1 JUANIS 5:20 - Tanou Moonsoi Timugon

²⁰ Nakapandai takau ra minatong noyo Anak ri Aki Kapuuno' am nangani' ritakau ra kaintutunan koson makaulig takau ri Aki Kapuuno'. Maayag takau sumimpung ri Aki Kapuuno' am niayuk i Jisus Kristus. Io noyo i Aki Kapuuno' ondo' motopot, am gitio noyo kaayagan motopot am mantilayun.

1 JUANIS 5:20 ပူးပေါင်းရင်းမြစ်များ

JISAYA 44:6

Tuhan ondo' namarinta am mangampin ra Israil, Tuhan Ondo' Maayo Kaga' Kuasa' mindagu, “Aku noyo ondo' kasaa' am ondo' pamupusan, i Aki Kapuuno' rondo'-rondo' no; Suai Raki', kolondo' bokon.

JISAYA 54:5

Namangun rirun no koson ra ralaki muno, i Aki Kapuuno' matulai ru Israil ioginio mamamayag rirun. Tuhan Ondo' Maayo Kaga' Kuasa', ginio noyo inggalan Nano, Io Aki Kapuuno' mangunguasa' ra titikop ru tana' ti.

JISAYA 9:6

Kuasa' Nano marayus rumuang; pamarintaan Nano kalinuos ayuk. Mamarinta Io koson suali ru Raja' Daut, pamarintaan Nano mimpuun ra ukum am katimpakan intor ragino saboi ra pupus ru tana' ti. Ngaangai' kasaukan raginio maaru' baalon ru Tuhan Ondo' Maayo Kaga' Kuasa'.

JIRIMIA 10:10

Kaa' Okou, Tuhan, i Aki Kapuuno' ondo' motopot, Okou i Aki Kapuuno' ondo' maayag, raja' ondo' mantilayun. Paat ra Okou sumangit, monontol tana' ti, bansa'-bansa' kalo maikang manguma' ra sangit Muno. (

JIRIMIA 23:6

Paat ra io masauk ra raja', ulun ru Jiuda maayag, am ulun ru Israil maayag ra moonsoi. Raja' no sabiton ra ‘Tuhan Mamamayag Ritakau’.

MATIUS 13:11

Taam i Jisus, “Binalaan kano ondo' kalo igondo' pinabala' ra ati kulaan i Aki Kapuuno' mamarinta, kaa' ulun masuang no kalo.

LUKAS 21:15

sabap ra Aku galama' mangani' ramuyun ra kapintaran tumaam, saboi kolondo' sangulun pana pantula' mino makaanggal kapoam makaansang ramuyun.

LUKAS 24:45

Kopongo ragili, nampaintutun Io risilo ra atan kon ru Buuk Kitab,

JUANIS 1:18

Kolondo' sangulun pana nakakito ri Aki Kapuuno'. Kaa' Anak Langkuir ri Ama' ayuk, ondo' mogondo' Riso am rondo' guang Riso, Io nampaintalang ri Aki Kapuuno'.

JUANIS 10:30

Aku am i Ama' no rondo' ayuk.”

JUANIS 14:20

Masuku' orou raginio, bagu no makapandai kau ra masimpung Aku ri Ama', am akau pana masimpung Raki', mogondo' niayuk ra Aku masimpung ramuyun.

JUANIS 14:23

Taam i Jisus, “Osoi ayuk motogom Raki', sumugut io ra ragu Kuno. Tagamin io ru Ama' Kuno am matong Akai ruo sumimpung ra ulun no.

JUANIS 14:6

Taam i Jisus riso, “Aku noyo ralan, katapatan am kaayagan. Kolondo' sangulun pana mokoongoi ri Ama', amon ru kalo mansail io Raki'.

JUANIS 14:9

Kaa' taam i Jisus, “Pilipus, nabuoi takano nababaya', kaa' lakat ayuk poyo kalo makaulig kou Raki'? Osoi ayuk nakakito Raki', nakakito io niayuk ri Ama'. Kaa' kua indagu kou po ra, ‘Pakitono' i Ama' no ramon?’

JUANIS 15:4

Rondon kano Raki' am Aku pana rumondon ramuyun. Pango kalo noyo makapangkawa' amon ru kalo soroi ra puun no. Mogondo' niayuk ramuyun, kalo makapangkawa' kau amon ru kalo rumondon Raki'.

