1 JUANIS 5:17 - Tanou Moonsoi Timugon

¹⁷ Ngaangai' baal makasala no tula. Kaa' mokoondo' tula kalo magibit ra kapatayan.

1 JUANIS 5:17 ပူးပေါင်းရင်းမြစ်များ

JISAYA 1:18

Indagu Tuhan, “Ibok noyo salasayo' takau baal ragitio. Kabalu' pana mapaang kinalia' min sabap ru tula mino, baguin Takamin saboi akau masauk mapulak koson ra gapas. Kabalu' pana maagat am masuang tula min, akau totopot ampunon Ku.

SAGULION 12:32

Baalo' noyo ngaangai' ondo' nanusuban ku noyo ramuyun; pai' ruangi' kapoam irurui' atan-atan ra susuban raginio.

SAGULION 5:32

“Akau ulun ru Israil, tutuno' ra baalon min ngaangai' ondo' nanusuban ru Tuhan i Aki Kapuuno' min. Pai' anggal ra rondo' pana ukum Nano.

JAKUBUS 1:15

Bagu, paat ra kasagaan malaat ru guang imayaan ru sasangulun, makatula io; am amon ru kalo lumonggo' io mambaal ra tula, ginio boo magibit riso ra kapatayan.

1 JUANIS 2:1

Pabukat kau ngaangai'! Tulisin takamin ragitio, maa' raginio kalo boo mambaal kau ra tula. Kaa' amon ru mokoondo' poyo mambaal ra tula, mokoondo' mangingindangan ritakau, ioginio i Jisus Kristus ondo' motopot. I Jisus Kristus mangindangan ritakau makiasi' ri Aki Kapuuno'.

1 JUANIS 3:4

Osoi ayuk mambaal ra tula, io no kalo sumugut ra susuban ri Aki Kapuuno'. Tula ti kalo sumugut ra susuban ri Aki Kapuuno'.

1 JUANIS 5:16

Amon ru makakito kau ra osoi ayuk pabukat min mambaal ra tula ondo' kalo magibit ra kapatayan, pakiasi' kano ri Aki Kapuuno' maa' raginio bayagon boo ulun no ri Aki Kapuuno', ioginio ulun ondo' tula nilono kalo magibit ra kapatayan. Kaa' mokoondo' niayuk tula ondo' magibit ra kapatayan, am kalo mindagu aku ra musiti' kau makiasi' ri Aki Kapuuno' koson raginio.