1 KORINTUS 11:25 - Tanou Moonsoi Timugon

²⁵ Nogondo' niayuk ra Io nopongo nangakan, alapo' No sangkir ru anggur am indagu, “Sangkir ti am nabantuan bagu ri Aki Kapuuno', ondo' saukon ru raraa' Kuno galama'. Moonong ra akau manginum raginio, baalo' min gitio koson pangkaraan min Raki'.”

1 KORINTUS 11:25 ပူးပေါင်းရင်းမြစ်များ

LUKAS 22:20

Koson niayuk raginii, kopongo ilo nangakan, pataako' No sangkir i risilo liliwa' minindagu, “Sangkir ragitio nabantuan bagu ri Aki Kapuuno', saukon ralalom ru raraa' Kuno, ondo' pasasaron ramuyun.

IBRANI 13:20

I Aki Kapuuno', ondo' puun ru pabansayan, namayag noyo saguli' ra Tuhan takau i Jisus intor ra kapatayan. I Jisus noyo koson ra Magagalung Maayo takau domba Nano. Pinatayan Nano noyo ondo' nangaru' Io ritakau ra nabantuan mantilayun.

2 KORINTUS 3:6

Io no napasauk ramon maaya' makapangandoi Riso ra Nabantuan Bagu no. Nabantuan no kalo boo inimpuun ra ukum tinulisan i, kaa' Ambiluo ri Aki Kapuuno'. Ukum ondo' tinulisan i mangkinibit ra kapatayan, kaa' Ambiluo ri Aki Kapuuno' manaak ra kaayagan.

1 KORINTUS 10:16

Paat ra itakau manginum ra anggur no, maringkuanang takau ri Aki Kapuuno'; paat ra itakau manginum no, makapagagapu takau ra raraa' ri Kristus. Nogondo' niayuk ra ruti' ondo' pipilangon takano ra itakau mangakan, makapagagapu takau ra inan ri Kristus.

2 KORINTUS 3:14

Kaa' koson risilo, kinotog nilo guang nilai no. Saboi ra orou raiti' guang nilai no lakat ayuk poyo nasilian paat ra ilo mambasa' ra kitab Nabantuan Lair no. Ginio maalap ayuk kairu' paat ra sasangulun no masimpung ri Kristus.

KAINGKUALAN 24:6

Inalap ri Musa sampiruo intor ra raraa' ru bibiag no am pasasaro' no ralalom ru mangkuk-mangkuk no, am sampiruo no poyo pinasasar no ra rasawat ru altar.

KAINGKUALAN 24:8

Alapo' boo ri Musa raraa' ralalom ru mangkuk-mangkuk no am pawaso' ra ulun no. Kono, “Gitio noyo raraa' ondo' mamiot ra nabantuan ru Tuhan am akau paat ra Io nangani' ra ngaangai' susuban ti.”

JIRIMIA 31:31

Indagu Tuhan, “Masaboi paat no ra mambaal Aku ra nabantuan ondo' bagu ra ulun ru Israil am Jiuda.

1 KORINTUS 11:24

am pakaparingkuanangan Io ri Aki Kapuuno' raginio, pipilango' No ruti' i liliwa' minindagu, “Gitio noyo inan Kutu ondo' pataakin ramuyun. Akano' min gitio koson pangkaraan min Raki'.”