1 KORINTUS 1:11 - Tanou Moonsoi Timugon

¹¹ Sabap ra mokoondo' kukula' ngaulun pabukat ri Koloi nambala' raki' ra nansasangor kau.

1 KORINTUS 1:11 ပူးပေါင်းရင်းမြစ်များ

KASAUKAN 27:42

Kaa' kaining ri Ribika inatangan ri Isau no, piawo' no i Jakub am indagu riso, “Iningo' noyo, maayo muno i Isau nangatang noyo mansuli' am mamatoi rirun.

KASAUKAN 37:2

Gitio noyo tunung ri Jakub sambaloi: I Jusup sangulun buayoi ondo' umur nano mopor am tulu' ngambilor. Magalung io ra domba am kambing nababaya' ra pagaka' ungkuyon no ra bokon, iono anak ri Bilga am i Jilpa. Ilo ti ruandu' parulug ru ama' nano. Balain ri Jusup ama' nano ra baalon mangalaat ru pagaka'-pagaka' nano.

AMSAL 13:10

Limbau magibit ra kapaganan; ulun mapintar mangapu ra pangilaan.

AMSAL 18:6

Amon ru ulun sasambungon mapatabual ra pantataaman, ilo no makilamba'.

1 KORINTUS 1:10

Pabukat kau ngaangai'. Ralalom inggalan ru Tuhan takau, i Jisus Kristus, kitaakon ku toojo ra pakarati' kano ra rondo' am bokon, maa' raginio kalo mantutuliar kau. Pogogondoo' min noyo guang am niayuk kasagaan min.

1 KORINTUS 1:12

Kon kutu ra sigagama' kau mindagu ra, “Maya' aku ri Paulus,” am kon ru bokon, “Maya' aku ri Apolos,” kon poyo ru bokon, “Maya' aku ri Pitrus,” am mokoondo' niayuk mindagu ra, “Maya' aku ri Kristus.”

1 KORINTUS 11:18

Kasaa' i, nokorongog aku ra paat ru pasimpungan mino, mokoondo' mansusuai am mansasangor ra rondo' am bokon. Am mangintopot aku niayuk ra tanou raginio.

1 KORINTUS 3:3

Sabap ra paliso mino lakat ayuk poyo koson ra ulun ru tana' ti. Mangusolon am mansasangor kau ra rondo' am bokon. Sala' kia ka gitio mampakito ra kaayagan min lakat ayuk poyo sumugut ra paliso ru ulun ondo' kalo makaulig ri Aki Kapuuno'?

2 KORINTUS 12:20

Maimamang aku ra paat ra mongoi aku ramuyun, ilain ku sala' kau boo intor ra atan ondo' lansanin kuli, am aku pana sala' boo intor ra atan ondo' lansanin min. Maimamang aku ra akau mansasangor, magugusolon, mansisang, matayar-tayar, magagasab, mangilaat ra ulun, malilimbau am kumuliangi-angi kau.

GALATIA 5:15

Amon ru malaat kau saboi mamparuol ra rondo' am bokon, ilalai' min, amon ru kalo, makapabaya' kau ngaangai' mapuso.

GALATIA 5:20

sumamba ra sinungkalalaing am kapandayan ra sihir. Mangkinibit ra ulun mantutula', mansasangor, magigingot, masasangit am masaga' makiompor ra ulun, kalo mogondo' guang am mansusuai ayuk.

GALATIA 5:26

Pai' takau pakiompor, mamparuol ra guang ru bokon, kapoam magusolon ra sangulun am bokon.

PILIPI 2:14

Atan ayuk kondoyon min, moonsoi kalo mambulingot kau kapoam makimansangor.

1 TIMOTIUS 6:4

io noyo ulun masumbung am kolondo' toojo kapandayan. Ulun koson ragitio kalo matanda', magail ayuk mantataam ra arati' ru rorondo' ragu, saboi mampasalula' ra kaingatan, pagagansangan, pangalimutan, panalaan malaat,

TITUS 3:9

Kaa' inggaluri' noyo pantataaman ra kolondo' onong, tutunungon ondo' binaal-baal ayuk ru ulun, pangayawan am pansasangaran intor ra Ukum ri Musa. Sabap raginio ngai' kolondo' onong kapoam ampos no.