1 KORINTUS 1:10 - Tanou Moonsoi Timugon

¹⁰ Pabukat kau ngaangai'. Ralalom inggalan ru Tuhan takau, i Jisus Kristus, kitaakon ku toojo ra pakarati' kano ra rondo' am bokon, maa' raginio kalo mantutuliar kau. Pogogondoo' min noyo guang am niayuk kasagaan min.

1 KORINTUS 1:10 ပူးပေါင်းရင်းမြစ်များ

MAZMUR 133:1

Rimbai ru ratangan ri Daut. Mapara' piboo bonsoi am kinatasu' no, amon ru ulun ri Aki Kapuuno' mogogondo' guang!

JIRIMIA 32:39

Aniin Ku ilo ra rondo' kuayan ru kaayagan: koson mangurumat Raki' ra sabubuoi no koson ra kaatangan nilo galama' am papag nilo.

MATIUS 9:16

Kolondo' sangulun pana mangangkup ra bayang lairon ra sabinsang konoon baguon, sabap ra pangangkup raginio mamparilak ra bayang no, saboi marilak toojo.

MARKUS 2:21

Kolondo' sangulun pana mapaangkup ra sabinsang konoon baguon ra bayang lairon, sabap ra amon ru koson raginio pangangangkup no mamparilak ra lairon no. Rilak nano pana gumayo poyo.

MARKUS 3:24

Amon ru rondo' pamagunan mantutuliar am manggal, maaru' pamagunan raginio mapuso.

JUANIS 10:19

Ginio nai ra nagagansang boo ulun-ulun ru Jaudi.

JUANIS 17:23

Aku masimpung risilo am Okou masimpung Raki'; maa' raginio totopot ilo rondo' guang. Makatutun boo ulun ru tana' ti ra Okou no nanusub Raki' am motogom Kou risilo nogondo' ra Okou motogom Raki'.

JUANIS 7:43

Nagagansang boo ulun masuang sabap ri Jisus.

JUANIS 9:16

Mokoondo' kukula' ngaulun intor risilo i minindagu, konilo, “Ulun ondo' nambaal ragitio maaru' sala' ka intor ri Aki Kapuuno', sabap ra kalo gagayaan No aturan ru orou Sabat.” Kaa' kon poyo ru bokon i, “Sala', ati kulaan sangulun makatula makapambaal ra kaimuagan koson raginio?” Ginio boo ra nagagansang ilo.

RINALATAN 4:32

Ngaangai' maamaya' ri Jisus toojo rondo' guang. Kolondo' sangulun pana intor risilo nangkara' am nangangku ra kuliamos nano galama', kaa' nagagapu ilo ra kuliamos.

ROMA 1:13

Pabukat kau ngaangai', masaga' aku makapandai kau ra ingkula' noyo aku pangatang mongoi ramuyun, kaa' masalok mokoondo' ayuk mongompong raki'. Moogot aku magibit ra ulun ra intok mino mangintopot ri Kristus, mogondo' ra ulun sala' ka Jaudi ra intok ra bokon.

ROMA 12:1

Pabukat kau ngaangai', sabap ra i Aki Kapuuno' makaasi' ritakau kitaakon takamin tojojo: Patimpoko' noyo kaayagan mino ri Aki Kapuuno' ayuk koson ra rondo' taak ondo' maayag, am ginio noyo mapabansuk Riso. Ginio noyo bayaan ra matanda' sumamba ri Aki Kapuuno'.

ROMA 12:16

Kaayag kano ra rondo' guang ra rondo' am bokon. Pai' pampaguang ra akau ti maatang, kaa' latok kano ra ulun musikin. Pai' pangkara' ra akau ti poyo mapintar.

ROMA 15:30

Pabukat kau ngaangai', kitaakon takamin toojo ralalom inggalan ru Tuhan takau i Jisus Kristus am ralalom ru togom tinaakan ru Ambiluo ri Aki Kapuuno', koson mababaya' takau mirot makiasi' ri Aki Kapuuno' ra bala kuno.

ROMA 16:17

Pabukat kau ngaangai', kitaakon takamin toojo, pagilalai' noyo ilo ondo' mampatuliar am mampalingou ra pangintapatan ru ulun Kristian. Pangilaan nilo kalo mogondo' ra nangilaan ramuyun i. Ginio ra inggalur kano risilo!

1 KORINTUS 1:11

Sabap ra mokoondo' kukula' ngaulun pabukat ri Koloi nambala' raki' ra nansasangor kau.

1 KORINTUS 11:18

Kasaa' i, nokorongog aku ra paat ru pasimpungan mino, mokoondo' mansusuai am mansasangor ra rondo' am bokon. Am mangintopot aku niayuk ra tanou raginio.

1 KORINTUS 12:25

Koson raginio ra inan no kalo boo matatayar, kaa' moonong tayar no motogom am magalung ra rondo' am bokon.

