1 KORINTUS 1:23 - Tanou Moonsoi Timugon

²³ Kaa' itakau ti mampatanou ayuk ra tanou ri Kristus ondo' minatoi ra sinalip. Tanou raginio mampakaruol ra guang ru ulun ru Jaudi am poyo karaan ru ulun sala' ka Jaudi ragu sasambungon.

1 KORINTUS 1:23 ပူးပေါင်းရင်းမြစ်များ

MATIUS 11:6

Pakaansuk no ulun ondo' mangintopot ra Aku no kon ri Juanis.”

MATIUS 13:57

Ginio ra ilo kalo nangapu Riso. Indagu i Jisus risilo, “Sangulun nabi omporon ra ati-ati intok, kaa' kalo omporon io ru mamagun am pabukat nano galama'.”

LUKAS 2:34

Barakati' ilo ri Simion am indagu io ri Maria, ina' ru lalagang no, “Anak ragitio pinili' noyo ri Aki Kapuuno' koson mangukum am niayuk mamayag ra masuang ulun ru Israil. Masauk Io ra tatandu' intor ri Aki Kapuuno' kaa' masuang poyo manggal Riso.

1 KORINTUS 1:18

Tanou ru pinatayan ri Kristus ra salip i koson ayuk ra ragu sasambungon ra ulun makalayau, kaa' ritakau ondo' bayagon, ioginio mampakito ra kuasa' ri Aki Kapuuno'.

1 KORINTUS 1:21

Sumugut ra kapintaran Nano, nangaru' i Aki Kapuuno' ra osoi ayuk kalo makaulig Riso maya' ra kapintaran nano galama'. Kaa' Io no mamayag risilo ondo' mangintopot Riso minumbaya' ra tanou ondo' posoboyon maino, ondo' karaan ru ulun ru tana' ti ra ragu sasambungon.

1 KORINTUS 1:28

Pinili' No ondo' karaan ru ulun ru tana' ti koson kolondo' pangkat, kalo maatang am kolondo' onong. Maa' raginio maliom boo ri Aki Kapuuno' ondo' karaan ru ulun ru tana' ti maatang.

1 KORINTUS 2:14

Ulun ondo' kalo nokoowot ra Ambiluo ri Aki Kapuuno', io kalo makaapu ra taak intor ra Ambiluo no. Totopot kalo makarati' io ra taak no. Pangkaraan no, ginio sasambungon ayuk. Sabap ra kalo makarati' io amon ru kalo indanganon ru Ambiluo ri Aki Kapuuno' no.

1 KORINTUS 2:2

Sabap ra buoi ku soroi ramuyun, kolondo' rinagu ku ra bokon, ondo' ak am tanou ri Jisus Kristus am sauk ru pinatayan Nano ra salip.

1 KORINTUS 4:10

Sabap ri Kristus, akai nasauk koson ayuk ra sasambungon, kaa' akau nasauk ra ulun Kristian ondo' mapintar. Akai malawo, kaa' akau maikang! Akai asabin, kaa' akau urumaton tupo.

2 KORINTUS 4:5

Pai' ru mampasaboi akai ra tanou mai galama', kaa' tanou ra i Jisus Kristus noyo Tuhan, am akai ti ulipon min ayuk sabap ri Jisus.

GALATIA 3:1

Kua boo ramuyun, ulun ru Galatia, sasambungon kau nai! Osoi noyo namparuku' ramuyun? Kalo kia pinabala' ku ramuyun noyo toojo pinatayan ri Jisus Kristus ra salip!

GALATIA 5:11

Pabukat kau ngaangai', amon ru totopot ku potonowo' baal ru sunat ti, kua ra aku ti lakat poyo nai imboloon? Amon ru motopot gitio, tanou ra pinasaboi kutu intor ra salip ri Kristus kalo ga pana imuagon.

GALATIA 6:14

Kaa' aku kalo noyo lumimbau. Ondo' ayuk omporon ku am namatayan ru Tuhan takau i Jisus Kristus ra salip. Sabap ra namatayan ri Kristus ra salip, kaayagan ku ra tana' ti kolondo' boo arati' no raki'. Kalo boo mangkara' aku ra baal ondo' makito ru ulun.

IPISUS 3:8

Sotopot no, kabalu' pana ra aku ti nakatauli intor ra ngaangai' ulun ri Aki Kapuuno', kaa' inanian aku niayuk ri Aki Kapuuno' ra kandoi mampasaboi ra ulun sala ka Jaudi ra Tanou Moonsoi intor ra kalangkayaan ri Kristus ondo' kalo noyo mauntob.

IBRANI 12:2

Guango' takano toojo i Jisus, sabap ra Io noyo intaran am mampakatanda' ra pangintapatan takau. Tinaanan No ayuk kauyuan paat ra Io sinalip, sabap ra nangkara' Io ayuk ra kaansukan ondo' apuon No ra tauli no. Raino ti manturung Io ra tampilon pamiris ru takhta ri Aki Kapuuno'.

1 PITRUS 2:8

Tinulisan poyo ra Buuk Kitab, “Gitio noyo batu kasaruan ru ulun, batu kalauban nilo.” Koson ilo ra ulun makasaru ra batu, sabap ra kalo gumagaya' ilo ra bala' ri Aki Kapuuno'. Ginio noyo ondo' inaru' ri Aki Kapuuno' no risilo.