1 JUANIS 5:10 - Tanou Moonsoi Timugon

¹⁰ Ginio ra osoi ayuk mangintopot ra Anak ri Aki Kapuuno', nakaapu io noyo ra kaintutunan ragitio ralalom ru guang nano. Kaa' osoi ayuk kalo mangintopot ri Aki Kapuuno', manguu' io ri Aki Kapuuno' magabau, sabap ra kalo nangintopot io ra atan ondo' rinagu ri Aki Kapuuno' intor ra Anak Nano, i Jisus Kristus.

1 JUANIS 5:10 ပူးပေါင်းရင်းမြစ်များ

AYUP 24:25

Maimbuali kia ru osoi ayuk baal raginio? Makaanggal kia osoi pana ra kinotopot ru ragu-ragu kutu?”

MAZMUR 25:14

Tuhan noyo rangan ru ulun ondo' gumagaya' Riso, am pabalaan No nabantuan Nali risilo.

AMSAL 3:32

Masisang Tuhan no ra ulun malaat, kaa' lumampit Io ra ulun mabanis guang.

JISAYA 53:1

Timinaam bansa' raginio, “Osoi kia mangintopot ra atan ondo' norongog mai? Osoi kia papasabayan ra kuasa' ru Tuhan?

JIRIMIA 15:18

Kua marayus aku ayuk maimbolo'? Kua ra pilat kutu malandom am kalo mapali'-pali'? Kuayan Muno mapasinduol kia raki' koson ra sungoi ondo' lumasak bulintok malasu'?”

UNTABAN 23:19

I Aki Kapuuno' sala' ka ulun, kalo magabau Io; I Aki Kapuuno' sala' ka ulun toojo, kalo mangulau Io ra pangkaraan. Atan ondo' binantu' Nano suguton No; atan ondo' rinagu Nano maaru' baalon No.

JUANIS 3:16

Sabap ra maayo kaga' guang ri Aki Kapuuno' ra ulun ru tana' ti, saboi nanaak Io ra Anak Langkuir Nano, maa' raginio moonong ulun ondo' mangintopot Riso kalo mapuso, kaa' mokoowot ra kaayagan mantilayun.

JUANIS 3:18

Osoi ayuk mangintopot ra Anak no kalo ukumin. Kaa' osoi ayuk kalo mangintopot Riso, inukum noyo sabap ra kalo nangintopot io ra Anak Langkuir ri Aki Kapuuno'.

JUANIS 3:33

Kaa' osoi ayuk mangintopot ra kaintutunan Nano, io no mangiou ra i Aki Kapuuno' no motopot.

JUANIS 5:38

Ragu Nano kalo sumoroi ra guang min, sabap ra kalo mangintopot kau Riso ondo' sinusub Nali.

RINALATAN 8:37

Indagu i Pilipus, “Mariu' tokou amon ru mangintopot kou toojo.” Taam io, “Mangintopot aku ra i Jisus Kristus i noyo Anak ri Aki Kapuuno'.”]

ROMA 8:16

Intor raginio Ambiluo ri Aki Kapuuno' mabaya' ra guang takau mindagu ra itakau noyo anak ri Aki Kapuuno'.

GALATIA 4:1

Tungguli' ku poyo: buoi ru sangulun lakat ayuk poyo lalaing, mangandoi io ra ama' nano koson ayuk ra ulipon, kabalu' pana ngaangai' tungkuson no io makaalap.

GALATIA 4:6

Sabap ra totopot anak kau ri Aki Kapuuno', ginio ra nanusub Io ra Ambiluo ru Anak Nano, sumoroi ra guang takau, koson mampiau, “Ama', Ama' kuno.”

KOLOSI 3:3

Sabap ra akau ti karaan koson ayuk ra minatoi noyo am kaayagan bagu min sumimpung ri Aki Kapuuno' mabaya' ri Kristus, kalo makito ru ulun.

IBRANI 3:12

Pabukat kau ngai' ondo' tagamin kuno, ilalai' min koson ra kolondo' sangulun intor ramuyun no makaguang ra malaat ra kalo boo mangintopot, saboi tumalikur boo ri Aki Kapuuno' ondo' mantilayun no.

2 PITRUS 1:19

Ginio boo ra mangintopot akai no toojo ra bala' ondo' pinasaboi ru nabi-nabi ragili. Ginio ra moonsoi ru karaan min toojo bala' ti, ondo' koson ra pilasut suminda ra intok molondom. Am karaan ginio suku' ratangan saguli' Nano, ondo' koson ra butitin ru sirangon paat ra matawang – Io mampaulig toojo ramuyun ri Aki Kapuuno'.

1 JUANIS 1:10

Kaa' amon ru mindagu takau kolondo' tula takau, manguu' takau ri Aki Kapuuno' magabau am Ragu Nano kalo soroi ra guang takau.

1 JUANIS 5:1

Ulun ondo' nangintopot ra i Jisus noyo Mamamayag ondo' sinusub ri Aki Kapuuno', io no anak ri Aki Kapuuno'. Ulun ondo' motogom ra sangulun ama', motogom niayuk ra anak nano.

PINAINTALANG 12:17

Tambuakal no siminangit kaga' ra ruandu' no, saboi ongoyo' no tulaa' papag ra bokon intor ra ruandu' no; ioginio ngaangai' ulun ondo' gumagaya' ra panusuban ri Aki Kapuuno' am ondo' mangani' ra kaintutunan intor ri Jisus.

PINAINTALANG 2:17

“Rongogo' am karaa' noyo atan kon ru Ambiluo ri Aki Kapuuno' ra pasimpungan ulun Kristian no! “Osoi mangala ra kuasa' ru kalaatan, aniin Ku io ra ruti' ondo' nakasibuni no – ondo' sabiton ra manna. Mangani' Aku niayuk riso ra rondo' batu mapulak ondo' tinulisan ra inggalan nakabagu ondo' kalo mauligan ru ulun bokon kaa' ulun mangapu no ayuk.”

PINAINTALANG 2:28

Makapangani' Aku niayuk risilo ra butitin ru sirangon.