1 KORINTUS 3:3

Sabap ra paliso mino lakat ayuk poyo koson ra ulun ru tana' ti. Mangusolon am mansasangor kau ra rondo' am bokon. Sala' kia ka gitio mampakito ra kaayagan min lakat ayuk poyo sumugut ra paliso ru ulun ondo' kalo makaulig ri Aki Kapuuno'?

1 KORINTUS 4:16

Ginio nai ra kitaakon takamin toojo ra tilu kano raki'.

2 KORINTUS 10:1

Aku, i Paulus, mangitaak ramuyun, aku ondo' raguon ra molomoi paat ra makatuum ramuyun, kaa' baani paat ra makapaginggalur ramuyun. Sabap ra kinolomoi am kinataau ru guang ri Kristus, kitaakon takamin

2 KORINTUS 13:11

Pupusin ku pabukat kau ngaangai', tumoojo kau! Pirot kano toojo tumanda' am rongogo' noyo bilin kutu. Pogogondoo' noyo guang min am koonsoi kano ra rondo' am bokon. Gama' ru i Aki Kapuuno' ondo' monogom am manaak ritakau ra pabansayan mabaya' ramuyun.

2 KORINTUS 13:9

Maansayan akai amon ru malawo akai am akau maikang. Makiasi' akai ri Aki Kapuuno' koson tumanda' kau boo toojo.

2 KORINTUS 5:20

Koson ra ulun sinusub ri Kristus mampasaboi akai ra tanou ti am i Aki Kapuuno' galama' mindagu ramuyun mansail ramon. Ginio ra makitaak akai toojo ra: Polosoo' noyo akau pobonsoyon ri Aki Kapuuno'.

2 KORINTUS 6:1

Sabap ra akai mangandoi mabaya' ri Aki Kapuuno', makitaak akai ramuyun ra pai' min polosoo' ayuk kataawan ri Aki Kapuuno' ondo' naapu min i.

GALATIA 4:12

Pabukat kau ngaangai', ondo' kitaakon kuno ramuyun am tilu kano raki' koson kalo boo sumugut ra kaulayan ru ugama Jaudi. Sabap ra aku pana koson ramuyun raino ra maayag aku koson ra sangulun sala' ka Jaudi. Kalo igondo' kau makasala raki'.

PILIPI 1:27

Raino ondo' maatang toojo, kaayag kano sumugut ra Tanou Moonsoi ri Kristus. Maa' raginio, maampon ru moongoi takamin kailai' kapoam kalo, morongog takamin niayuk ra mingkotog kau poyo koson rondo' ayuk pangintapatan am niayuk rondo' guang min. Maa' raginio, makakau' kau mampabala' ra pangintapatan ondo' inimpuun ra Tanou Moonsoi no.

PILIPI 3:16

Baalo' takano maya' ra katapatan ondo' inila' noyo ritakau.

1 TISALONIKA 5:13

Urumato' am tagami' noyo toojo ilo sabap ra kandoi nilai ti. Kasalok kano mobonsoi ra rondo' am bokon.

2 TISALONIKA 2:1

Koson ra ratangan ru Tuhan takau, i Jisus Kristus, am pantimungan takau mongoi simpung Riso, pabukat kau ngai' kitaakon takamin:

1 TIMOTIUS 5:21

Giu' ra saang ri Aki Kapuuno' am i Jisus Kristus am poyo ra malaikat-malaikat matulai, maminson aku toojo rirun ra suguto' noyo ngaangai' pangilaan ragitio, am pai' inggio' bokon, kaa' pogogondoon mu ayuk.

2 TIMOTIUS 4:1

I Jisus Kristus matong poyo saguli' mongoi pangukum ra ulun maayag am ulun ondo' namagatoi noyo. Io ti matong mamarinta koson ra raja'. Ralalom inggalan Nano am poyo ri Aki Kapuuno', gitio kitaakon kutu toojo rirun;

JOSUA 22:15

Nakasaboi ilo ra libung Giliad am minuma' ra bansa' ru Rubin, Gad am Manasi Sirangon.

1 PITRUS 2:11

Pabukat ondo' tagamin ku, akau koson ra ulun bansa' ru bokon ondo' kolondo' karandanan ra tana' ti, maa' raginio kitaakon ku ramuyun, inggaluri' min noyo kinibit malaat, ondo' masalok gumula' ra kasagaan min gumagaya' ri Aki Kapuuno'.

1 PITRUS 5:10

Kaa' kaimbalaan ragitio sangkinolor ayuk, i Aki Kapuuno' mapatanda' ramuyun, mapakataan am mampaikang ramuyun am poyo moporondon Io ra guang min. Sabap ri Aki Kapuuno' ti noyo puun ru ngaangai' kataawan, am ralalom ri Kristus, Io nampiau ramuyun makaliman ra urumat Nano ondo' mantilayun.