sangulun ruandu' marara' marundung, moonsoi abuk nano lomporon. Kaa' amon ru sangulun ruandu' bulutin kapoam lamparin abuk nano, ginio mampakauyu' riso. Ginio ra moonsoi marundung io.

2 KORINTUS 8:23

I Titus ti noyo rangan kuno mangandoi mangindangan ramuyun. Karuo-ruo ngaulun i poyo ondo' mamarangan riso, sinusub ilo ru pasimpungan ulun Kristian ragiti am mumbaya' risilo i Kristus urumaton.