1 JUANIS 5:7 - Tanou Moonsoi Timugon

^7-8 Mokoondo' talu kaintutunan: Ambiluo ri Aki Kapuuno', timug am raraa'. Kaintutunan ru katalu-talu ragitio rondo' ayuk.

1 JUANIS 5:7 ပူးပေါင်းရင်းမြစ်များ

MAZMUR 33:6

Intor ra kuasa' ru Tuhan no sinauk No limbowon, mato ru orou, bulan am butitin sinauk sumugut ra bala' Nano.

JISAYA 61:1

Kuasa' ru Tuhan Ondo' Masawat Kaga' soroi raki'; Io nampili' raki' am nanusub raki' koson mapatanou ra tanou moonsoi ra ulun musikin, koson mapatapuli' ra ulun natutuk guang, koson mapatanou ra ulun rinakop ra ilo palabuson mataki', am ra ulun-ulun ralalom ru pangaputan ra paingkualon ilo.

MATIUS 17:5

Tatanga' ri Pitrus mindagu, ratong gaun ondo' makabinusasal no nangulumput risilo, am bolos intor ra gaun no mindagu, “Gitio noyo Anak Kuno ondo' tagamin Kuno, mapakatasu' Io ra guang Kuno. Rongogo' min Io no!”

MATIUS 18:16

Kaa' amon ru kalo mangkirongog io rirun, pagibit no sangulun rangan kapoam ruo poyo. Sabap ra mokoondo' tinulisan ra Buuk Kitab: ‘Amon ru kalo rongogon kou, pagibit no ruo kapoam talu ngaulun sasi' mambala' riso.’

MATIUS 28:19

Ongoi kano ra ngaangai' bansa' ra titikop ru tana' ti am sauko' ilo no ra maamaya' Kuno. Riwo' ilo no ralalom inggalan ri Ama', Anak, am Ambiluo ri Aki Kapuuno'.

JUANIS 1:1

Paat ra talimpuun i, ra kalo poyo nabingkal tana' ti, mokoondo' noyo Ragu. Ragu no soroi ri Aki Kapuuno' am Io ti niayuk nogondo' ri Aki Kapuuno'.

JUANIS 10:30

Aku am i Ama' no rondo' ayuk.”

JUANIS 12:28

Ama', pakitono' noyo katulayan Muno.” Morongog boo mokobolos intor ra suruga', “Pinakito Ku noyo katulayan Kuno, am pakitonon Ku poyo.”

JUANIS 14:17

Io no Ambiluo ri Aki Kapuuno', ondo' mambala' ra katapatan ri Aki Kapuuno'. Ulun ru tana' ti kalo makapangapu Riso, sabap ra kalo makakito kapoam makaulig ilo Riso. Kaa' akau makaulig Riso, sabap ra mabaya' am sumimpung Io ramuyun.

JUANIS 15:26

Porotongon Ku ramuyun Mangingindangan intor ri Ama'. Io no Ambiluo ondo' mambala' ra katapatan ri Aki Kapuuno' am Io niayuk mampaintutun Raki' ramuyun.

JUANIS 5:26

Koson i Ama' noyo intaran ru kaayagan, nogondo' niayuk ra Anak inanian No ra kuasa' koson Io ti pana intaran ru kaayagan.

JUANIS 8:18

Mampaintutun Aku ra baal Kuno galama', am i Ama' ondo' nanusub Raki' i pana, mampaintutun niayuk Raki'.”

JUANIS 8:54

Taam i Jisus, “Amon ru makiompor Aku, ginio kolondo' onong. Ondo' mongompor Raki', am i Ama' Kuno. Io noyo iowon min ra i Aki Kapuuno' mino.

RINALATAN 2:33

Kinayang Io mongoi ra intok makakuasa' ra tampilon pamiris ri Aki Kapuuno' am niayuk nakaapu ra Ambiluo ri Aki Kapuuno' ondo' binantu' ri Ama'. Ondo' makito am morongog min raino ti am Ambiluo no ondo' pinataak ri Jisus ramon.

RINALATAN 5:32

Akai no sasi' ra ngaangai' raginio – akai am Ambiluo ri Aki Kapuuno' niayuk, ondo' pataakon ri Aki Kapuuno' ra ulun ondo' gumagaya' Riso.”

SAGULION 6:4

“Karaa' noyo, Israil kau ngai'! Tuhan – am rondo' ayuk Tuhan – iono i Aki Kapuuno' takau.

1 JUANIS 1:1

Manulis akai ramuyun intor ra Ragu ru Tuhan ondo' mangani' ra kaayagan. Ragu ru Tuhan mokoondo' noyo intor ra talimpuun i. Norongog am nakito mai noyo galama' am naguut ru kalindu' mai.

1 JUANIS 5:6

I Jisus Kristus noyo ondo' minatong ra tana' ti nabaya' ra timug pinampariu' Riso am raraa' ru pinatayan Nali. Minatong Io sala' ka nabaya' ra timug, kaa' nabaya' ra timug am raraa'. Ambiluo ri Aki Kapuuno' galama' mapaintutun ragitio motopot, sabap ra Ambiluo raginio niayuk motopot.

PINAINTALANG 19:13

Sukub ra binayang Nano natakisan ra raraa'. Sabiton Io ra “Bala' ri Aki Kapuuno'”.