1 KORINTUS 1:5 - Tanou Moonsoi Timugon

⁵ Sabap ra masuang boo katutunan min ralalom ngaangai' baal, niayuk ondo' raguon am kapandayan min.

1 KORINTUS 1:5 ပူးပေါင်းရင်းမြစ်များ

RINALATAN 2:4

Ilo ngaangai' kinuasa' ru Ambiluo ri Aki Kapuuno'. Tumalimpuun ilo mindagu ralalom nansalinut ragu ra bokon maya' ra atan ondo' tinaakan ru Ambiluo ri Aki Kapuuno' no risilo.

ROMA 11:12

Sabap ra tula ru ulun ru Jaudi no ulun-ulun ru tana' ti binarakat ri Aki Kapuuno', am sabap ra pangintapatan ru ulun ru Jaudi malawo, barakat ra ulun sala' ka Jaudi mauli'. Amon ru koson poyo raginio, mulu' poyo barakat ri Aki Kapuuno' ra ulun ru Jaudi no paat ra ilo ngai' sumaguli' Riso.

ROMA 15:14

Pabukat kau ngaangai', mangintopot aku ra moonsoi kau toojo am makapandai kano ra ngaangai' saboi makapangila' ra rondo' am bokon.

ROMA 15:4

Ngaangai' ondo' tinulisan ra Buuk Kitab makapangila' ritakau, am pangilaan raginio mampaikang ra guang takau am mangani' ra guang mataan saboi makakalansanan takau ri Aki Kapuuno'.

1 KORINTUS 12:10

Ambiluo raginio noyo mangani' ra sangulun ra kuasa' mambaal ra kaimuagan, am ulun ra bokon inanian no ra kapandayan mampasaboi ra bala' intor ri Aki Kapuuno'. Ulun ra bokon poyo inanian ru Ambiluo no ra kapandayan magilong ra ati ka rondo' intor ra Tuhan am ati sala'. Mokoondo' inanian ra kapandayan mindagu ra nansalinut ragu imuagan, am mokoondo' poyo inanian ra kapandayan mambala' ra arati' ru ragu imuagan no.

1 KORINTUS 12:8

Ambiluo no mangani' ra sangulun ra taak mindagu ra mapintar toojo. Ulun ra bokon inanian poyo ru Ambiluo raginio ra taak mambala' ra kapandayan intor ri Aki Kapuuno'.

1 KORINTUS 13:2

Kabalu' pana mapandai aku mampasaboi ra tanou intor ri Aki Kapuuno', kapoam makarati' ra katapatan ri Aki Kapuuno' ondo' kalo igondo' pinabala', am makapandai ra ngaangai' am poyo pangintapatan ku ri Aki Kapuuno' maikang kaga', saboi gunung no pana maalap ku pakabanding, kaa' amon kalo motogom aku ra ulun bokon, kolondo' noyo onong kuti.

1 KORINTUS 13:8

Ulun musiti' masalok monogom ra bokon. Raino ti mokoondo' ulun mapandai mampasaboi ra bala' intor ri Aki Kapuuno', kaa' ginio kalo mantilayun. Mokoondo' niayuk ulun inanian ra kapandayan mindagu ra ragu imuagan, kaa' ginio pana kalo mantilayun. Mokoondo' poyo ulun makapambala' ra kapandayan intor ri Aki Kapuuno', kaa' kapandayan nilono mapuso niayuk.

1 KORINTUS 14:26

Pabukat kau ngaangai', kon kutu am paat ra akau tumimung sumambayang, mokoondo' marimbai, mokoondo' mangila' am niayuk mampasaboi ra bala' intor ri Aki Kapuuno'. Mokoondo' poyo mindagu ra ragu imuagan am mokoondo' mambala' ra arati' ru ragu raginio. Kaa' ngaangai' ti musiti' mangindangan ra pasimpungan ulun Kristian.

1 KORINTUS 8:11

Amon ru koson poyo raginio, kapandayan mino mangkinibit ra pabukat Kristian muno ondo' malawo pangintapatan makalayau boo. Kaa' sotopot no, minatoi i Kristus mamayag riso niayuk.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

2 KORINTUS 6:10

Kabalu' pana guang mai pangilukon, kaa' maansukan akai niayuk. Ilain ayuk ra akai ti musikin, kaa' masuang ulun palangkayaan mai. Ilain ra rondo' ayuk pana kolondo' ramon, kaa' sotopot no akai tatangan ra ngaangai' no.

2 KORINTUS 8:7

Mokoondo' noyo ngaangai' ramuyun: maikang pangintapatan, matanda' mindagu, makakapandayan, mataau am motogom kau ramon. Ginio nai boo ra piroto' min poyo pangindanganan moonsoi ti.

2 KORINTUS 9:11

I Aki Kapuuno' mangani' ramuyun ra kaukapan suku' makapangani' kau ra ulun bokon, am koson raginio masuang ulun maringkuanang ri Aki Kapuuno' sabap ra ruit paindanganon ondo' tinaakan min mumbaya' ramon.

IPISUS 1:17

Makiasi' aku ri Aki Kapuuno', Ama' ra kolondo' pogondo', ioginio Ama' ru Tuhan takau i Jisus Kristus, maa' raginio mangani' ramuyun ra Ambiluo Nano. Io no mampasauk ramuyun mapintar am niayuk paintalangon No ramuyun osoi Io koson totopot kau makaulig Riso.

IPISUS 2:7

Koson raginio noyo mampakito Io ritakau ra ati kulaan gayo ru asi' Nano ondo' mantilayun, ioginio kinoonsoi ru guang Nano ritakau ralalom ri Kristus Jisus.

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

IPISUS 6:19

Aku pana karaan ra pakiasian min, maa' raginio mangani' i Aki Kapuuno' raki' ra katandaan paat ra aku mindagu. Maa' raginio makakau' aku boo mampabala' ra atan ondo' kalo igondo' pinabala' intor ra Tanou Moonsoi no.

PILIPI 1:9

Gitio noyo pakiasian kuno ri Aki Kapuuno' ra gama' ru mulu' poyo togom mino ri Aki Kapuuno', mogondo' niayuk ra mulu' poyo kapandayan min ra katapatan am kaintutunan no.

KOLOSI 2:3

I Jisus Kristus noyo ondo' nampasalula' ra ngaangai' kalangkayaan ru kapintaran am kapandayan ri Aki Kapuuno' ra ondo' kalo natutunan ru ulun ra buoi ti.

KOLOSI 3:10

Raino inanian kau ra kaayagan bagu. Akau noyo ulun bagu ondo' masalok talimbaguin ri Aki Kapuuno' koson makatilu ra paliso Nano. Arati' no makaintutun kau bagu toojo ri Aki Kapuuno'.

JAKUBUS 3:13

Osoi ak intor ramuyun ondo' mangkara' ra makaintutun am mapintar io, moonsoi ru pakitonon no ginio mansail ra kaayagan am baal moonsoi nano, mabaya' ra guang minggana' am kapintaran.

2 PITRUS 3:18

Kaa' pai' min noyo labusi' togom tinaakan ri Jisus Kristus, Tuhan am Mamamayag takau, am pakaulig poyo toojo Riso. Gama' ru omporon Io raino am ra sabuoi-buoi no. Amin.