1 KORINTUS 10:1 - Tanou Moonsoi Timugon

¹ Pabukat kau ngaangai', masaga' aku mampakara' ramuyun ra ondo' nasauk ra kinamatuaan takali paat ra nangkiralanan nilai mabaya' ri Musa. Ngaangai' nilo kinulumput ru gaun am namuntana' liminaup ra Raat Malia' i.

1 KORINTUS 10:1 ပူးပေါင်းရင်းမြစ်များ

NIGIMIA 9:19

Kaa' kalo nangiruan Kou risilo giu' ra tana' kaagisan, sabap ra asi' Muno maayo kaga'! Kalo inalap Mu saguli' lugu' ru gaun kapoam lugu' ru apui ondo' nanulu' risilo ra ralan ra matawang am molondom.

MAZMUR 105:39

Biningkal ri Aki Kapuuno' gaun koson manindung ra ulun Nano, am nangani' ra apui koson maninda bulintok molondom.

MAZMUR 66:6

Kulawon No raat masauk ra tana' mapua', am kinamatuaan maili nantana' ra liminaup. Giu' no maansukan akai sabap ra binaal Nano.

MAZMUR 78:53

Kalinuos No ayuk mangitang risilo saboi ilo kalo malaa', kaa pantula' nilono nolosor ra raat am minatoi.

KAINGKUALAN 14:29

Kaa' ulun ru Israil nansail ra raat ralimbou ru tana' ondo' mapua', liliwa' timug tampilon pamiris am kait nasauk ra rinding masawat ru timug.

KAINGKUALAN 40:34

Kopongo raginio tuun boo gaun manili ra Kim ru Tuhan, am natikop Kim no ra sinda ratangan ru Tuhan.

UNTABAN 14:14

mambala' ilo ra baal raginio ra mamagun ru tana' ragitio, am nokorongog ilo noyo ra Okou, Tuhan, mabaya' ramon. Naining nilo ra minintalang Kou paat ra muog gaun Muno ra rasawat mai, am ra mugar Kou giu' ra saang mai ralalom lugu' ru gaun paat ra matawang, am ralalom lugu' ru apui paat ra rondom.

UNTABAN 33:8

Intor ra Pi-Agirot liminaup ilo ra Raat Galaga: am umpos ra tana' kaagisan Itam. Kopongo talu ngoorou pangkiralanan, nangkim ilo giu' ra Mara.

JUANIS 4:20

Kinamatuaan maili siminamba ri Aki Kapuuno' ra bulur ti, kaa' akau ulun ru Jaudi mindagu ra giu' ra bandar Jirusalim ayuk intok sumamba ri Aki Kapuuno'.”

ROMA 1:13

Pabukat kau ngaangai', masaga' aku makapandai kau ra ingkula' noyo aku pangatang mongoi ramuyun, kaa' masalok mokoondo' ayuk mongompong raki'. Moogot aku magibit ra ulun ra intok mino mangintopot ri Kristus, mogondo' ra ulun sala' ka Jaudi ra intok ra bokon.

ROMA 11:21

Sabap ra amon ru i Aki Kapuuno' kalo nakaasi' ra ulun ru Jaudi ondo' koson ra raan kopoyo inindaanan Nali, mulu' poyo kalo makaasi' Io ramuyun.

ROMA 4:11

Tauli i sinunatan io, am sunat ti tatandu' ra apuon io ri Aki Kapuuno' koson ra sangulun ondo' mobonsoi saguli' Riso sabap ra pangintapatan nali. Intor raginio io no koson ra ama' ru ngaangai' ulun ondo' mangintopot, am ondo' inapu koson ulun ondo' mobonsoi saguli' ri Aki Kapuuno', kabalu' pana kalo sinunatan ilo.

1 KORINTUS 12:1

Raino mambala' aku ati kulaan taak intor ra Ambiluo ri Aki Kapuuno'. Pabukat kau ngaangai', masaga' aku ra akau makatutun toojo ra atan sotopot no taak raginio.

1 KORINTUS 14:38

Kaa' amon ru kalo mampalio io ragitio, io pana pai' min lioo'.

GALATIA 3:29

Kaa' amon ru longgom kau noyo ri Kristus, papag kau ri Abragam, am niayuk makaapu kau ra atan ondo' binantu' ri Aki Kapuuno'.

SAGULION 1:33

kabalu' pana masalok Io mugar giu' ra saang min koson maguyum ra intok pangkiman ramuyun. Soroi io ra saang min ralalom lugu' ru apui paat ra rondom ti am ralalom lugu' ru gaun paat ra matawang, koson manulu' ramuyun ra ralan.”

IBRANI 11:29

Sabap ra pangintapatan noyo, ulun ru Israil nakalaup ra Raat Malia' koson mantana' ayuk ra ralan mapua'. Kaa' ulun ru Misir nongolosor ngai' paat ra ilo liminaup siminunu' ra ulun ru Israil.

JOSUA 4:23

Balain ilo ra Tuhan i Aki Kapuuno' min napakapua' ra sungoi no tayar min saboi liminaup kau raginio, koson ra Io napakapua' ra Raat Galaga tayar mai saboi liminaup akai raginio.