1 KORINTUS 1:20 - Tanou Moonsoi Timugon

²⁰ Intor raginio, atan onong ru ulun mapintar? Atan onong ru ulun mapandai? Am atan poyo onong ru ulun ru tana' ti ondo' mapandai tumaam? Sabap ra i Aki Kapuuno' nampakito noyo ra kapintaran ru ulun ru tana' ti sotopot no sasambungon.

1 KORINTUS 1:20 ပူးပေါင်းရင်းမြစ်များ

2 SAMUIL 15:31

Paat ra Raja' Daut binalaan ra i Agitopil niayuk minaya' gumuor ri Absalom, pakiasi' Raja' Daut, “Iou Tuhan, sulango' bilin ri Agitopil!”

2 SAMUIL 16:23

Paat raginio moonong bilin ri Agitopil inapu toojo, koson ayuk ra ngaangai' no ragu ri Aki Kapuuno' galama'; ra Raja' Daut am niayuk i Absalom manugut ra bilin ri Agitopil.

2 SAMUIL 17:14

Kopongo i Absalom am ngaangai' ulun ru Israil nokorongog ra inatangan raginio, konilo, “Moonsoi poyo bilin ri Gusai intor ra bilin ri Agitopil.” Inaru' noyo ru Tuhan koson mongompong ra bilin ri Agitopil ondo' moonsoi no, maa' raginio matiu' i Absalom ra karaat.

2 SAMUIL 17:23

Paat ri Agitopil nakapandai ra bilin nano kalo binaya', patampako' no palana ra kaladai nano am uli' ra bandar nano galama'. Kopongo nanalasai ra ngaangai' baalon nano, tair io galama'. Kopongo raginio linobong io ra kalabangan ru sasambaloi nano.

AYUP 12:17

Binubul No kapintaran ru pamarinta, am nangkinibit ra tingganai nasauk ra kukuritin.

AYUP 12:20

Pinongkoror no ulun ondo' maintopot, am nangalap ra kapintaran intor ra ulun matutuo.

AYUP 12:24

Sinauk No tingganai nilo naubong, saboi timinanggau ilo ra kolondo' kuayan.

JISAYA 33:18

Galing i malaa' kau ra ulun mampalulur ra cukai ru bansa' suai am ulun mansinok; ragino ngaangai' no karaan ayuk.

JISAYA 44:25

Kinuli-kuli Ku ulun mangingilong, kinuli-kuli Ku nanalaan ru sangulun nujum. Kalo iowon ku guangon ru ulun mapintar, am mapabala' ra kapintaran nilono sasambungon.

JISAYA 53:1

Timinaam bansa' raginio, “Osoi kia mangintopot ra atan ondo' norongog mai? Osoi kia papasabayan ra kuasa' ru Tuhan?

JIRIMIA 10:7

Osoi ondo' marara' mangurumat Rirun, raja' ru ngaangai' bansa'? Okou no totopot urumaton ru ngaangai'. Okou kolondo' pogondo' ra ngaangai' ulun mapintar intor ra bansa'-bansa', kapoam raja'-raja' nilo.

MATIUS 13:22

Sampug ondo' naratu' ra tatanga' ru bulungkut no koson ra ulun ondo' mangkirongog niayuk ra tanou no, kaa' maimamang ilo ra kaayagan nilai am pamaguangan nilo ra lumangkaya' mamisi' ra tanou no saboi kalo mangkawa' ilo.

JUANIS 12:31

Raino ti noyo pangakiman ra ulun ru tana' ti; raino ti alapon noyo kuasa' intor riso ondo' manguasa' ra tana' ti.

RINALATAN 17:18

Mokoondo' mangingila' ra pangilaan ru Ipikuros am Stoikos nakimantaam riso, konilo, “Atan nua' raguon ru naupa' ti?” Kaa' bokon i poyo minindagu, “Mampatanou io po lair intor ra dewa ru ulun bansa' ru bokon.” Rinagu nilo ginio sabap ra nambala' i Paulus ra i Jisus ti naayag saguli' intor ra kapatayan.

