1 KORINTUS 11:29 - Tanou Moonsoi Timugon

²⁹ Sabap ra amon ru ulun no mangakan ra ruti' no am manginum intor ra sangkir no am kalo makarati' ra pagakanan raginio makainamot ra inan ru Tuhan, ulun no ukumin ri Aki Kapuuno', sabap ra kalo mangurumat io raginio.

1 KORINTUS 11:29 ပူးပေါင်းရင်းမြစ်များ

1 KORINTUS 11:27

Ginio boo ra osoi ayuk mangakan ra ruti' ru Tuhan kapoam manginum ra sangkir ru Tuhan ra kalo mangurumat Riso, ulun no makatula, sabap ra kalo mampakaatang ra inan am raraa' ru Tuhan.

1 KORINTUS 11:30

Ginio sabap ra masuang boo intor ramuyun marualan am malawo, am mokoondo' niayuk kukula' ngaulun minatoi.

JAKUBUS 3:1

Pabukat kau ngai'! Moonsoi ru kalo niayuk masuang intor ramuyun makaguang masauk ra mangingila'. Sabap ra kalo kia nakapandai kau ra itakau ondo' mangila' ra bokon, maagat poyo paukumin ri Aki Kapuuno' ritakau.

IBRANI 5:14

Kaa' pangilaan malandom intor ri Aki Kapuuno' maratian ayuk ru ulun ondo' siminingkot ra pangintapatan, ginio mogondo' ra akanon ondo' sapaan ru ulun nasukor ayuk, ondo' nakaili' noyo am makaulig ra atan moonsoi am atan malaat.

1 KORINTUS 11:24

am pakaparingkuanangan Io ri Aki Kapuuno' raginio, pipilango' No ruti' i liliwa' minindagu, “Gitio noyo inan Kutu ondo' pataakin ramuyun. Akano' min gitio koson pangkaraan min Raki'.”

ROMA 13:2

Ginio nai ra osoi ayuk manggal ra parinta no, manggal io niayuk ra ondo' inaru' ri Aki Kapuuno'. Osoi mambaal raginio maukuman ri Aki Kapuuno'.

MAMPATANOU 8:5

Maayag kou ra sabuoi no amon mangintopot kou ra parinta ru raja', am ulun mapintar makapandai ra bulintok am ralan gumagaya' riso.

JAKUBUS 5:12

Kasaa' toojo, pabukat kau ngai', ioginio: Paat ra makimabantu', pai' kau pagibot koson manabit ra suruga', tana' ti kia, kapoam atan ayuk pana. “Iou” kamin ayuk, amon ru mabaal min, kapoam “Kalo” amon ru kalo mabaal min; maa' raginio kalo maukuman kau ri Aki Kapuuno'.

LUKAS 7:34

Ratong Anak ru Ulun, mangakan am manginum Io am kamin boo, ‘Ilai' ulun no! Moroot, gagaukon, kumubayau Io ra ulun mampalulur ra cukai am ulun ondo' karaan ra malaat.’

1 KORINTUS 11:28

Ginio ra moonong ulun musiti' galing mangimumui ra baal ru guang nano galama', bagu no makaakan ra ruti' am makainum intor ra sangkir no.