1 KORINTUS 11:4 - Tanou Moonsoi Timugon

⁴ Amon ru sangulun ungkuyon marundung paat ra io makiasi' kapoam mampasaboi ra bala' intor ri Aki Kapuuno' giu' ra baloi sambayangan, arati' no kalo mangurumat io ri Kristus.

1 KORINTUS 11:4 ပူးပေါင်းရင်းမြစ်များ

2 SAMUIL 15:30

Kalo nangkasut i Daut, am nababaya' ra ngaangai' ulun minaya' riso no, nagaloi ilo ra Bulur Jaitun liliwa' mantangi' am ulu rinundung koson tatandu' mangiluk guang.

2 SAMUIL 19:4

Sinilian ru raja' bulos nano am nanulaboi ra mosongou, “Alii ra anak kuli! Anak kuli i Absalom! I Absalom, anak kuli!”

MIKA 7:6

Bulintok ragitio lalaing ungkuyon magasab ra ama' nilo; lalaing ruandu' manggal ra ina' nilo. Anak mangiwan ra ruandu' mansangor ra iwan ruandu' nilo. Pantula' ru sasangulun iono intor sasambaloi nilo galama'.

RINALATAN 13:1

Ralalom pasimpungan ulun Kristian ra Antiokia, mokoondo' kukula' ngaulun nabi am niayuk mangingila'. Ilo ti am i Barnabas, Simon ondo' sabiton ri Maitom, Lukius intor ra Kirini, i Minaim ondo' tinalanak nabaya' ra gabenor Irodis am niayuk i Saulus.

1 KORINTUS 11:14

Sala' kia ka maya' ra kaindalaman min, ungkuyon ondo' maawar abuk no makauyuyu' toojo.

1 KORINTUS 11:5

Amon ru sangulun ruandu' kalo marundung paat ra io makiasi' kapoam mampasaboi ra bala' intor ri Aki Kapuuno' giu' ra baloi sambayangan, arati' no kalo mangurumat io ra ralaki nano; ginio nogondo' ayuk boo ra sangulun ruandu' nambulut.

1 KORINTUS 12:10

Ambiluo raginio noyo mangani' ra sangulun ra kuasa' mambaal ra kaimuagan, am ulun ra bokon inanian no ra kapandayan mampasaboi ra bala' intor ri Aki Kapuuno'. Ulun ra bokon poyo inanian ru Ambiluo no ra kapandayan magilong ra ati ka rondo' intor ra Tuhan am ati sala'. Mokoondo' inanian ra kapandayan mindagu ra nansalinut ragu imuagan, am mokoondo' poyo inanian ra kapandayan mambala' ra arati' ru ragu imuagan no.

1 KORINTUS 12:28

Ralalom pasimpungan ulun Kristian, nangaru' i Aki Kapuuno' ritakau ra tayar sigagama'; kasaa' am rasul; karuo am nabi-nabi; katalu am mangingila'; am ilo ondo' mambaal ra kaimuagan, am niayuk ilo ondo' inanian ra kapandayan mamabas ra ulun, mangindangan ra ulun, maningganai ra ulun, kapoam mindagu ra nansalinut ragu imuagan.

1 KORINTUS 13:2

Kabalu' pana mapandai aku mampasaboi ra tanou intor ri Aki Kapuuno', kapoam makarati' ra katapatan ri Aki Kapuuno' ondo' kalo igondo' pinabala', am makapandai ra ngaangai' am poyo pangintapatan ku ri Aki Kapuuno' maikang kaga', saboi gunung no pana maalap ku pakabanding, kaa' amon kalo motogom aku ra ulun bokon, kolondo' noyo onong kuti.

1 TISALONIKA 5:20

Pai' kano pagasab ra pambalaan ondo' intor ra Ambiluo ri Aki Kapuuno'.