1 KORINTUS 10:22 - Tanou Moonsoi Timugon

²² Kapoam masaga' takau kia mapasinduol ra guang ru Tuhan? Itakau ti kia maayo kuasa' intor ra Tuhan?

1 KORINTUS 10:22 ပူးပေါင်းရင်းမြစ်များ

1 RAJA'-RAJA' 14:22

Mamagun ru Jiuda makatula ra Tuhan. Binaal nilono napatabual poyo ra sangit ru Tuhan intor ra ngaangai' binaal ru kinamatuaan nilai.

AYUP 9:4

Mapintar kaga' i Aki Kapuuno' am makakuasa' saboi kolondo' sangulun pana makaanggal Riso.

MAZMUR 78:58

Napasangit ilo ri Aki Kapuuno' ra nambaal ra intok sambayangan ra sinungkalalaing, am napasangit Riso ra ngaangai' sinungkalalaing nilono.

KAINGKUALAN 20:5

Pai' samba ra sinungkalalaing ru atan pana, sabap ra Aku noyo Tuhan i Aki Kapuuno' min, am kalo masaga' Aku pogondoon ra atan pana. Ukumin Ku ulun masisang Raki'. Ukumin Ku niayuk papag nilo polos ra papag ra katalu am kaapat.

KAINGKUALAN 34:14

“Pai' samba ra tuhan-tuhan ra bokon, sabap ra Aku, Tuhan kalo masaga' pogondoon ra atan pana.

MAMPATANOU 6:10

Ngaangai' ondo' nasauk inaru' noyo intor ra galing i, am nakapandai takau ra ngaangai' ulun kalo makagula' ra ulun ondo' makakuasa' poyo.

JISAYA 45:9

Aibui boo ra ulun ondo' minansang ri Namangun nano; ulun no koson ra paliuk ondo' manggal ra ulun nambaal no. Nangkuot kia tana' lia' no ra ulun manukang ra paliuk, “Atan binaal muno?” Makaindagu kia paliuk no ra ulun nambaal riso no kalo matuyu'?

JIRIMIA 44:8

Kua pasingkualo' min sangit Kuno ra siminamba ra sinungkalalaing am nampataak ra taak simbalui ra dewa giu' ra Misir, intok inayanan min raino? Binaal min kia ginio koson mamuso kau ra inan min galama', saboi ngaangai' bansa' ra tana' ti magasab ramuyun am mamakai ra inggalan min koson ra pagulasan?

JIRIMIA 7:19

Kaa' sotopot no, pai' ru Aku rinuol nilo, kaa' inan nilo galama' saboi ra tinauyu' ilo.

YEHEZKIEL 22:14

Lakat poyo kia baani kau kapoam lakat poyo kia maikang kau mangakat ra kalindu' min malupus ra Aku mangukum ramuyun? Aku, Tuhan minindagu noyo am mambaal Aku ra atan ondo' rinagu Ku noyo.

JIPANYA 1:18

Paat ra orou raginio, manulu' Tuhan ra sangit Nano, am ngaangai' mas am pirok kalo makapamayag risilo. Titikop ru tana' ti mapuso ru apui ru sangit Nano. Ra mamulali', butuson No painawo ru ngaangai' ulun ondo' minayan ra tana' ti.

SAGULION 32:16

Sumamba ilo ra sinungkalalaing, am nomposolon ra Tuhan, nambaal ilo ra kalaatan, am napasangit Riso.

SAGULION 32:21

Mangkinibit ilo Raki' mangusolon ra ondo' sala' ka Aki Kapuuno', am sumangit ra sinungkalalaing nilo. Ginio ra mangkinibit Aku risilo sumangit ra ondo' sala' ka bansa'. Mangkinibit Aku risilo mangusolon ra bansa' ondo' sasambungon.

SAGULION 4:24

sabap Tuhan i Aki Kapuuno' mino koson ra apui ondo' mangumpo. Kalo masaga' Io pogondoon ra atan pana.

SAGULION 6:15

Amon ru sumamba kau ra tuhan-tuhan ra bokon, sumangit Tuhan no ramuyun. Sangit Nano koson ra apui, am pusoon kau lingono', sabap ra Tuhan i Aki Kapuuno' min ondo' soroi ra tatanga' mino, kalo masaga' pogondoon ra atan pana.

IBRANI 10:31

Aibui boo risilo ondo' akimin ri Aki Kapuuno' ondo' maayag no!

JOSUA 24:19

I Josua pana mindagu ra ulun raginio, “Kaa' maaru' lair kalo mokoorot kau mangandoi ayuk ra Tuhan. Io i Aki Kapuuno' ondo' matulai, am kalo mangampun Io ra tula min. Kalo masaga' Io makasalanan.