1 KORINTUS 10:16 - Tanou Moonsoi Timugon

¹⁶ Paat ra itakau manginum ra anggur no, maringkuanang takau ri Aki Kapuuno'; paat ra itakau manginum no, makapagagapu takau ra raraa' ri Kristus. Nogondo' niayuk ra ruti' ondo' pipilangon takano ra itakau mangakan, makapagagapu takau ra inan ri Kristus.

1 KORINTUS 10:16 ပူးပေါင်းရင်းမြစ်များ

LUKAS 22:17

Kopongo ragili alapo' boo ri Jisus sangkir, paringkuanang Io ri Aki Kapuuno', am indagu, “Alapo' min gitio, am sonongo' min tatayaro'.

RINALATAN 2:42

Mapirot toojo ilo migigila' intor ra rasul-rasul. Nakipabukat ilo ra rondo' am bokon, magugulung mangakan am mababaya' makiasi' ri Aki Kapuuno'.

RINALATAN 2:46

Ginio ra moonong orou tumimung ilo ra Baloi Tuhan, am mabaya' ra bansuk am guang minggana' masalok ilo magugulung mangakan giu' ra baloi nilai.

RINALATAN 20:11

Pagaloi boo saguli' i Paulus am pantayar io ra ruti' am pangakan ilo boo. Minindagu io ra ulun-ulun no saboi natawangan, am ugar io boo.

RINALATAN 20:7

Paat ra orou koonom ra iorondom, timinimung akai mangakan mababaya' ra pabukat Kristian no. Nangila' i Paulus ra ulun ra giu' no, sabap ra mugar io no ra suabon. Kalo liminonggo' io saboi tanga' ru rondom.

1 KORINTUS 1:9

I Aki Kapuuno' no kalansanin toojo. Io no ondo' nampiau ramuyun koson masimpung ra Anak Nano, i Jisus Kristus, Tuhan takau.

1 KORINTUS 10:15

Mindagu aku toojo ramuyun koson ra akau ti ulun matanda'. Guango' min noyo galama' rinagu kutu.

1 KORINTUS 12:13

Koson niayuk ritakau ngaangai': ulun ru Jaudi kapoam sala' ka Jaudi, ulipon kapoam sala' ka ulipon; riniu' takau ngaangai' masauk ra rondo' inan ri Kristus ralalom ru Ambiluo ri Aki Kapuuno'. Itakau ngaangai' inanian ra Ambiluo raginio ondo' rondo' ayuk.

IBRANI 3:14

Itakau ngai' rangan mangangandoi noyo ri Kristus amon ru mirot takau pampaguut ra pangintapatan saboi ra orou pupus, mogondo' ra talimpuun i.

1 JUANIS 1:3

Atan ondo' nakito am norongog mai, ginio niayuk pabalaan mai ramuyun. Maa' raginio makaaya' kau ramon ra kaayagan moonsoi, masisimpung ri Ama' am Anak Nano, i Jisus Kristus.

1 JUANIS 1:7

Kaa' amon ru maayag takau ralalom ru binusasal ru sinda, koson ri Aki Kapuuno' soroi ralalom ru binusasal no, moonsoi kaayagan takau ra rondo' am bokon. Am sabap ra raraa' ri Jisus, Anak Nano, pinasasar, mampakapasau Io ritakau intor ra ngaangai' tula.