1 KORINTUS 10:23 - Tanou Moonsoi Timugon

²³ Mokoondo' ulun mindagu ra, “Atan ayuk kasagaan takau, ginio baalon takau.” Motopot, kaa' sala' ka ngaangai' kasagaan takau mokoonong. “Atan ayuk kasagaan takau, ginio baalon takau.” Motopot, kaa' sala' ka ngaangai' kasagaan takau mapasingkot ra kaayagan takau.

1 KORINTUS 10:23 ပူးပေါင်းရင်းမြစ်များ

1 KORINTUS 6:12

Mokoondo' ulun mindagu ra, “Kolondo' boo mokopongompong raki' mambaal ra atan ayuk kasagaan ru guang kuno.” Ginio motopot: Kaa' sala' ka ngaangai' no moonsoi rirun. Aku pana makatilu mindagu ra, “Kolondo' boo mokopongompong raki' mambaal ra atan ayuk kasagaan ru guang kuno.” Kaa' kalo masaga' aku ra atan ayuk pana mangulipon raki'.

1 KORINTUS 8:9

Kaa' ilalai'! Pai' polosoo' kaluagan mino mambaal ra atan-atan mangkinibit ra ulun malawo pangintapatan mambaal poyo ra tula.

IPISUS 4:29

Paat ra akau makimansunur, pai' raguo' ondo' makaruol ra guang. Indagu ayuk ra mokoonong, koson ra ragu mangila' am mangindangan, maa' raginio ondo' sinunur mino magibit ra kaansayan ra ulun ondo' mangkirongog.

1 TISALONIKA 5:11

Ginio ra kaikango' am pangindangan kano ra rondo' am bokon mogondo' ra baalon min raino ti.

ROMA 14:15

Ginio ra amon ru mampakasinduol kou ra pabukat Kristian muno sabap ra atan ondo' akanon muno, ginio kalo boo inimpuun ra togom. Pai' noyo pompoloso ra atan ondo' akanon muno mangkinibit ra sasangulun lumugut, sabap ri Kristus minatoi noyo koson mamayag riso.

1 KORINTUS 14:17

Kabalu' pana kiasi' paringkuanangan mino moonsoi toojo, kaa' ginio kolondo' onong ra ulun bokon.

1 KORINTUS 14:26

Pabukat kau ngaangai', kon kutu am paat ra akau tumimung sumambayang, mokoondo' marimbai, mokoondo' mangila' am niayuk mampasaboi ra bala' intor ri Aki Kapuuno'. Mokoondo' poyo mindagu ra ragu imuagan am mokoondo' mambala' ra arati' ru ragu raginio. Kaa' ngaangai' ti musiti' mangindangan ra pasimpungan ulun Kristian.

1 TIMOTIUS 1:4

Balai' ilo ra kalo babaya' ra tutunungon kapoam intaran ru tuu'-lair ondo' kolondo' pupupus no. Ngaangai' ragitio mangkinibit ayuk ra pansasangaran am kalo mampaintutun ritakau ra inatang ri Aki Kapuuno' ondo' mauligan mimpuun ra pangintapatan takau ayuk.

1 KORINTUS 14:12

Makapandai aku ra mompogogot kau ra kapandayan intor ra Ambiluo ri Aki Kapuuno' no. Kaa' ondo' maatang toojo, musiti' mompogogot kau ra kapandayan ondo' mampaikang ra pasimpungan ulun Kristian.

1 KORINTUS 8:1

Raino manaam aku ra pangkuatan min poyo ra bokon intor ra akanon ondo' pinampakan ra sinungkalalaing. Motopot ragu ru ulun ra, “Itakau ngaangai' makakapandayan.” Kaa' kapandayan no mangkinibit ra ulun masauk masumbung; kaa' togom mompokoonsoi ra paliso ru ulun.

2 KORINTUS 12:19

Pabukat ondo' tagamin ku, indoson min lair ra buoi ti nagisaung akai ramuyun. Makapandai i Aki Kapuuno' ra ngaangai' ondo' rinagu mai gumagaya' niayuk ra kasagaan ri Kristus, am ngaangai' ondo' binaal mai koson mampasingkot ramuyun.