1 KORINTUS 11:32 - Tanou Moonsoi Timugon

³² Kaa' amon ru akimin takau pana ri Aki Kapuuno', ginio rondo' pangilaan no ayuk ritakau, maa' raginio kalo boo ukumin takau mabaya' ra ulun ru tana' ti.

1 KORINTUS 11:32 ပူးပေါင်းရင်းမြစ်များ

2 SAMUIL 7:14

Masauk Aku ra ama' nano am masauk io ra anak Kuno. Paat ra io mambaal ra sala, mangukum Aku riso koson ra sangulun ama' mangukum ra anak nano.

MAZMUR 118:18

Maagat pinangukum Nano raki', kaa' kalo polosoon No aku matoi.

JISAYA 1:5

Kua kia rayusi' min gumuor? Masaga' kau kia ukumin ra maagat poyo no? Alii ra Israil, ulu mino nototop noyo ra pipilat. Guang am pangkaraan mino marualan.

JIRIMIA 7:28

Balain mu ilo ra ilo noyo rondo' bansa' ondo' marara' gumagaya' Raki', Tuhan i Aki Kapuuno' nilo, am marara' ilo migila' intor ra ukuman ondo' pinatiu' risilo. Gagaya' nilo Raki' kolondo' noyo boo, inambai boo ra kalo boo tunungon.”

JIPANYA 3:2

Bandar no kalo mampalio ra bilin ru Tuhan, am kalo noyo boo mangapu ra pangilaan Nano. Bandar no kalo malansan ra Tuhan am kalo makiindangan Riso.

ROMA 3:19

Ginio ra raino mapandayan takau noyo ra ngaangai' ondo' tinulisan ra Ukum i, pasukuon risilo ondo' gumagaya' ra Ukum no. Kolondo' sasaban boo ru sangulun pana am ngaangai' ulun ru tana' ti maukum ri Aki Kapuuno'.

ROMA 5:16

Am taak ri Aki Kapuuno' no maayo kaga' sonor no intor ra sonor ru tula ru sangulun i. Rondo' tula no mangkinibit ra ngaangai' ulun akimin ra, “Makasala”, kaa' kalupus masuang tula binaal ru ulun, mampakito i Aki Kapuuno' ra kataawan Nano am mindagu risilo, “Kalo makasala”.

1 KORINTUS 1:20

Intor raginio, atan onong ru ulun mapintar? Atan onong ru ulun mapandai? Am atan poyo onong ru ulun ru tana' ti ondo' mapandai tumaam? Sabap ra i Aki Kapuuno' nampakito noyo ra kapintaran ru ulun ru tana' ti sotopot no sasambungon.

1 KORINTUS 1:21

Sumugut ra kapintaran Nano, nangaru' i Aki Kapuuno' ra osoi ayuk kalo makaulig Riso maya' ra kapintaran nano galama'. Kaa' Io no mamayag risilo ondo' mangintopot Riso minumbaya' ra tanou ondo' posoboyon maino, ondo' karaan ru ulun ru tana' ti ra ragu sasambungon.

1 KORINTUS 11:30

Ginio sabap ra masuang boo intor ramuyun marualan am malawo, am mokoondo' niayuk kukula' ngaulun minatoi.

1 KORINTUS 11:31

Kaa' amon ru mangimumui takau galing ra baal ru guang takau, kalo boo akimin takau ri Aki Kapuuno'.

1 KORINTUS 11:33

Ginio boo ra pabukat kau ngaangai', amon ru tumimung kau mangakan ra Pagakanan ru Tuhan, inaani' min galing ra makaratong ngaangai'.

SAGULION 8:5

Karaa' noyo Tuhan i Aki Kapuuno' min nansawai ramuyun nogondo' koson ra sangulun ama' nansawai ra anak-anak nano.

1 TIMOTIUS 1:20

Koson ragitio niayuk sauk ri Iminius am i Aliksandir. Ilo karuo ti pinakuasaan ku noyo ra tingganai ru riwato, maa' raginio malanggaan nilo boo magasab ri Aki Kapuuno'.

1 JUANIS 5:19

Nakapandai takau ra itakau ti intor ri Aki Kapuuno', kabalu' pana ngaangai' ulun ru tana' ti kinuasa' ru Tingganai ru riwato.

PINAINTALANG 3:19

Sawayon am patandaan ku ngaangai' ondo' tagamin Kuno. Sabap raginio, pirot no am talikur no intor ra tula mino.