JUANIS 17:14

Pinasaboi Ku noyo risilo Ragu Muli am kasisangin ilo ru ulun ru tana' ti, sabap ra ilo kalo mogondo' ra ulun ru tana' ti, koson niayuk ra Aku kalo mogondo' ra ulun ru tana' ti.

JUANIS 17:25

Ama' ra motopot, kalo mauligan Kou ru ulun ru tana' ti, kaa' Aku makaulig Rirun, am ngaangai' ulun ragitio niayuk nakapandai ra Okou no nanusub Raki'.

JUANIS 17:3

Gitio noyo kaayagan motopot am mantilayun; ra makaulig ilo Rirun, i Aki Kapuuno' ondo' motopot, am poyo i Jisus Kristus ondo' sinusub Mutu.

JUANIS 20:28

Indagu i Tomas ri Jisus, “Okou no Tuhan kuno am i Aki Kapuuno' kuno.”

JUANIS 8:42

Kon ri Jisus risilo, “Amon ru totopot i Aki Kapuuno' no Ama' min, tagamin min Aku, sabap ra minatong Aku intor ri Aki Kapuuno' am raino soroi Aku. Kalo minatong Aku maya' ra kasagaan Kuno galama', kaa' sinusub No Aku.

RINALATAN 20:28

Tumoojo kau am alungi' min niayuk ngaangai' ulun Kristian ondo' pinalansan ru Ambiluo ri Aki Kapuuno' no ramuyun. Alungi' min ilo toojo koson ra domba alungin toojo ru magagalung, sabap ra pinasauk ilo ri Aki Kapuuno' ra ulun Nano ralalom pinatayan ru Anak Nali galama'.

ROMA 9:5

Ilo ti papag ru kinamatuaan takali ra nauligan, am intor ra papag ri Kristus ra ulun no, inanak Io sangulun Israil. Gama' ru i Aki Kapuuno' ondo' manguasa' ra ngaangai', omporon ra sabuoi-buoi no. Amin.

1 KORINTUS 1:30

Kaa' i Aki Kapuuno' noyo ondo' nampasimpung ramuyun ri Jisus Kristus. Am ralalom ri Kristus, i Aki Kapuuno' nangani' ritakau ra kapintaran Nano. Ralalom inggalan Nano niayuk, pinobonsoi am pinalabus takano ri Aki Kapuuno' masauk ra ulun Nano ondo' mangandoi ayuk Riso.

2 KORINTUS 4:6

Minindagu i Aki Kapuuno', “Kasauk noyo sinda ra kalandaman.” I Aki Kapuuno' niayuk ondo' mampakasinda ra guang mai, koson makaintutun akai toojo ra katulayan Nano ondo' simininda ra bulos ri Kristus.

2 KORINTUS 5:17

Paat ra sangulun masimpung ri Kristus, masauk io ra ulun baguon; ondo' lairon i napuso, malit boo baguon.

IPISUS 3:18

koson akau am ngaangai' ulun ri Aki Kapuuno' makaintutun ra kinapila', kinaawar, kinasawat am kinalandom ru togom ri Kristus no.

PILIPI 3:9

Am ginio sala' ka boo intor ra katapatan kuno galama' koson gumagaya' ra Ukum ri Musa, kaa' intor ra katapatan ri Aki Kapuuno' ondo' pinataak no raki' sabap ra pangintapatan ku ri Kristus.

1 TIMOTIUS 3:16

Kolondo' sangulun pana makapagali' ra mumpara' boo bonsoi ru pangilaan motopot ondo' kalo igondo' pinabala' i, ioginio: Minintalang i Jisus Kristus am nasauk ra ulun, iniou Io ru Ambiluo ri Aki Kapuuno', nakito Io ru malaikat-malaikat. Pinatanou Io ra ngaangai' bansa', inintopot Io ru ulun ra ngaangai' libung ru tana' ti, am kinayang Io minuli' ra katulayan ru suruga'.

TITUS 2:13

Raino ti magiginaa takau ra Orou Kalansanan takau, ioginio papaintalangan ru katulayan ru Tuhan ondo' Maayo Kaga' Kuasa', i Jisus Kristus, Mamamayag takau.

IBRANI 1:8

Kaa' intor ra Anak no mindagu Io koson ragitio, “Takhta Muno, i Aki Kapuuno', mantilayun ra sabuoi-buoi no. Am Okou mamarinta ra ulun Muno mabaya' ra katimpakan.

