1 KORINTUS 10:17 - Tanou Moonsoi Timugon

¹⁷ Sabap ra rondo' ayuk ruti' no, itakau pana masauk ra rondo' inan, kabalu' pana itakau masuang, sabap ra itakau ngaangai' makapagagapu ra rondo' ruti'.

1 KORINTUS 10:17 ပူးပေါင်းရင်းမြစ်များ

ROMA 12:5

Koson niayuk ra itakau ulun, kabalu' pana masuang, kaa' itakau rondo' ayuk ralalom pasimpungan takau ri Kristus. Masisimpung takau ra rondo' am bokon koson ra tayar masimpung ra rondo' inan.

KOLOSI 3:15

Pobobonsoi kano ra rondo' am bokon ralalom ra pasimpungan ulun Kristian, maya' ra pabansayan ondo' tinaakan ri Kristus ramuyun, sabap ra gitio noyo pampiawan ri Aki Kapuuno' ramuyun. Kasalok kano maringkuanang.

1 KORINTUS 12:27

Akau ngaangai' ti inan ri Kristus am moonong akau niayuk tayar poyo ru inan Nano.

1 KORINTUS 12:12

Itakau ondo' mangintopot ri Kristus mogondo' ra inan ru ulun; inan no rondo' ayuk, kaa' masuang tayar. Kabalu' pana masuang tayar, kaa' rondo' ayuk inan no.

IPISUS 4:25

Pai' kano boo pagabau! Musiti' kau mindagu ra motopot ra rondo' am bokon, sabap ra itakau ngaangai' ti makatayar noyo ra inan ri Kristus.

IPISUS 4:16

Maya' ra paningganayan Nano, moonong tayar ru inan mokoondo' noyo ra intok sigagama', am inan no matunggul toojo ru parangaban. Amon ru moonong tayar ti mambaal ra kandoi nano galama', ulun no sumukor boo, koson maikang takau boo ralalom ru togom.

IPISUS 4:4

Rondo' ayuk inan am rondo' ayuk Ambiluo ri Aki Kapuuno', mogondo' niayuk ra rondo' kalansanan mino ra akau piniau ri Aki Kapuuno'.

KOLOSI 3:11

Koson boo raginio, kalo boo maatang mangkara' osoi ulun ru Jaudi kapoam osoi sala' ka ulun ru Jaudi; osoi nasunatan kapoam kalo; osoi bansa' ra bokon kapoam osoi bansa' ra kolondo' guang; am poyo osoi ulipon kapoam kalo. Kaa' ondo' maatang am i Kristus, sabap ra Io puun ru ngaangai' no am sumimpung Io ra ngaangai'.

IPISUS 3:6

Gitio io ti: Sabap ra Tanou Moonsoi no, ulun sala' ka Jaudi pana mokoowot ra barakat ri Aki Kapuuno' mabaya' ra ulun ru Jaudi. Ilo karuo ti masauk koson ra rondo' inan, koson ulun sala' ka Jaudi pana mokoowot ondo' binantu' ri Aki Kapuuno' mansail ra pasimpungan nilo ri Jisus Kristus.

KOLOSI 2:19

Ilo kalo boo mampaguut ra pangilaan motopot ra osoi i Kristus. I Kristus noyo ondo' maningganai ra inan, ioginio pasimpungan ulun Kristian, am maya' ra paningganayan nano, ilo pogondoon guang am mulu' poyo kaayagan nilo tumilu ra kasagaan ri Aki Kapuuno'. Gitio mogondo' ra inan takati ondo' tingganayon ru ulu am pasimpungon ru parangaban, tumuu'.

1 KORINTUS 10:21

Pai' kau panginum ra anggur intor ra sangkir ru Tuhan am niayuk manginum poyo ra atan ondo' nakapakan ra riwato no. Nogondo' niayuk ra akau pai' pangapu ra inan ri Kristus am niayuk mangakan poyo ra ondo' nakapakan ra riwato no.