1 KORINTUS 11:16 - Tanou Moonsoi Timugon

¹⁶ Amon ru mokoondo' magagansang raginio, ginii ayuk susuban intor ramon am niayuk intor ra pasimpungan ulun Kristian ra bokon koson ra aturan ra sumambayang.

1 KORINTUS 11:16 ပူးပေါင်းရင်းမြစ်များ

JIRIMIA 32:11

Kopongo raginio inalap ku surat pambalian no, ondo' sinaapan am mokoondo' ra bantu' am inaru', am inalap ku niayuk rinalin ru surat ondo' kalo sinaapan.

RINALATAN 21:21

Kaa' nokorongog ilo ra okou kunu' mangila' ra ngaangai' ulun ru Jaudi ondo' mayan ra bansa' ru bokon i, maa' raginio kalo boo pana maya' ra Ukum ri Musa. Kamu poyo ra kalo pana sunatin anak nilono kapoam suguton kaulayan ru ulun ru Jaudi.

RINALATAN 21:24

Moonsoi ru maya' kou risilo mampaugar ra kaulayan pangimpasawan am mamalanja' kou risilo, am mabulutan ilo. Gitio noyo mampatutun ra ulun ra atan ondo' naining nilo intor rirun i kalo motopot. Sabap ra okou galama' pana gumagaya' ra Ukum ri Musa.

1 KORINTUS 11:15

Kaa' abuk maawar tinaakan noyo ra ruandu' koson pananaub ra ulu nilono, am ginio rondo' kaansukan nilai.

1 KORINTUS 16:1

Raino, intor ra ruit paindanganon min ra ulun ri Aki Kapuuno' giu' ra Judia. Bayaa' min ayuk atan ondo' nanusuban kuno ra pasimpungan ulun Kristian giu' ra pagun Galatia.

1 KORINTUS 4:5

Ginio ra pai' kau pangakim ra osoi ayuk pana ru kalo poyo masaboi paat ra orou inaru' no. Pangukuman ra pupus inaanin takau saboi Tuhan matong saguli'. Io noyo mambala' ra ngaangai' ondo' nakasibuni ra kalandaman, am mapaingkual ra ngaangai' suang ru guang ru ulun. Paat raginio bagu no moonong ulun mangapu ra ompor intor ri Aki Kapuuno' sumugut ra binaal nilono sigagama'.

1 KORINTUS 7:17

Kaayag kano sigagama' sumugut ra tinaakan ru Tuhan ramuyun, ioginio tayar ru kaayagan min paat ri Aki Kapuuno' nampiau ramuyun. Ginio noyo pangilaan kuno ra moonong pasimpungan ulun Kristian.

1 KORINTUS 9:1

Kalo boo uliponon aku ru kaulayan ru Jaudi. Aku ti sangulun rasul. Nakakito aku no toojo ri Jisus, Tuhan takau am akau no ampos ru kandoi kuli.

1 KORINTUS 9:6

Kapoam akai ruo ri Barnabas ayuk kia musiti' maguyum ra kaukapan ru akanon mai galama'?

1 TISALONIKA 2:14

Pabukat ku ngai', akau pana nakaliman ra atan ondo' nasauk ra pasimpungan ulun Kristian giu' ra Judia, ioginio ilo ondo' nangintopot ri Jisus Kristus. Kaimbalaan ondo' malimanan min ti intor ra bansa' min galama', mogondo' niayuk ra sauk ru ulun Kristian ru Judia ra ilo inimbolo' ru ulun ru Jaudi.