1 KORINTUS 11:2 - Tanou Moonsoi Timugon

² Paringkuanangan ku ramuyun sabap ra masalok kau mangkara' ra nangilaan kuli ramuyun am gumagaya' kau niayuk.

1 KORINTUS 11:2 ပူးပေါင်းရင်းမြစ်များ

LUKAS 1:6

Kaayagan ru mansawo ti mapabansuk ra guang ri Aki Kapuuno'. Ilo karuruo gumagaya' toojo ra ngaangai' susuban am ukum ru Tuhan.

1 KORINTUS 11:17

Ugar ru sambayang mino sotopot no kalo magibit ra kasingkatan, kaa' kalaatan. Intor raginio kalo mokopongompor aku ramuyun.

1 KORINTUS 11:22

Kua guat? Kolondo' kia pagakanan am paginuman ra baloi min galama'? Kua pai' min urumato' ra pasimpungan ulun Kristian, am kua pampakauyu' poyo ra ulun musikin? Atan kia paraguon ku ramuyun? Omporon takamin kia? Kalo! Topot-topot kalo mokopongompor aku ramuyun.

1 KORINTUS 15:2

Amon ru mangintopot kau toojo ra Tanou Moonsoi ondo' pinasaboi kutu, ginio noyo mamayag ramuyun; ondo' ayuk amon ru kalo naratian min toojo.

1 KORINTUS 4:17

Ginio kuayan ra mompoongoi aku ri Timotius ramuyun. Koson sangulun Kristian, io ti anak kuno ondo' tagamin kuno am malansanan. Io mampakara' ramuyun ra ati kulaan kaayagan kuno koson ra sangulun ondo' mangintopot ri Kristus. Ginio noyo pangilaan kuno ra ngaangai' pasimpungan ulun Kristian ra ati ayuk intok.

1 KORINTUS 7:17

Kaayag kano sigagama' sumugut ra tinaakan ru Tuhan ramuyun, ioginio tayar ru kaayagan min paat ri Aki Kapuuno' nampiau ramuyun. Ginio noyo pangilaan kuno ra moonong pasimpungan ulun Kristian.

1 TISALONIKA 1:6

Timinilu kau ramon am niayuk ra Tuhan, am kabalu' pana naimbolo' kau toojo, inapu min niayuk bala' i mabaya' ra kaansukan ondo' tinaakan ru Ambiluo ri Aki Kapuuno'.

1 TISALONIKA 3:6

Raino siminaguli' noyo i Timotius am nagibit ra tanou moonsoi intor ra pangintapatan am togom mino. Nambala' io ramon ra masalok kau moondom ramon am masaga' kau tumuum ramon, mogondo' ra akai masaga' tumuum ramuyun.

2 TISALONIKA 2:15

Ginio sabap ra, pabukat kau ngai', pirot kano pangintopot am suguto' noyo pangilaan maili ramuyun, iou pana ondo' rinagu kapoam tinulisan mai ra surat.

2 TISALONIKA 3:6

Pabukat ku ngai', ralalom inggalan ru Tuhan Jisus Kristus, manusub akai ra inggalur kano ra ulun Kristian ondo' mangatiar, koson kalo maya' ra pangilaan ondo' pinaatak maili risilo.