1 KORINTUS 11:30 - Tanou Moonsoi Timugon

³⁰ Ginio sabap ra masuang boo intor ramuyun marualan am malawo, am mokoondo' niayuk kukula' ngaulun minatoi.

1 KORINTUS 11:30 ပူးပေါင်းရင်းမြစ်များ

KAINGKUALAN 15:26

Indagu Io, “Amon ru totopot kau gumagaya' Raki', Tuhan i Aki Kapuuno' mino, am mambaal ra ngaangai' atan ondo' motopot ra pagilayan Kuno, am niayuk sumugut ra ngaangai' susuban Kuno, kalo mangukum Aku ramuyun ra maruol ondo' pinatiu' Kuno ra ulun ru Misir. Aku noyo Tuhan ondo' mamabas ramuyun.”

AMOS 3:2

“Intor ra ngaangai' bansa' ra tana' ti, akau noyo rorondo' bansa' ondo' nauligan Kuno am alungin. Ginio sabap ra tula min maayo, am musiti' ukumin Takamin.”

UNTABAN 20:12

Kaa' nansawai Tuhan ri Musa am i Arun, am indagu, “Sabap ra kalo kula' kau mangintopot Raki' koson mapakito ra kuasa' Kuno ondo' matulai giu' ra saang ru ulun ru Israil, kalo matingganai min ulun no mongoi ra tana' ondo' binantu' Kuno risilo.”

UNTABAN 20:24

“Kalo mokoongoi i Arun giu' ra tana' ondo' binantu' Kuno ra ulun ru Israil. Matoi io sabap ra akau ruo kalo giminagaya' ra susuban Kuno giu' ra Miriba.

RINALATAN 13:36

Sabap ra sinugut noyo ri Daut ondo' nanusuban ri Aki Kapuuno' paat ra io naayag. Io pana patoi am linobong ra labangan ru kinamatuaan nano. Baangkai nali pana napasa'.

RINALATAN 7:60

Igulatur io am pompogolok poyo ra mosongou, “Tuhan, pai' polosoo' tula ti sumaboi risilo!” Paat ragili niayuk i Stipanus minatoi.

1 KORINTUS 11:29

Sabap ra amon ru ulun no mangakan ra ruti' no am manginum intor ra sangkir no am kalo makarati' ra pagakanan raginio makainamot ra inan ru Tuhan, ulun no ukumin ri Aki Kapuuno', sabap ra kalo mangurumat io raginio.

1 KORINTUS 11:31

Kaa' amon ru mangimumui takau galing ra baal ru guang takau, kalo boo akimin takau ri Aki Kapuuno'.

1 KORINTUS 11:32

Kaa' amon ru akimin takau pana ri Aki Kapuuno', ginio rondo' pangilaan no ayuk ritakau, maa' raginio kalo boo ukumin takau mabaya' ra ulun ru tana' ti.

1 KORINTUS 15:51

Rongogo', balain takamin ondo' kalo igondo' pinabala': Kalo ngaangai' takau matoi, kaa' pulali' kon ayuk itakau kulawon.

1 TISALONIKA 4:14

Mangintopot takau ri Jisus minatoi am naayag saguli'. Mangintopot takau niayuk ra bayagon saguli' ri Aki Kapuuno' ulun namagatoi ondo' nangintopot ri Jisus, koson masisimpung ilo Riso.

PINAINTALANG 3:19

Sawayon am patandaan ku ngaangai' ondo' tagamin Kuno. Sabap raginio, pirot no am talikur no intor ra tula mino.