1 KORINTUS 11:17 - Tanou Moonsoi Timugon

¹⁷ Ugar ru sambayang mino sotopot no kalo magibit ra kasingkatan, kaa' kalaatan. Intor raginio kalo mokopongompor aku ramuyun.

1 KORINTUS 11:17 ပူးပေါင်းရင်းမြစ်များ

1 PITRUS 2:14

kapoam gabenor-gabenor ondo' sinusub mangukum ra ulun ondo' mambaal ra malaat am niayuk mangurumat ra ulun ondo' mambaal ra moonsoi.

IBRANI 10:25

Pai' takano impayi' mantitimung koson ra kaindalaman ru santayaran ulun. Pampakara' takano ra rondo' am bokon intor ra baal raginio, sabap ra mapandayan takau noyo ra kalo boo mabuoi ratangan saguli' ru Tuhan.

1 KORINTUS 14:23

Amon ru paat ra pasimpungan ulun Kristian, ngaangai' makiasi' mindagu ra ragu imuagan, am ratong boo kukula' ngaulun ra bokon kapoam ulun ondo' sala' ka Kristian, maaru' ulun raginilo mindagu ra akau ngaangai' ti mantuyang.

1 KORINTUS 11:22

Kua guat? Kolondo' kia pagakanan am paginuman ra baloi min galama'? Kua pai' min urumato' ra pasimpungan ulun Kristian, am kua pampakauyu' poyo ra ulun musikin? Atan kia paraguon ku ramuyun? Omporon takamin kia? Kalo! Topot-topot kalo mokopongompor aku ramuyun.

1 KORINTUS 14:26

Pabukat kau ngaangai', kon kutu am paat ra akau tumimung sumambayang, mokoondo' marimbai, mokoondo' mangila' am niayuk mampasaboi ra bala' intor ri Aki Kapuuno'. Mokoondo' poyo mindagu ra ragu imuagan am mokoondo' mambala' ra arati' ru ragu raginio. Kaa' ngaangai' ti musiti' mangindangan ra pasimpungan ulun Kristian.

1 KORINTUS 11:2

Paringkuanangan ku ramuyun sabap ra masalok kau mangkara' ra nangilaan kuli ramuyun am gumagaya' kau niayuk.

IMAMAT 19:17

“Pai' kalikokot ra osoi pana. Salasayo' noyo pansangaran muno riso, maa' raginio kolondo' tula muno sabap ra ulun no.

1 KORINTUS 11:34

Osoi maitilan, musiti' io mangakan galing giu' ra baloi, maa' raginio kalo ukumin kau ri Aki Kapuuno' sabap ra pasimpungan mino. Ondo' kapaganan ra bokon, balain takamin ayuk paat ra aku sumaguli' poyo ramuyun.

1 KORINTUS 11:20

Am poyo ra akau masisimpung, sotopot no sala' ka pagakanan ru Tuhan ondo' paugaron min.

AMSAL 27:5

Moonsoi poyo sailon ragu ra mansawai ka togom ra masibuni.

ROMA 13:3

Ulun ondo' mambaal ra moonsoi kalo pana malaa' ra parinta, kaa' ilo ondo' mambaal ra malaat no. Amon ru kalo masaga' kau malaa' ra parinta, pambaal kano ra moonsoi, am intor raginio omporon kau boo.