1 KORINTUS 10:4 - Tanou Moonsoi Timugon

⁴ Am niayuk nanginum ilo ra inumon ondo' pinaingkual ri Aki Kapuuno' intor ra batu ondo' namaya' risilo; sotopot no batu i Kristus galama'.

1 KORINTUS 10:4 ပူးပေါင်းရင်းမြစ်များ

KASAUKAN 40:12

Indagu i Jusup, “Gitio arati' no: Talu nganraan i talu ngoorou.

KASAUKAN 41:26

Tulu' ngainan sapi' mongolomok no tulu' ngambilor. Tulu' ngaumi gandum ra makaumas no tulu' ngambilor niayuk. Arati' nano nogondo'.

MAZMUR 105:41

Bulur batu linapak No, am timug tumampusis mingkual, am tumuluk koson ra sungoi giu' ra tana' kaagisan.

MAZMUR 78:15

Linapak No bulur batu giu' ra tana' kaagisan, am painumon No ilo ra timug intor ra lumuab-luab.

MAZMUR 78:20

Motopot noyo ra i Aki Kapuuno' napalapak ra bulur batu, am timug no maaug koson kinaaug ru sungoi; kaa' mapaakan Io nua' ritakau ra ruti', am manaak ra kual ra ulun Nano?”

KAINGKUALAN 17:6

Migor Aku ra saang mino rasawat ru rondo' batu maayo giu' ra Gunung Sinai. Lambaa' batu no, am mingkual timug ra inumon ru ulun.” Baalo' ri Musa ginio ra saang ru tingganai ulun ru Israil no.

JISAYA 43:20

Tambiag ra masigo pana mangurumat Raki', taani am susuit unta mongompor Raki' bulintok ra Aku mampatilis ra timug ru sungoi-sungoi boborok no giu' ra tana' kaagisan, koson mapainum ra ulun pinili' Kuno.

JISAYA 48:21

Bulintok ra Tuhan maningganai ra ulun Nano mugar ra tana' kaagisan, kalo paason ilo. Paingkualon No timug intor ra bulur batu no risilo; lapakon No bulur batu, am timug pana tumampusis.

DANIL 2:38

Nampasauk Io rirun ra panguasa' ra titikop tayar ru tana' ondo' mokoondo' ra mamagun, am poyo panguasa' ra bibiag am susuit no niayuk. Okou no ulu ondo' binaal intor ra mas no.

DANIL 7:17

Kon ru ulun no, “Apat bibiag ondo' maayo no iono apat pamarintaan ondo' sumalula' ra tana' ti.

UNTABAN 20:11

Kakato' boo ri Musa jujuga' no am palambaa' induo ra bulur batu no. Miningkual timug bubuluak saboi ngaangai' ulun am bibiag tinambiag nilono nakainum.

JUANIS 4:10

Taam i Jisus, “Amon ru nakapandai kou ra taak ri Aki Kapuuno' am osoi makitaak rirun ra inumon, maaru' makitaak kou po Riso am mangani' Io rirun ra timug ondo' mampakaayag.”

JUANIS 4:14

kaa' osoi ayuk manginum ra timug ondo' taakin Kuno, ulun no kalo igondo' boo paason. Sabap ra timug ondo' taakin Kuno koson ra taur bubuluak ondo' mangani' ra kaayagan motopot am mantilayun.”

JUANIS 7:37

Paat ra orou kaampusan ru pangiantakan i, ioginio orou maatang toojo, bigor i Jisus am indagu ra mosongou, “Osoi ayuk paason, polosoo' io no matong Raki' am manginum.

GALATIA 4:25

Ginio boo ri Agar ti noyo nogondo' ra Gunung Sinai giu' ra pagun ru Arab am mogondo' io niayuk ra bandar Jirusalim ra raino ti ondo' ngaangai' mamagun nano nasauk ra ulipon ilo ngai'.

SAGULION 9:21

Inalap ku kuliamos jajajou ondo' binaal min noyo, iono sapi' intor ra logam, am pinatiran ginio ralalom ru apui. Kopongo raginio pinilang-pilang am inumok ku nasauk ra kaau, am pinatiran ralalom ru sungoi ondo' timinilis intor ra gunung no.

KOLOSI 2:17

Ngaangai' aturan no kalo boo pana suguton takau sabap ra nakasimpung takano ri Kristus.

IBRANI 10:1

Ukum ri Musa no koson ra babara' ayuk ru baal giu' ra suruga', kapoam asilan ayuk ru barakat moonsoi ondo' matong ra tauli no. Gumagaya' ra ukum raginio kalo makapangindangan ra ulun ondo' matong ri Aki Kapuuno' masauk ra matanda', kabalu' pana moonong bilor ruli'-ruli' ilo magibit ra taak simbalui.

PINAINTALANG 22:17

Ambiluo ri Aki Kapuuno' am Ruandu' Uoton ru Anak Domba mindagu, “Ibok no.” Moonong ulun ondo' mangining ragitio musiti' mindagu, “Ibok no.” Osoi ayuk pinaason am osoi ayuk masaga', ibok am apuo' noyo timug ondo' mampakaayag ra kalo kilagain.