ROMA 1:20

Intor ra tana' ti biningkal, paliso ri Aki Kapuuno' ondo' kalo makito, ioginio ra Io topot-topot i Aki Kapuuno' am kuasa' Nano ra mantilayun, natutunan noyo ru ulun ralalom ru ngaangai' ondo' sinauk Nano. Intor raginio kolondo' sasaban ru ulun.

ROMA 1:22

Indos nilo mapintar ilo, kaa' sotopot no sasambungon ilo.

1 KORINTUS 1:19

Sabap ra tinulisan noyo ra Buuk Kitab: “Kon ri Aki Kapuuno', ‘Pusoon Ku kapintaran ru ulun mapintar, am liomon Ku pangaratian ru ulun mapandai.’ ”

1 KORINTUS 1:26

Pabukat kau ngaangai', karaa' min ati kulaan baal min paat ra akau piniau ri Aki Kapuuno'. Maya' ra pagilangan ru ulun, kalo masuang intor ramuyun mapintar, makakuasa' kapoam makapangkat.

1 KORINTUS 1:27

Siningon ri Aki Kapuuno' nampili' ra ondo' kinara' ra sasambungon ru ulun ru tana' ti, koson mampakauyu' ra ulun-ulun mapintar no. I Aki Kapuuno' niayuk nampili' ra ondo' kinara' ra malawo ru ulun ru tana' ti, koson mampakauyu' ra ulun-ulun maikang no.

1 KORINTUS 1:28

Pinili' No ondo' karaan ru ulun ru tana' ti koson kolondo' pangkat, kalo maatang am kolondo' onong. Maa' raginio maliom boo ri Aki Kapuuno' ondo' karaan ru ulun ru tana' ti maatang.

1 KORINTUS 11:32

Kaa' amon ru akimin takau pana ri Aki Kapuuno', ginio rondo' pangilaan no ayuk ritakau, maa' raginio kalo boo ukumin takau mabaya' ra ulun ru tana' ti.

1 KORINTUS 2:6

Kabalu' pana koson raginio, koson ra ulun ondo' nakaintutun noyo toojo ra kaayagan Kristian, motopot mindagu aku risilo ra kapintaran. Kaa' kapintaran ti sala' ka intor ra tana' ti kapoam intor ra mangunguasa' ondo' mamarinta ra tana' ti, sabap ra pamarintaan koson raginio mapuso.

1 KORINTUS 2:8

Kolondo' sangulun intor ra mangunguasa' ru tana' ti nakarati' ra kapintaran raginio. Amon ru nakarati' ilo, maaru' kalo masalip nilo Tuhan ondo' matulai kaga' i.

1 KORINTUS 3:18

Pai' sasangulun pana miruruung galama'. Amon ru mokoondo' intor ramuyun makapangkaraan ra mapintar io sumugut ra pagilangan ru ulun ru tana' ti, moonsoi ulun no mangkara' ra io sasambungon, am maa' raginio totopot io mapintar.

1 KORINTUS 3:19

Sabap ra ondo' karaan ru ulun ru tana' ti ra mapintar, karaan ri Aki Kapuuno' ra sasambungon. Sabap ra mokoondo' tinulisan ra Buuk Kitab, “Linandak ri Aki Kapuuno' ulun mangapintar ra kapintaran nilo galama'.”

1 KORINTUS 6:2

Kalo kia nakapandai kau ra ulun ri Aki Kapuuno' mangakim ra ulun ru tana' ti ra tauli no? Amon ru akau no mangakim ra ulun ru tana' ti, maaru' masalasai min baal ra kalo kula' maatang koson raginio?

JAKUBUS 4:4

Akau no ulun kalo malansanan. Nakapandai kano ra maguyum ra kasagaan ru tana' ti mogondo' ayuk ra makimantula' ri Aki Kapuuno'. Ginio ra osoi ayuk maguyum ra kasagaan ru tana' ti, io masauk ra pantula' ri Aki Kapuuno'.