1 JUANIS 2:23

Ulun ondo' kalo mangapu ra Anak, arati' no kalo niayuk mangapu io ra Ama'. Am ulun ondo' mangapu ra Anak, arati' no mangapu io niayuk ra Ama'.

1 JUANIS 2:24

Ginio boo ra pambalaan ondo' norongog mini intor ra talimpuun i, musiti' buliin min toojo ra guang. Amon ru gumuut kau ayuk ra pambalaan ondo' norongog mini, akau maayag masisimpung ra Anak am Ama'.

1 JUANIS 2:6

Osoi ayuk mindagu ra maayag io sumimpung ri Aki Kapuuno', musiti' io maayag koson ra bayag ri Jisus Kristus.

1 JUANIS 4:14

Akai galama' nakakito ra Anak ri Aki Kapuuno'. Am pinatanou mai ra ulun bokon ra sinusub Io ru Ama' no masauk ra Mamamayag ra ulun ru tana' ti.

1 JUANIS 4:16

Nakapandai takau galama' am nangintopot ra motogom i Aki Kapuuno' ritakau. I Aki Kapuuno' noyo togom. Osoi ondo' bayag nano inonggom ru togom, ulun no siminimpung ri Aki Kapuuno' am i Aki Kapuuno' siminimpung riso.

1 JUANIS 4:2

Gitio ralan min koson mangulig ra Ambiluo ri Aki Kapuuno': Ulun ondo' mindagu ra i Jisus Kristus minatong intor ri Aki Kapuuno' am siminauk ra ulun, ulun no mokoondo' ra Ambiluo ri Aki Kapuuno'.

1 JUANIS 5:1

Ulun ondo' nangintopot ra i Jisus noyo Mamamayag ondo' sinusub ri Aki Kapuuno', io no anak ri Aki Kapuuno'. Ulun ondo' motogom ra sangulun ama', motogom niayuk ra anak nano.

1 JUANIS 5:15

Nakapandai takau ra rongogon No paat ra itakau makiasi' Riso. Ginio ra nakapandai takau ragitio motopot, mapandayan takau niayuk ra mangani' Io ritakau ra atan ayuk kitaakon takau Riso.

1 JUANIS 5:18

Nakapandai takau ra ngaangai' ulun ondo' nasauk ra anak ri Aki Kapuuno' kalo marayus mambaal ra tula, sabap ra Anak ri Aki Kapuuno' mangampin riso am Tingganai ru riwato no kalo makaguut riso.

1 JUANIS 5:5

Osoi kia makaanggal ra kalaatan ru tana' ti? Ilo ayuk ondo' nangintopot ra i Jisus noyo Anak ri Aki Kapuuno'.

PINAINTALANG 15:3

Narimbai ilo ra rimbai ru nabi Musa, ulipon ri Aki Kapuuno' no, ondo' mongompor ra Anak Domba no, “Tuhan, i Aki Kapuuno' Maayo Kaga' Kuasa', mumpara' boo gayo am bonsoi ru binaal Muno! Raja' ru ngaangai' bansa', mumpara' boo banis am topot ru binaal Muno!

PINAINTALANG 19:11

Kakito ku boo suruga' no naukab am mokoondo' sanginan kuda mapulak. Ondo' nangura' no ininggalanan i Mampagagaya' am i Motopot. Matimpok Io ra mangukum am mangayou ra bokon.

PINAINTALANG 3:14

“Tulisi' koson ragitio ra malaikat ru pasimpungan ulun Kristian ra bandar Laodikia: “Gitio noyo bilin intor Riso ondo' sabiton ra Amin, ioginio sasi' ondo' malansanan am motopot, Io no puun ru ngaangai' ondo' sinauk ri Aki Kapuuno'.

PINAINTALANG 3:7

“Tulisi' koson ragitio ra malaikat ru pasimpungan ulun Kristian giu' ra bandar Piladilpia: “Gitio noyo bilin intor Riso ondo' matulai am motopot, am kunsi' ru raja' Daut soroi Riso; paat ra ukabin No kulobon no, angabin ru osoi ayuk pana kalo maangaban, am paat ra angabin No, ukabin ru osoi ayuk pana kalo maukaban.

PINAINTALANG 6:10

Giminolok ilo ra mapuor, “O Tuhan Maayo Kaga' Kuasa', mapasau am motopot! Kula' poyo buoi no bagu akimin Mu ulun ru tana' ti am mangukum risilo sabap ra namatoi ramon?”