1 JUANIS 5:16 - Tanou Moonsoi Timugon

¹⁶ Amon ru makakito kau ra osoi ayuk pabukat min mambaal ra tula ondo' kalo magibit ra kapatayan, pakiasi' kano ri Aki Kapuuno' maa' raginio bayagon boo ulun no ri Aki Kapuuno', ioginio ulun ondo' tula nilono kalo magibit ra kapatayan. Kaa' mokoondo' niayuk tula ondo' magibit ra kapatayan, am kalo mindagu aku ra musiti' kau makiasi' ri Aki Kapuuno' koson raginio.

1 JUANIS 5:16 ပူးပေါင်းရင်းမြစ်များ

KASAUKAN 20:17

Sabap ra ondo' nasauk ri Sara, andu' ri Abragam, binaal ru Tuhan ra tabanang moonong ruandu' ra istana ri Abimilik. Pakiasi' boo i Abragam ri Aki Kapuuno', am babaso' ri Aki Kapuuno' i Abimilik, andu' nano am ngaangai' ulipon ra ruandu' saboi maganak ilo poyo.

KASAUKAN 20:7

Kaa' raino pasagulio' io ra ralaki nano. Ralaki nano sangulun nabi am io makiasi' rirun maa' raginio kalo matoi kou. Kaa' amon ru kalo pasagulion mu, pakaraan Tokou matoi kou am niayuk ngaangai' mamagun muno.”

MAZMUR 106:23

I Aki Kapuuno' pana makaguang mamuso ra ulun Nano; kaa' sinawai ri Musa, ulun pinili' Nano. I Musa minayantanga' risilo, saboi sangit ri Aki Kapuuno' liminook.

KAINGKUALAN 34:9

Kono, “Tuhan, amon ru totopot Kou maansayan raki', kitaakon Tokou maya' ramon. Bambalingatan ulun ragitilo, kaa' ampuno' noyo kalaatan am niayuk tula mai, am apuo' akai koson ra ulun Muno galama'.”

JIRIMIA 11:14

Okou Jirimia, pai' pakiasi' koson risilo kapoam makiindangan Raki' koson risilo! Paat ra ilo ralalom ru kapaganan am makiindangan Raki', marara' Aku mangkirongog risilo.”

JIRIMIA 14:11

Minindagu Tuhan raki', “Pai' noyo kitaako' Aku mangindangan ra ulun raginio.

JIRIMIA 7:16

Indagu Tuhan, “Jirimia, pai' no pakiasi' ra ulun ragitio. Pai' no pampiau makiindangan kapoam makiasi' koson risilo; pai' no pakimasi' Raki', sabap ra marara' Aku rumongog rirun.

YEHEZKIEL 22:30

Maguyum aku ra sangulun ondo' makabaal ra timbok, ondo' makabigor giu' ra tampilon ra timbok ondo' nalunsai noyo koson mangampin ra pagun paat ra Aku masaga' mamuso raginio sabap ra sumangit Aku, kaa' kolondo' sangulun pana natuum Ku.

UNTABAN 12:13

Pampiau i Musa ra Tuhan, “Iou Aki Kapuuno', babaso' io noyo!”

UNTABAN 15:30

Kaa' osoi ayuk, iou ra ulun ru Israil kapoam ulun bansa' ru bokon ondo' sumingon mambaal ra tula, magasab ulun no ra Tuhan. Ulun no musiti' ukumin ra matoi,

LUKAS 12:10

Osoi ayuk magasab ra Anak ru Ulun, ampunon niayuk; kaa' osoi ayuk magasab ra Ambiluo ri Aki Kapuuno', kalo ampunon.

JUANIS 17:9

“Ama', ilo kiasiin ku. Kalo kiasiin ku ulun ru tana' ti, kaa' ilo ondo' pinataak Mutu Raki', sabap ra ilo longgom Muno.

2 TIMOTIUS 4:14

I Aliksandir ondo' manukang ra basi' no, masuang kalaatan nano raki'. Kaa' Tuhan mambalos riso maya' ra kalaatan ondo' binaal nano.

1 JUANIS 5:17

Ngaangai' baal makasala no tula. Kaa' mokoondo' tula kalo magibit ra kapatayan.

1 SAMUIL 12:19

Indagu ilo ri Samuil, “Anii pangindangan tuan, pakiasi' no ra Tuhan i Aki Kapuuno' muno ra tayar mai, maa' raginio kalo matoi akai. Raino nakaliman akai ra suai ra tula mai ondo' masuang, makatula akai poyo paat ra akai nakitaak ra sangulun raja'.”

1 SAMUIL 2:25

Amon ru sasangulun no makatula ra ulun, saungon io ri Aki Kapuuno'; kaa' amon ru sasangulun no makatula ra Tuhan, osoi kia boo makasaung riso?” Kaa' anak-anak ri Ili no kalo mampalio ra bilin ru ama' nilono, sabap ra namatas noyo Tuhan no koson mamuso risilo.